2 PER 2:10 - KARÚK-PËRIM KAWALU Nouveau Testament

¹⁰ Unoor umënts wun ka peena ba n ja bukunk ba roon, tsi pëfets uŋal uliaf bukul, bu kë yandaar tsi kari-ngëko ngëtsopal, a bu ri ka tsu pësien ko. Bape-iyeen bukul, baguukandar, bu lënkats pëja ko u waraatsa wi tsi uleka msien man pe mi pëci mwiak.

2 PER 2:10 ပူးပေါင်းရင်းမြစ်များ

LÚKAS 11:25

Ubaandi wul, u tsënki kato wetaa, a ngëko tsua tsi ilas ngul.

LÚKAS 19:14

Maa bañaan ban bof biki ucaak ni nul, bu ñaasul; a ba yël bañaan tsi ufetsul, bee ba ja: ‘Wund ŋalats namëntsi pësien wund.’

NGËRO 23:5

A Pol jankma aja: “Batsaar ni nji, in doots me ne nul ci-un nan pei pëci nawiak-bajakan; par iink picana run: ‘M di kë jaar bañaan pësienu ko u waraatsa wi.’”

ROOMA 8:1

tsi inkri, nin pëlon pëlacana cits pa ban ci biki tsi Këristu Yeesu.

1 KORINTU 6:9

Ane nda meets bamabats di ka rukanda pësien Nasien-batsi-a? Ind tsë fal iyeen ind, par nin baro ngëko katúk-ufuts, nin bajintëla-icap, nin baro-mjubi, nin baro-këkaats, nin bapiintsand upäts uyënts,

2 KORINTU 10:3

Ŋal bi wund kë yandaar bi tsi uyamats, maa cits bi uyamats ŋal bi, bi wund kë kamanaan bun.

EFEESU 4:19

Ngëwejats bukul aruka tël, a ba baar tsi karo ngëko ngëtsopal ni karí përo ngëwutsëtsuel ngan ci ngi ba këci.

EFEESU 5:5

Par ind, nda mean ko wi uwar: napiintsandar, oo naro-ngëtsopal, oo narí-ko — un ci wi najintëla-icap — di ka ka bërukanda tsi Pësien Këristu ni Nasien-batsi.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

1 TESALONIKA 4:7

Par, Nasien-batsi ruurëts nja pëci tsi mtsopi, maa pëci tsi bëjëntsal.

2 TIMOTEU 3:2

Par, bañaan ka ruka ci baŋal-iyeen bukul, baŋal-uncaam, batsupalar, baguukandar, bakar Nasien-batsi, bamobats tsi përim ban buk biki bukul, barika-baran, barispitaarats ngëyëman,

TIITU 1:7

Par nawaay-bañaan, nul nagaangana ngi Nasien-batsi, aka pëci nan kaatsi ulaci. Di ka tamb ulats, di ka car uriab, di ka tsu ibats tsi karaan-pëwat, di ka tsas ukam, di ka tsas bëka ban kawarën bi.

BAYEBËREU 13:4

Bënim, bañaan bëlieng ba rëmbani bul, a bëkaab bënim tsë tsopana ni ujuban. Par baro ngëko katúk-ufuts, ni baro-mjubi, Nasien-batsi ka wat bukul pëleents.

2 PER 3:3

Ucak ko, nda ka pëme ne, tsi ngënu ngëtuami, bariat-ko ka cili bu kë yandaar tsi karí-ko bukul bërier bukul,

JÚDAS 1:10

Maa bañaan bamënts biki, bu ka kar ko wi ba meets wi uwar. A ko wi ba me wi tsi bëci bukul bi kameets-ko pi ngënjär ngan dits ngi ka wejats, ko umënts wun ka cok wun bukul.

JÚDAS 1:16

Bamënts biki ci bakuetar, barika-lílan tsi ngëbiira bukul, bu kë yandaar tsi ngi ngëliaf bukul kë rí ngi, itum bukul kë ja irim upíc; pa bëkat bukul bu kë bëndan bañaan.

JÚDAS 1:18

Iink ri ba ja ind run: “Tsi uwal utuami, ka ka bariat bañaan biki ka yandaar biki tsi kari-ngëko bukul ki kameets-nasien-batsi.”

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.