2 PER 2:14 - KARÚK-PËRIM KAWALU Nouveau Testament

¹⁴ Këkës bukul acum ni mjubi, a bu ri ka paaraar ujuban, bu kë fal ba liincats bukun tsi uwak, a ngëwaas bukul mob tsikariisan-ko; bë ci upäts bëjuats.

2 PER 2:14 ပူးပေါင်းရင်းမြစ်များ

MATEU 12:34

Ko wi nda ci wi ngëko-pëtsats! Um di nda yil run pëja ngëko ngëwar, ind ba waraatsa biki? Par, un cum wi uwaas, wi mtum kë ja wun.

MATEU 23:14

[Cay bapican-ulua ni Bafariseu, ind banguungu! Par nda ja nda roon nduu yankëna bacätsëndan-bayën bukul ngëko ito bukul; a nda ja nda roon nduu yampan bëñaan, pa pëpibandar. Wul ka wun ndu tsua ulaci-un pe wi pëjuats.]

MATEU 25:41

Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju.

MATEU 5:28

Maa nji, ma n ja ind: Uci ñaan teen ŋaats a na ríul, a jub ba ni nul di uwaasul.

MARKU 13:22

Par barata batsup, ni bayëlia batsup, bu ka natsa, bu kë ro ngëpibanaani, ni ngëko ngan pikran ngi, pa puu falëna bañaan, te ŋal ban data biki, uci u yëla bëro.

KAKÚRAN-KAWAR YEESU KRISTU BI JOŊ LEENŢ BI KUL AJA 5:44

Um bi nda yëlan bun pëwak? Ba nda ja nan dooni nu yank Ubëdan tsi bacintsul, a nda ri ka tsas Përëmb pa pënë-ni pi tsi Nasien-batsi baŋ.

ROOMA 16:18

par bamënts biki cits tsi pëleempar Këristu Ajug nja maa bë ci tsi pëleempar ipës bukul; a ni irim ilílal ni kafal, bu kë niaman ban kaats biki ko ni ñaan.

1 KORINTU 11:19

Te mantotëlër aka pëci tsi pëncuaf ind, pa u meaa ban ci biki tsi ucär, tsi pëncuaf.

EFEESU 2:3

Nja bëlieng buts ngë ro ci pi bukul, nja kë yandaar tsi ngëko ngi uyamats nja kë rí ngi, nja kë ro ko wi uyamats ŋal wi, ni ko wi ngëwejats nja ŋal wi; a tsi bëci bañaan-bajin, ngë ro ci upäts uriab Nasien-batsi, pi ban duka bukunk.

EFEESU 4:14

Unk ngë katse ka ci upäts uluunt biki ngëmaroŋ kë bats-batsan biki, biki ufuts bëjukan bucumal kë tsëpand biki; bu kë niam tsi kafal bañaan-bajin.

KOLOS 2:18

Ñaan nan ci tsi puu lílan tsi kawelan-been kan cits ki kacär, ni tsi puu jintëla ngëwaanju, ind tsë wëtul na lacan ind tsi pëkamandër bëluk. Ñaan pi namënts un, atsu ibats tsi ngëko buwinal; bëlipalul aci bi ñaan-najin, a u tsuul tsi mguukandër mjënts.

JAKOB 1:8

par aci ñaan nan ditsi ka mobuna pëloole, di ka mob tsi ngi na ciina ngi, ngul bëlieng.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

2 PER 2:3

Ni ibats karisan-ko, bu ka raacëna ind irim kanguungu, pëyankëna ind ngëko; kawata-pëleents bukul kan yecisa ki jon, di ka jon pëbaandi, te pëniam bukul di ka ŋooy.

2 PER 3:16

Bi na ñakanaan bi ngëko ngi, unk buts di na wakëtsa run përo di ngëletarul bëlieng; tsi ngul, aka ngëlon ngëko ngan ñats ngi pëme ko wi nga pac wi. Ngul ngi bameets-ko ni baliincats tsi uwak, ja ngun ba roon bu kë cík, pi bu kë cík pi Bëpican, pa pëniam bukul bërier bukul.

1 JOŊ 2:16

par, ko un ci wi-ba këci tsi umundu, un ci wi karí-ko uliaf, karí-ko këkës, ni mguukandër tsi uleka ngëko ubiira, ngul bëlieng cits ngan pënë-ni ngi di Asin, maa aci ngan pënë-ni ngi tsi umundu.

JÚDAS 1:11

Cay bukul! Par bu fets bëga Kain. Tsi undo bëluk, a ba yër tsi pëniam Balaam; ba niam tsi katamb-ulats Koore!

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.