2 PER 1:3 - KARÚK-PËRIM KAWALU Nouveau Testament

³ Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

2 PER 1:3 ပူးပေါင်းရင်းမြစ်များ

MATEU 28:18

Din a Yeesu kikee, a na ñakanaan bukul, aja: “Pëyëlan pan ci pi-ba këci, awëlain di batsi, ni tsi utsia.

ROOMA 8:32

Nul na laaŋats Abukul bërierul, maa na wëlul undo n ja bëlieng, a um bi na rits bun ka wël ngëko bëlieng bëlukats, pa n ja ni Abukul?

ROOMA 9:24

un ci wi, nja biki na rui biki buts, te cits tsi pëncuaf Bajudeu rin, maa tsi pëncuaf bañaan ban cits biki Bajudeu buts.

1 KORINTU 1:9

Nasien-batsi, aci na mobi tsi përim, nul nan duuri indi manteelar ni Abukul Yeesu Këristu, Ajug nja.

2 KORINTU 12:9

maa, nul na jain: “Bëtseend nji aliingu, par pëyëlan nji ka pibandaraan tsi bërafalu.” Unk, mán pe puu pëbëndan been nji tsi bërafal nji, pa pëyëlan Këristu pëci tsi nji.

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

EFEESU 4:4

Uliaf aci uloole, a Uwejats ci uloole. Unk buts, tsi karua ind, nda ruuree uwats uloole;

FILIIPUS 3:8

Tsi ucär, man tsu ngëko bëlieng pi kaniaman-ko, undo ko un pe wi pëwara, un ci wi pëme Këristu Yeesu, Ajug nji. Tsi undoul a n niaman ngëko bëlieng. Man tsu ngul pi ngëtsopal ngan gutsaa ngi. Unk ka ka Këristu,

FILIIPUS 4:8

Pëtuamës, ind batsaar ni nji, ko un ci wi-ba këci ucär, ko un ci wi-ba këci wi urispiitu, ko un ci wi-ba këci umabal, ko un ci wi-ba këci ujëntsal, ko un ci wi-ba këci-un ka wi pëŋalaa, ko un ci wi-ba këci-un ka wi pëbëndanaa – uci ko ci a u buer pëwara, oo a u tsënkan pëjaa abëndanaa —nda tsuun ibats tsi ngëko pi ngëmënts ngun.

KOLOS 1:16

Par ngëko bëlieng aleempaa tsi nul, di batsi ni tsi utsia, ngi ka wina ngi, ni ngan dits ngi ka wina; uci ank itsoari-msien, oo ngan kaana ngi ko, oo ngan tsijëna ngi pëyëlan, oo ngan ka ngi uyëlan. Ngëko bëlieng aleempëna tsi nul; a nga ci pa nul.

1 TESALONIKA 2:12

A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

1 TESALONIKA 4:7

Par, Nasien-batsi ruurëts nja pëci tsi mtsopi, maa pëci tsi bëjëntsal.

2 TESALONIKA 2:14

Undo ko umënts wun, a na ruuni ind Upetsan-uwar wund, ind pëbof tsi përëmb Ajug nja Yeesu Këristu.

1 TIMOTEU 4:8

Par, puu liinc-liincan uliaf aka bëkat tsi ngëko ngan cumats ngi, maa puu lënk Nasien-batsi aka bëkat tsi ngëko bëlieng, par awatsan ñaan ubiira inkri, ni ubiira wi kan bi wi.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

BAYEBËREU 1:3

Abuk ci-un ufietsar përëmb Nasien-batsi, ni bënaam Nasien-batsi bi ba ci bi ja. A nul tsijëna un ngëko bëlieng tsi përim uyëlanul. Uwal wi na ba wi mjëntsandar tsi uleka ngëjuban nja a na tsoar tsi kariir Kanpe-përëmbana, di ruets.

1 PER 1:15

Maa bi nandui ind unk ci bunk nayëman, ind buts bërier ind, nda ciin bayëman tsi ko wi ndu ro wi ba këro.

1 PER 1:5

A tsi undo uwak ind, nda gaanga tsi pëyëlan Nasien-batsi, pa pëbuer pan yecisa pi pëpibana tsi uwal utuami.

1 PER 2:21

Undo ko umënts wun, wi nda ruree wun; par Këristu buts anoor tsi u undo ind, na rukar ind uteenëni pa ind pëfets iyotsul.

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

1 PER 3:9

Ñaan nando indi uwutsëtsuel, ind tsë lukanaanul uwutsëtsuel, oo kakar tsë lukanaana kakar, maa u wara wi. Nda ru kë ja ngëwar par umënts wan wi nda ruuree wun, pa ind pëyank uwar wi nda ka wi përukanda.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

2 PER 1:10

Wul ka wun, batsaar ni nji, nda tambandari kara bëyaas tsi puu piban nda ci ban duee biki, a nda rataa; uci nda ro ank, nda katse ka yër yaas.

2 PER 1:2

Bëtseend ba watsësaan ind ni pëfac, ndë cum ni ume Nasien-batsi, ni wi Yeesu, Ajug inja.

2 PER 1:5

Undo ko umënts wi, nda tambandari ndë watsës karo-uwar tsi ruets uwak ind; tsi ruets karo-uwar, ndë watsës ume;

2 PER 1:6

tsi ruets ume, ndë watsës kayëlan ngëliaf ind; tsi ruets kayëlan ngëliaf ind, ndë watsës pëliincandër; tsi ruets pëliincandër, ndë watsës pëlënk Nasien-batsi;

2 PER 1:8

Par uci ngëko ngëmënts ngi ci di ind, a nguu watsësar, ngë tsu ind përits ci barika-ro ko, ni ban dits biki ka buk mbuk, tsi ume Yeesu Këristu Ajug inja.

2 PER 2:20

Bi u ci bank, uci ba bueri di mtsopi umundu, tsi undo ume Yeesu Këristu Ajug nja Nabueran, a uu ba, a ba kaka witsa ka tsopandar tsi mul, a man pe bukul pëyëlan, bëci bukul butuami ka witsa ka pe bucak pëjuats.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!