2 PER 1:6 - KARÚK-PËRIM KAWALU Nouveau Testament

⁶ tsi ruets ume, ndë watsës kayëlan ngëliaf ind; tsi ruets kayëlan ngëliaf ind, ndë watsës pëliincandër; tsi ruets pëliincandër, ndë watsës pëlënk Nasien-batsi;

2 PER 1:6 ပူးပေါင်းရင်းမြစ်များ

LÚKAS 21:19

Nda liincandari, ndë gaañaar ubiira ind.

LÚKAS 8:15

Utul u yër wunk tsi tsëko mgiji, aci ba nja biki ba te përim Nasien-batsi, bu ka gaang pul di ngëwaas nga wara ngi a nga maband, ba tambandar, a bu kë buk mbuk.”

NGËRO 24:25

Bi Pol ci bi tsi pëñakan tsi uleka bëmabal, ni butsëkal, ni kawat-pëleents ki kan bi ki, a Felikës lënk a na ja: “Tsi inkri m yil pëtsëp, mán yaa njala, ka ruiu.”

ROOMA 15:4

Par un do wi picana ba bëlieng uwal ujon, apicandara pëjukan nja pa nja ka ka uwats, tsi undo umiira ni kaliinc-liincan uwaas ki Bëpican wël ki.

ROOMA 2:7

në wël ubiira un dits ka ba, pa biki kan tsasëna biki përëmb, ni përëmbana, ni karika-coka, tsi pëtambandër karo-uwar.

ROOMA 8:25

Maa ucnja kë lip ko wi ngë winats wi, nja ka tambandar tsi pëlip wul.

1 KORINTU 9:25

Nakaman nan ci ba këci, aja na roon në yëlan uliaful tsi ko un ci wi-ba këci, pa pëyank ungaañu wi kan coka wi; maa n ja, nja ka kamandar un dits wi ka coka.

2 KORINTU 6:4

A tsi ngëko ngi wund kë par-na ngi bëlieng, wund ka piban bërier wund, wund ci baleemp Nasien-batsi tsi pëliincandër, ni tsi pëjuatsan, ni tsi unoor,

GALAASIA 5:23

ni kajuab-uwaas, ni kayëlan-uliaf; kaats ulua un pok wi ngëmënts ngi.

KOLOS 1:11

A ni pëyëlan pan ci pi-ba këci, ndë watsësaa pëyëlan-ko; din u ci ko u mab wi ni uyëlan përëmbul, pa tsi ko un ci wi-ba këci ndë yëlan pëliincandër ni pëmiira.

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

2 TESALONIKA 1:4

Wul ka wun wund ja wund roon, wund kë píc tsi iriisia Nasien-batsi, undo mtambandar ind ni undo uwak ind, tsi pënoor-noorana pi nda ciina pi bëlieng, ni tsi pëteenamana.

2 TESALONIKA 3:5

Ajug, na mabani ngëwaas ind tsi bëŋal Nasien-batsi, ni tsi mtambandar Këristu.

1 TIMOTEU 2:10

maa ba tsuun ibats bukul tsi karo ngëwar, bi bakaats ba nja biki bërier bukul bu lënk Nasien-batsi ja bi ba roon bu kë ro.

1 TIMOTEU 2:2

pa basien, ni ban tsua biki bëlieng pëci bañaan bawiak. Unk, nja ka fac nja ka tsëk, tsi pëlënk Nasien-batsi pan ci ba këci, ni tsi urispiitu.

1 TIMOTEU 3:16

Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

1 TIMOTEU 6:11

Maa wi, ñaan Nasien-batsi, túkan ngëmënts ngun; moban tsi bëmabal, ni tsi pëlënk Nasien-batsi, ni tsi uwak, ni tsi bëŋal, ni tsi umiira, ni tsi kajuab-uwaas.

1 TIMOTEU 6:3

Uci ñaan ci tsi pëjukan bulon bëjukan, uci na mobats tsi irim Ajug nja Yeesu Këristu, yul irim iwar, uci na mobats tsi bëjukan ba yuk bi tsi pëlënk Nasien-batsi,

1 TIMOTEU 6:6

A te aci ucär: Pëlënk Nasien-batsi ka tsiji ñaan pëka bëka mak, uci na liing tsi ko wi na ka wi.

2 TIMOTEU 3:5

bu ka piban unk pi bu lënk Nasien-batsi ank, maa bë bër uyëlan ulënkëniul. Lawani buts bamënts bukun.

TIITU 1:1

Pol, naleempar Nasien-batsi, Napostolu Yeesu Këristu, pa pëtsiji uwak tsi biki Nasien-batsi rat biki, ni kame ucär ki kan tsu ki ñaan pëlënk Nasien-batsi;

TIITU 1:8

Maa aka pëci nawelan-batsooŋ, naŋal-uwar, natsëkal, namabal, nalënk-nasien-batsi, namob-beenul,

TIITU 2:2

Jaan bayënts batsafal ba ci baliingëlën-ko, bañaan-urispiitu, baka-ibats, baci-uwar tsi uwak ni tsi bëŋal ni tsi mantambandër.

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

BAYEBËREU 12:1

Unk n ja buts, bi bamaatir fay nja bink pi kasa kawiak, nda ju ngë wëtan ko un ci wi-ba këci wi ka wocan wi ñaan, nja ka wëtanaand ujuban, wul un car wi pëfaiyar tsi ñaan. A ni umiira, nda ju ngë ci tsi pëtuk pan tsua nja pi tsi bërun.

BAYEBËREU 6:12

Wund ŋalats ind përuka ci batsuunk, maa ind pëteenëna biki kan par-na biki uwak ni umiira bu ka yank nga watsana ngi.

BAYEBËREU 6:15

Unk a nul Abraam kë lip a nuu miira, a nee yank u watsana wi.

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

2 PER 3:11

Bi ngëko ngi ka bink pëgaraa bëlieng, uwom ukoraar bañaan wi nda ka un pëci? Nda ka puu yandaar tsi bëjëntsal, ni tsi pëlënk Nasien-batsi,

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 13:10

Nan kai pëmoba pëluek, ka moba pëluek. Nan kai pëfiŋa ni ulaac, ka fiŋa ni ulaac. Pëliincandër bayëman ni pëmob tsi uwak, aciina tsi.

UPIBAN 14:12

Pëliincandër bayëman aciina tsi, bukul ba mob biki tsi ngëtsua Nasien-batsi, ni tsi uwak tsi Yeesu.”

UPIBAN 2:2

‘Ma me ngi m ja ngi m doon kuu ro, man me uleempu ni mtambandaru; a me m yëlaants pëmiira baro-ngëjuatsal. M teenaman ba nja biki bërier bukul bë ci bapostolu te bë cits, a m win ba ci batsup.