2 PER 1:10 - KARÚK-PËRIM KAWALU Nouveau Testament

¹⁰ Wul ka wun, batsaar ni nji, nda tambandari kara bëyaas tsi puu piban nda ci ban duee biki, a nda rataa; uci nda ro ank, nda katse ka yër yaas.

2 PER 1:10 ပူးပေါင်းရင်းမြစ်များ

MATEU 22:14

Par bandua biki, bu cum; maa ko uties data wun.”

ROOMA 11:29

Par ngëtseend Nasien-batsi ni karuaul, di ka gara.

2 TIMOTEU 2:19

Maa ujuundi uliincal, di Nasien-batsi natsan di, lëg-lëgaats. Tampoŋ dul ci run përim pi: “Ajug ame ban ci biki bayiicul;” ni përim pi buts: “Na n jai ba këja abof ni Ajug, na lawani ngëko-kamabats.”

BAYEBËREU 6:11

Wund aŋal u roon, kara ñaan tsi ind, nuu piban kabaar-ibats kamënts kun te tsi utuami, pa pëtsu uwats ind u baar pëci ko un ci wi.

BAYEBËREU 6:19

Uwats umënts wun, ngë tsij wul pi kasëtsi ubiira ka wakan ki, a ka liincand. Wul, ka niaj u par uridu,

JAKOB 2:10

Par, uci ñaan mob tsi përo ko wi ulua ja wi bëlieng, maa a na lac tsi ulua uloole, në ci na laci tsi ngul bëlieng.

1 PER 1:2

Bukul ban data biki tsi kacär-ume Nasien-batsi Asin, tsi bi Uwejats jëntsan bi bukul pa pëmob tsi përim Yeesu Këristu, ni pëlicara pëñaakul. Bëtseend ba watsësaan ind ni pëfac.

1 PER 1:5

A tsi undo uwak ind, nda gaanga tsi pëyëlan Nasien-batsi, pa pëbuer pan yecisa pi pëpibana tsi uwal utuami.

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

2 PER 1:5

Undo ko umënts wi, nda tambandari ndë watsës karo-uwar tsi ruets uwak ind; tsi ruets karo-uwar, ndë watsës ume;

2 PER 3:14

Wul ka wun, bamiñ ba ŋala biki, bi nda ci bink tsi pëlip ngëko ngëmënts ngi, nda tambandari pa nul pëwin nda ci tsi pëfac, nda rits ka basal, ndë ci ban dits biki ka leentsara.

2 PER 3:17

Bi u ci bank, bamiñ ba ŋala biki, bi nda car bink ame ngëko ngëmënts ngi, nda rukan ibats; ind tsë wët bameets-ngëtsua, ba tsëpand ind di mtsopi bukul, a ndii yër tsi uwak ind wi nda natsëna wi.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.

UPIBAN 22:14

Bë naak, ba nij biki iŋi bukul yi bëtiem [tsi pëñaak Ubuk-unkaanel,] pa bukul pëbofara bëko ubiira bun, ni bukul pëpar-na ilëman ba niaj përaasa.