2 PER 2:2 - KARÚK-PËRIM KAWALU Nouveau Testament

² Bacumal ka fets bëro bukul bëtsopal. A tsi undo bukul, bëga ucär ka karaa.

2 PER 2:2 ပူးပေါင်းရင်းမြစ်များ

MATEU 22:16

A ba yël bafets bukul ni bañaan Eroodis di nul, bee ba jaul: “Najukan, wund ame m ci naleents ucär, a kë jukan bëga Nasien-batsi tsi ko un ci wi ucär bëlieng, te m di kë lënk ñaan, par m teenënats ko wi ñaan ci wi.

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

MATEU 7:14

Maa pëlëman pan kats punk, ni bëga buñíkëtsuel bun ka tsëpand ñaan pa ubiira; bapar tsi bul cumats.

MARKU 12:14

Bi ba band bi, a ba jaul: “Najukan! Wund ame m ci nacӓr; m fierats pëme ko wi ñaan ci wi, a m di kë teena bënaam bañaan; maa m ja m doon kuu jukan bëga Nasien-batsi tsi ucär. Pëluk Seesar uraasa, aci ko u niirana wi oo niiranaatsa-a? Ngë ka pëluk oo ngë kaats pëluk-a?”

MARKU 13:22

Par barata batsup, ni bayëlia batsup, bu ka natsa, bu kë ro ngëpibanaani, ni ngëko ngan pikran ngi, pa puu falëna bañaan, te ŋal ban data biki, uci u yëla bëro.

KAKÚRAN-KAWAR YEESU KRISTU BI JOŊ LEENŢ BI KUL AJA 14:6

A Yeesu jaul: “Nji n ci-un bëga, ni ucär, ni ubiira; kaats ñaan ni kan bii tsi Asin nji, uci na biinatsi tsi nji.

NGËRO 13:10

na ja: “Abuk Ujabël, nan cumi ni ngëko kafal, ni kawaraatsa bëlieng, nabër ko u mab wi; m di kë wëtan pëwítsës iga Ajug imabal-a?

NGËRO 14:2

Maa, Bajudeu ba uwakats biki sualan ban cits biki Bajudeu a ba riabatsar bafets Yeesu.

NGËRO 16:17

A nuu fets Pol ni wund, a nuu lië koo ja: “Bañaan biki, bë ci baleemp Nasien-batsi kanpe pëci di ruëts, a bu kë leents ind bëga pëbuër.”

NGËRO 18:26

Apolos kur pëñakan ni bëyeentsal di kato-kajuki. Maa, Priskila ni Akiilas kë teul, ba tsëpandul kato bukul; a ba pe pëjëntsan pëleentsul bëga Nasien-batsi uwar.

NGËRO 19:9

Maa, bi balon tsi bukul ci bi tsi katamb-iyeen, bë wakats, a bu kë ja ngëko nga waraatsa ngi uleka Bëga Ajug tsi pëncuaf bañaan bacumal mak. A Pol pën tsi bukul, a na tsëpand ba uwak bukunk, a na ja kara unu nuu totëlar irim ni bukul di ikol Tiraanu.

NGËRO 22:4

Man noor-nooran bafets Bëga bi, te pëcäts; a n dë tani bayënts ni bakaats ee ka n guts di ukalabus.

NGËRO 24:14

Maa, mán pets n jau, ma nja n doon koo leempar Nasien-batsi basin wund tsi Bëga bi ba ja bank ‘bëtawsër bëjukan ban pats bi;’ a n wakand tsi ngëko bëlieng ngan bofëna ngi tsi ulua, ni tsi bëpican bayëlia.

ROOMA 2:24

Par iink di u pica run: “Undo ind ka wun katim Nasien-batsi kë karaa tsi ban cits biki Bajudeu.”

1 TIMOTEU 5:14

Wul ka wun, ma ŋal ba nima, bukul ban kaats biki ngëwaanu ngëmënts ngun; ba nimaan, bu ka buk, bu kë këmand ito bukul. Unk, nabër dits wëla bëga bujaani ngëwutsëtsuel.

TIITU 2:5

Bu ka ci baliingëlën-ko, bamob ngëliaf bukul; nan ci nuu këmand katoul, bu ka ci bajuab-ngëwaas, nan ci në mob tsi përim ayënul, pa përim Nasien-batsi rits karaa.

TIITU 2:8

ni përim pëwar, pan yëlants pi pëka ulaci, u tsu babër ba kawa, par bu kaats uwutsëtsuel wi bu kë ja wi tsi uleka inja.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

2 PER 2:12

maa bañaan bamënts biki ci pi ngë n jar, ngan dits ngi ka wejats, nga leempara ngi puu moba ni puu fiŋa; bu ka kar ko wi ba meets wi. Bu ka niam buts tsi kawaraatsa bukul.

2 PER 2:15

Bu wëtan bëga bëmabal, a ba niam bi bu kë fets bukunk bëga Balaam, abuk Bosor, nul nan yecis pëyank bëluk kamabats;

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

2 PER 2:21

Par, aro mat bukul përoots me bëga bëmabal yaas, ni pëjaa bu me bul a uu ba, a ba ru wëtan utsua uyëman wi ba wëla wi.

2 PER 2:7

A na randan Lot, niints namabal, na njai na roon në juatsan, undo ngëñútsanuel ngi bameets-ngëtsua kë ro ngi.

JÚDAS 1:10

Maa bañaan bamënts biki, bu ka kar ko wi ba meets wi uwar. A ko wi ba me wi tsi bëci bukul bi kameets-ko pi ngënjär ngan dits ngi ka wejats, ko umënts wun ka cok wun bukul.

JÚDAS 1:15

pa pëwat bañaan bëlieng pëleents. Në lacan ba uwakats biki bëlieng tsi nul, tsi uleka ngëko ngi ba roona ngi bëlieng tsi kameets-nasien-batsi, ni ni irim ijuatsal yi bu kë jaarul yi bëlieng, bukul bajuban bameets-nasien-batsi.”

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.

JÚDAS 1:7

Nda lesan buts përaasa Sodooma ni Gomoora, ni iraasa in fay yi yul, unk buts di i baar run tsi katuk-ufuts ni mampiintsandar man dits mi ka rolaa. A ba tsuaa pëci-unaamanaani pa unoor bërua ban dits bi ka ba.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 13:14

A uu fal ban ciina biki utsia; koo falëna bukul ngëpibanaani ngi u wëla ngi përo tsi bërun un jar ucak wun. Wul aja ban ciina biki tsi utsia, ba roon bu ka leemp bënaam un jar u lupana wunk ni ulaac, a uu yafënts.

UPIBAN 13:8

Ban ciina biki bëlieng umundu, bu ka jintëla un jar umënts wun, bukul biki itim bukul picanaatsa yi, ki umundu juund ki, di ulibëru ubiira, wi Ubuk-unkaanel un jakana wi.