2 PER 1:4 - KARÚK-PËRIM KAWALU Nouveau Testament

⁴ tsi ngëko ngëmënts ngi, tsi na watsanaani njatsun ngëwatsan ngëwiak, ngan ka ngi bëkat, pa undo ngul, ndë ruka ci ban bof biki tsi bëci Nasien-batsi, ndë bueri tsi kacok, ni karí-ko kan ci ki tsi umundu.

2 PER 1:4 ပူးပေါင်းရင်းမြစ်များ

ROOMA 9:4

bukul ban ci biki bañaan Israel, bawëla biki pëci babuk Nasien-batsi, a ba wëla përëmb, ni karo-pëloole kan ci ki-ba këci, ni ngëtsua, ni puu jintëla Nasien-batsi, ni ngëwatsan;

2 KORINTU 1:20

Par nul Yeesu ci-un nan ci Eey-e tsi ngëko bëlieng ngi Nasien-batsi watsan ngi bañaan. Wul ka wun, tsi nul nja kë ja Ameen, pa përëmb Nasien-batsi.

2 KORINTU 3:18

A nja bëlieng ban kundësa biki ngërostu, nja kë piban përëmb Ajug pi kateenaraani, unk ri ngë ci run ban butana biki bënaam, pa pënaam ni Ajug. A nja kë pën tsi përëmb pëya përëmb pan pe pi; umënts wan apënë-ni tsi Ajug, nul nan ci Uwejats.

2 KORINTU 6:17

Wul ka wun Ajug ja: “Ind, nda pëni tsi pëncuaf bukul! Nda patsësaan bukul! Ind tsë kërara ko un tsop wi, din, ka welan ind.

GALAASIA 3:16

Maa, Abraam wëlaun ngëwatsan, nul ni kajërul. Bëpica n jaats: “Ni ijërul” pí ka ñakanaan ijër icumal, maa aci pí ka ñakanaan kajër kaloole rin; aja: “Ni kajëru” un ci wi Këristu.

GALAASIA 6:8

Na wayani tsi uŋal uliaful, tsi uŋal uliaf tsi nu cëtëna tsun kacok; maa na wayani tsi Uwejats Nasien-batsi, tsi Uwejats Nasien-batsi tsi nu cëtëna tsun ubiira un dits wi ka ba.

EFEESU 4:13

te nja ka ruka ci bëlieng tsi kambof uwak, ni tsi pëme Abuk Nasien-batsi, tsi bëci niints nan bandi këjëŋal ni pëliing ni Këristu tsi bëciul ban band bi.

KOLOS 3:10

a nda tiema bëci buwalu, bul ba n ja bi ba roon, buu witsa buwalu tsi bënaam na leempi bul, pa pëka ume.

BAYEBËREU 12:10

Par basin nja ro uwal uties tsi pëcikës nja bi ba wejats bi; maa Nasien-batsi ka cikës nja pa bëkat nja unk nja ka bof tsi uyëmanul.

BAYEBËREU 9:15

Wul ka wun Këristu ci natsu-manteelar tsi karo-pëloole kawalu, bi na cäts bunk, pa pëluk pëbuer bañaan tsi ngëjuban ngandolaa ngi tsi uwal karo-pëloole kacak, pa banduee biki ka yank bërukanda ba watsana bi, bul ban dits bi ka ba.

JAKOB 1:27

Bëga bëjëntsal, te kaats mtsopi tsi bërun Nasien-batsi, Asin nja ci bun bi: Puu ya pëwin babënatsa ni ban cätsëndan biki bayën bukul, puu ya pëwin bukul tsi unjuatsia wi ba ciina wi, ni përits tsopandar ni ngëko umundu.

2 PER 1:1

Simon Per naleemp, a na ciind Napostolu Yeesu Këristu, pa ban tsënkan bukunk uwak un ka wi bëkat pi wiic nja tsi bëmabal Nasien-batsi nja, ni Yeesu Këristu Nabueran.

2 PER 3:13

Maa n ja, tsi ko wi na ja wi di uwatsanul, nja ka lip batsi buwalu ni utsia uwalu, di bëmabal ciina ri.

2 PER 3:9

Ajug di ka jonand uwatsanul, bi balon kë wejats bi tsi ibats, nuu jonand; maa aja na roon nuu miira ind këmiira ind, a ŋalats nin naloole pëniam, maa bañaan bëlieng pëyaar ibats.

1 JOŊ 2:25

Wi ci-un uwatsan wi na watsán nja wi: ubiira un dits wi ka ba.

1 JOŊ 3:2

Bamiñ ba ŋala biki, ngë ci upäts Nasien-batsi inkri; ko wi nja kii ci wi netse pibana. Ngë me, uwal wi Këristu pibandari wi, nja ka naam ni nul, par nja ka winul bi na ci bi ja.