2 PER 2:13 - KARÚK-PËRIM KAWALU Nouveau Testament

¹³ Bu ka yank bëluk kamabats tsi ngëko kamabats ngi bu kë ro ngi; bu win u ci ko u líl wi bukul, bukul puu ro ngëko ngëtsopal tsi pënak ndakaŋ. Bë ci mtsopi ni basal, a bu kë lílan tsi manfalar bukul, uwal wi ba tsoar wi kare ufesta ni ind.

2 PER 2:13 ပူးပေါင်းရင်းမြစ်များ

ROOMA 13:13

Nda ju ngë yandaar tsi bëmabal, pi ñaan ni ka yandaari tsi pënak ndakaŋ; ind tsë mob tsi buwaamal ni ukuj, nin ind tsë mob tsi mampiintsandar ni karika-kawa, nin ind tsë mob tsi pëŋom ni mankocar.

EFEESU 5:27

pa nul pëpiban tsi bërunul bërierul Ngëriisia ngan bëndana ngi, ngan kaats ngi ujink, nin urotsar, nin ko ulon unaam wi ni ngëmënts ngi; maa Ngëriisia nga yëman ngi, ngan kaats ngi ulaci.

FILIIPUS 3:19

Ko wi bu kë tuamanaan wi, aci pëniam; par pëpës ci pun nasien-batsi bukul, a bu kë pícëna ko un ci wi bukul mkaw, bukul bawejats ngëko umundu.

2 TIMOTEU 4:14

Aleksandër, natsakaj, arolin mak ngëko-kawaraatsa; Ajug ka kakanul ngi na ro ngi.

JAKOB 5:5

Nda ci tsi una, ni tsi ngëlílal, tsi umundu wi. A nduu re ko u niir wi nda suets, pi ngëcaam, tsi unu pëfiŋa.

1 PER 4:4

A ba pikra undo bi nda katse bi ci ni bukul tsi pëwëtandar tsi ngëko katúk-ufuts, a bu kë kar ind.

2 PER 2:15

Bu wëtan bëga bëmabal, a ba niam bi bu kë fets bukunk bëga Balaam, abuk Bosor, nul nan yecis pëyank bëluk kamabats;

UPIBAN 18:6

Nda kakani pul bi pa ro bi ja! Nda lukan pul ngi pa ro ngi te ngëyaas ngëtëb! Di karaani ki pa gëbëlënaan kunk mdaan, nda gëbulani mul ngëyaas ngëtëb nda wul pul!