2 PER 1:8 - KARÚK-PËRIM KAWALU Nouveau Testament

⁸ Par uci ngëko ngëmënts ngi ci di ind, a nguu watsësar, ngë tsu ind përits ci barika-ro ko, ni ban dits biki ka buk mbuk, tsi ume Yeesu Këristu Ajug inja.

2 PER 1:8 ပူးပေါင်းရင်းမြစ်များ

MATEU 13:22

A utul u yër wunk tsi buwuul iyu, aci ban te biki përim, maa gëtaag ubira ni karí përëmb umundu nëts përim a kaats bëkat.

MATEU 20:3

A uu upëniul bi uwokan bi ngëwal këwas ni ulon ngi bëfa, a na win balon bakaats uro tsi banats tsi tsi kënjëkënts.

MATEU 20:6

A uu wokan ngëwoora kañan ngi bëtakala, a na kaka pëni, a nee tsënk balon nats rul, a na ja bukul: ‘We ka wun nda nats tsi, unu upëban, bëleempats?’

MATEU 25:26

A ajugul yankul aja: ‘Wi naleemp na waraatsee, a m ciind nabisarën! M do me nja ndoon koo cët tsi wayaants tsi, a n dë coonts tsi gurats tsi;

KAKÚRAN-KAWAR YEESU KRISTU BI JOŊ LEENŢ BI KUL AJA 15:2

Kana kan ci ki-ba këci tsi nji a tsijats mbuk, në fal kul; a kan tsij ki mbuk, në jëntsan kul pa ka pe këpe pëtsij mbuk.

KAKÚRAN-KAWAR YEESU KRISTU BI JOŊ LEENŢ BI KUL AJA 17:3

A ubiira un dits wi ka ba, aci bukul pëmeu, wi rin Nasien-batsi nacär, ni Yeesu Këristu, nul ni m yëlii.

KAKÚRAN-KAWAR YEESU KRISTU BI JOŊ LEENŢ BI KUL AJA 5:42

Maa man me ind uwar, nda kaats bëŋal Nasien-batsi tsi ngëwaas ind.

ROOMA 12:11

Ind tsë ci babisaran, maa nda ciin ba yëkan biki tsi uwejats, nduu leempar Ajug.

1 KORINTU 15:58

Bi u ci bank batsaar ni nji ba ŋala biki, nda liincandari ndë ci ban dits biki ka siintsar, ndë cum ni uŋal tsi uleemp Ajug, ndë me ne, uleemp ind tsi Ajug, cits un kaats wi bëkat.

2 KORINTU 13:5

Nda teenamani iyeen ind bërier ind, pa ind pëme ne nda wama ci ank tsi uwak. Nda wejatsari bërier ind. Nda yëkëranats bërier ind Yeesu Këristu ci ri ind-a? Ucits ank, nda ci ba yër biki tsi pëteenamana.

2 KORINTU 8:2

Par tsi mteenamana mwiak, tsi unoor wi ba ciina wi, a ulílan bukul pelëk mak. A ba piban bi bu kë wël bi mak ni kajuab-ngëwaas, ŋal bi ba ranj bi mak.

2 KORINTU 8:7

A bi nda ka bunk ngëko bëlieng apelëkan, un ci wi uwak, kayël-uñakan, kameko, kamob tsi ucär, ni bëŋal bi nda yank bi di wund, nda cuman buts ni kajuab-ngëwaas tsi bëtseend bëmënts bi.

2 KORINTU 9:14

A tsi bëñaan bukul pa ind, ba piban bëŋal bukul pa ind tsi undo bëtseend ban cum bi tsi ind apar-paran, bi Nasien-batsi wël ind bi.

FILIIPUS 1:9

A bëñaan nji ci bun bi: Bëŋal ind ba pelëki, buu pe këpe, tsi ume ni tsi buwinal,

FILIIPUS 2:5

Nda tsijan uwejats umënts wun tsi ind, bi u ci bunk tsi Këristu Yeesu,

FILIIPUS 3:8

Tsi ucär, man tsu ngëko bëlieng pi kaniaman-ko, undo ko un pe wi pëwara, un ci wi pëme Këristu Yeesu, Ajug nji. Tsi undoul a n niaman ngëko bëlieng. Man tsu ngul pi ngëtsopal ngan gutsaa ngi. Unk ka ka Këristu,

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

KOLOS 2:7

nda ciin ba n jab biki tsi nul, ndë liinc, nduu pe këpe pëka uyëlan tsi uwak, bi nda jukana bi; din ngëwaas ind kë cum ni puu baran.

KOLOS 3:16

Përim Këristu, ni bëka pul bëlieng, pa ciin tsi ind. Ni kameko bëlieng, nda ciin tsi puu jukan, ni tsi puu tseendar ibats. tsi ngëwaas ind, nda yaan Nasien-batsi iya ubëndan, ni iya-ubaran, ni iya tsi Uwejats-ujënts.

1 TESALONIKA 3:12

Bëŋal bi nda ŋalëlar bi, a nda ŋaland bañaan bëlieng, Ajug na tsuun bul pëwatsësar, bu pelëk, pi bëŋal bi wund ŋal ind bi.

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

2 TESALONIKA 1:3

Batsaar ni wund, wund aka pëbaran Nasien-batsi tsi uleka ind, sandëndën; te aci ko u mab wi, par uwak ind aci tsi pë watsësar mak, a bëŋal bi nda ŋalëlar bi kë pelëk këpelëk tsi kara ñaan tsi ind bëlieng.

1 TIMOTEU 5:13

a bu kë tsuunkand karo-ko, a ba ja ba roon bu kë yaana ito. A te bë cits batsuunk rin, maa bu buer uñakan, a bu kë tsu mtum bukul tsi ngëko bañaan, bu kë ja ngi ba kaats ngi pëja.

TIITU 3:14

Ba yiic nja, bu ka pëjuk buts puu pe këpe përo ngëwar, pa pëfierësaraan ngan fiera ngi tsi uyëk wul. Unk, ba rits ci bakaats-bëkat.

FILEMON 1:6

Unk, kambofu tsi uwaku, ka ciin kan ka ki pëyëlan, tsi pëme uwar ko u wara wi-ba këwara, wi ngë ka wi tsi Këristu.

BAYEBËREU 6:12

Wund ŋalats ind përuka ci batsuunk, maa ind pëteenëna biki kan par-na biki uwak ni umiira bu ka yank nga watsana ngi.

2 PER 1:2

Bëtseend ba watsësaan ind ni pëfac, ndë cum ni ume Nasien-batsi, ni wi Yeesu, Ajug inja.

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

2 PER 2:20

Bi u ci bank, uci ba bueri di mtsopi umundu, tsi undo ume Yeesu Këristu Ajug nja Nabueran, a uu ba, a ba kaka witsa ka tsopandar tsi mul, a man pe bukul pëyëlan, bëci bukul butuami ka witsa ka pe bucak pëjuats.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!