2 PER 2:20 - KARÚK-PËRIM KAWALU Nouveau Testament

²⁰ Bi u ci bank, uci ba bueri di mtsopi umundu, tsi undo ume Yeesu Këristu Ajug nja Nabueran, a uu ba, a ba kaka witsa ka tsopandar tsi mul, a man pe bukul pëyëlan, bëci bukul butuami ka witsa ka pe bucak pëjuats.

2 PER 2:20 ပူးပေါင်းရင်းမြစ်များ

FILIIPUS 3:19

Ko wi bu kë tuamanaan wi, aci pëniam; par pëpës ci pun nasien-batsi bukul, a bu kë pícëna ko un ci wi bukul mkaw, bukul bawejats ngëko umundu.

2 TIMOTEU 2:4

Nasondaari nan ci tsi usirbis, ka ŋal nan tsuuli tsi usirbis pëlilandërul. Wul ka wun, di ka tsu ibatsul tsi ngëko umundu.

JAKOB 1:27

Bëga bëjëntsal, te kaats mtsopi tsi bërun Nasien-batsi, Asin nja ci bun bi: Puu ya pëwin babënatsa ni ban cätsëndan biki bayën bukul, puu ya pëwin bukul tsi unjuatsia wi ba ciina wi, ni përits tsopandar ni ngëko umundu.

2 PER 1:11

Par, unk ri ndu wëla run bëga buwaanal, pa pëniaj Pësien Ajug nja pan dits pi ka ba, nul Yeesu Këristu Nabueran.

2 PER 1:2

Bëtseend ba watsësaan ind ni pëfac, ndë cum ni ume Nasien-batsi, ni wi Yeesu, Ajug inja.

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

2 PER 1:4

tsi ngëko ngëmënts ngi, tsi na watsanaani njatsun ngëwatsan ngëwiak, ngan ka ngi bëkat, pa undo ngul, ndë ruka ci ban bof biki tsi bëci Nasien-batsi, ndë bueri tsi kacok, ni karí-ko kan ci ki tsi umundu.

2 PER 1:8

Par uci ngëko ngëmënts ngi ci di ind, a nguu watsësar, ngë tsu ind përits ci barika-ro ko, ni ban dits biki ka buk mbuk, tsi ume Yeesu Këristu Ajug inja.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!