2 PER 2:4 - KARÚK-PËRIM KAWALU Nouveau Testament

⁴ Par Nasien-batsi jampësaats ngëwaanju bi nga juban bi, maa, atan ngul ni mkorente agutsar nfeernu, di tsëko tsërëmëntsuel, a na yecis ngul pa unu kawat-pëleents.

2 PER 2:4 ပူးပေါင်းရင်းမြစ်များ

MATEU 25:41

Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju.

MATEU 8:29

Din a balieaja: “Wee wund kaar wun ni wi, Abuk Nasien-batsi? M bi pëpikaar wund, tsini uwal ruka ka band a?”

MARKU 5:7

a na lië mak aja: “Wee m kaaraan wun ni nji, wi Yeesu Abuk Nasien-batsi Kanpe pëci di ruets? Man ñaanu tsi katim Nasien-batsi, cӓts luekanin.”

LÚKAS 10:18

Din, Yeesu ja bukul: “Man win Useetaani, uyëri wul di batsi, pi kalikajan.

LÚKAS 8:31

A nga ci tsi pëbuara Yeesu, pa na rits tsu ngul nga tsëp baar-tsëko-unoor.

KAKÚRAN-KAWAR YEESU KRISTU BI JOŊ LEENŢ BI KUL AJA 8:44

Ind, Ujabël ci wun asin ind, a nda ŋal përo ngi asin ind ŋal ngi. Wul, aci ufiŋ bañaan ki ujuundi. Aja u roon di ka baar tsi ucär, par ucär cits tsi wul. Aja uu tsup, u leents ko un ci wi wíic wul, par wul aci utsup, a u ciind usín bëtsup.

ROOMA 11:21

Par, uci Nasien-batsi wëtats ina in fala yunk, di kee wëtu buts.

ROOMA 8:32

Nul na laaŋats Abukul bërierul, maa na wëlul undo n ja bëlieng, a um bi na rits bun ka wël ngëko bëlieng bëlukats, pa n ja ni Abukul?

2 PER 2:11

Ngëwaanju pe ngunk pëka uyëlan ni pëyëlan, a di ka kar mul, tsi bërun Ajug;

2 PER 2:5

A jampësaats umundu ujon, maa a na waay Noe, nul naleents uleka bëmabal, ni bañaan paaj ni nalon; a na wëtani mlik-mfuer tsi umundu bameets-nasien-batsi.

2 PER 2:9

Ko wi, apiban nja Ajug yël përand balënk-nasien-batsi mteenamana, ni pëwët ba mabats biki tsi unoor, te Unu kawat-pëleents.

1 JOŊ 3:8

Ñaan na mobi tsi përo ujuban, aci ni Ujabël, par Ujabël ajuban ki ujuundi. Ko umënts wun ka wun Abuk Nasien-batsi bi, pa pëcok uleemp Ujabël.

JÚDAS 1:13

Bu ci pi ngëmaroŋ bërëk ngëjuatsal, ngi ka lëtsan ngi uñutsandar ngul bërier ngul. Bu ci pi ngëpesaj ngan meets ngi tsi nguu ya tsi; karëm síic ayecisa pa ngul, pa sandëndën.

JÚDAS 1:6

A ngëwaanju ngan tsuunkarats ngi ko wi nga ci wi, maa nga bër tsi nga ro tsi ciina, Nasien-batsi agaang ngul di bametsu karëm, a nga ricara sandëndën, pa Unu uwiak, wi kawat-pëleents.

UPIBAN 20:10

A Ujabël, wul un daac wi bukul tsi kafal, gutsaa di pëwal bërua ni ucof, di un jar ci ri ba, wul ni nayëlia natsup; bu ka ci tsi unoor uwiak, pënak ni bërëm, pa sandëndën.