2 PER 2:3 - KARÚK-PËRIM KAWALU Nouveau Testament

³ Ni ibats karisan-ko, bu ka raacëna ind irim kanguungu, pëyankëna ind ngëko; kawata-pëleents bukul kan yecisa ki jon, di ka jon pëbaandi, te pëniam bukul di ka ŋooy.

2 PER 2:3 ပူးပေါင်းရင်းမြစ်များ

MATEU 23:14

[Cay bapican-ulua ni Bafariseu, ind banguungu! Par nda ja nda roon nduu yankëna bacätsëndan-bayën bukul ngëko ito bukul; a nda ja nda roon nduu yampan bëñaan, pa pëpibandar. Wul ka wun ndu tsua ulaci-un pe wi pëjuats.]

LÚKAS 18:8

Man ja ind: Ka faŋan bukul, ucar. Maa ubaandi Abuk ñaan-najin, kee tsënki uwak tsi umundu-a?”

LÚKAS 20:20

Din, a ba ruka tsuuna Yeesu këkës. Ba yël batsab, bu kë ro pi bë ci bamabal, pa bu ka mobënul tsi përimul, pa në gutsara pësien ni tsi kañan na tsijëna-pëboos.

LÚKAS 22:47

Bi Yeesu wama bi ka ñakan, din kandënd bañaan baandi, nalon tsi untaaja bukun ni batëb, ni ka n jaka unk Judas, yëri un bukul bërun; akika awok Yeesu pa pëwúnkëraul.

KAKÚRAN-KAWAR YEESU KRISTU BI JOŊ LEENŢ BI KUL AJA 2:16

a na ja bawaap ngëtuuba: “Nda pënani ngul tsi! Ind tsë ro kato Asin nji kato pëjúla.”

ROOMA 16:18

par bamënts biki cits tsi pëleempar Këristu Ajug nja maa bë ci tsi pëleempar ipës bukul; a ni irim ilílal ni kafal, bu kë niaman ban kaats biki ko ni ñaan.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

1 TESALONIKA 2:5

Nda me koon, yaas a përim wund ka ci pan bëndan pi ñaan tsi kafäl, nin wund pëtsij ngëwejatskariisan-ko; Nasien-batsi aci na maatir.

1 TESALONIKA 5:3

Uwal wi bañaan kë ci wi tsi pëja: “Pëfac aci, a ngëwaas bañaan tsoar” din tsi ucar umënts wun kacok ka yërëni bukul, pi urear uliaf-kabuk tsi ŋaats naseemp. Nin bë ri ka buer koon këbuer.

1 TIMOTEU 3:3

Nul tsë tsu ibatsul tsi karaan-pëwat, nul tsë ci nakaman-bañaan, maa na ciin najuab-uwaas, narika-kaman, narika-tsu ibatsul tsi kaŋal-uncaam.

1 TIMOTEU 3:8

Batsënk buts, bu ka pëci bañaan-urispiitu, bamob tsi përim pëloole, barika-tsu ibats bukul tsi karaan-pëwat mak, barika-tsu ibats bukul tsi pëka bëka ba mabats bi.

1 TIMOTEU 6:5

ni mŋom man dits mi ka ba, mi bawaraats ngëwejats a bu katse me ucär, a ba ja ne pëlënk Nasien-batsi ka tsiji pëka bëka.

TIITU 1:11

Bu ka përicaa itum, par bë ja ba roon bu kë cok bañaan bëlieng di ito, tsi puu jukan ngan kaats ngi pëjukana; bu koo ro ank, pa pëka bëka ban kawaran bi.

TIITU 1:7

Par nawaay-bañaan, nul nagaangana ngi Nasien-batsi, aka pëci nan kaatsi ulaci. Di ka tamb ulats, di ka car uriab, di ka tsu ibats tsi karaan-pëwat, di ka tsas ukam, di ka tsas bëka ban kawarën bi.

1 PER 2:8

a pa ci buts pëlaak ujontas ni bulaak bi kan tsu bi ñaan na yër. Bu ka jontas par bu pok pëwak tsi përim, unk a ba tsuura ko umënts wun.

1 PER 5:2

Nda yafani pëtan ngënkaanel Nasien-batsi pi nda tanan pi. Ind tsë ñaas ngul maa nda tsuunkari ngul bi Nasien-batsi ŋal bi; cits ni uwejats karí-ko, maa ni uŋal uwar.

2 PER 1:16

Bi wund kë leents ind bi uleka pëyëlan ni ubiiri Yeesu Këristu Ajug nja wund fetsats itëtan i ñaan-najin jaj yi këjaj, maa wund aci bamaatir biki bërier wund, a wund win përëmbul ni këkës wund.

2 PER 2:1

Bi bayëlia batsup ro bunk ci tsi pëncuaf bañaan-ucaak, unk buts di bajukan-ngëtsua batsup kii cili run tsi pëncuaf ind. Bu ka niajan bëjukan ban cika bi, bi kan cok bi, te u tsu bukul pëbër Ajug, nul nan buerani bukul; bu ka tsiji kacok kacaral tsi ruets iyeen bukul.

2 PER 2:9

Ko wi, apiban nja Ajug yël përand balënk-nasien-batsi mteenamana, ni pëwët ba mabats biki tsi unoor, te Unu kawat-pëleents.

JÚDAS 1:11

Cay bukul! Par bu fets bëga Kain. Tsi undo bëluk, a ba yër tsi pëniam Balaam; ba niam tsi katamb-ulats Koore!

JÚDAS 1:15

pa pëwat bañaan bëlieng pëleents. Në lacan ba uwakats biki bëlieng tsi nul, tsi uleka ngëko ngi ba roona ngi bëlieng tsi kameets-nasien-batsi, ni ni irim ijuatsal yi bu kë jaarul yi bëlieng, bukul bajuban bameets-nasien-batsi.”

JÚDAS 1:16

Bamënts biki ci bakuetar, barika-lílan tsi ngëbiira bukul, bu kë yandaar tsi ngi ngëliaf bukul kë rí ngi, itum bukul kë ja irim upíc; pa bëkat bukul bu kë bëndan bañaan.

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.

JÚDAS 1:7

Nda lesan buts përaasa Sodooma ni Gomoora, ni iraasa in fay yi yul, unk buts di i baar run tsi katuk-ufuts ni mampiintsandar man dits mi ka rolaa. A ba tsuaa pëci-unaamanaani pa unoor bërua ban dits bi ka ba.