2 KORINTU 9:13 - KARÚK-PËRIM KAWALU Nouveau Testament

¹³ Bu ka pikra tsi bëkat uleemp wi, bacumal ka bundan Nasien-batsi tsi bi nda niiran bi pëpiban ko wi nda ci wi undo Upetsan-uwar Këristu; ni bi ndu wël bi ni ngëwaas ngan fac ngi, tsi bi ndu faar bi ngëko ni bukul ni bañaan bëlieng.

2 KORINTU 9:13 ပူးပေါင်းရင်းမြစ်များ

MATEU 5:16

Unk buts, ufac ind u fietsan tsi bañaan, pa bu ka win ngëwar ngi nduu ro ngi, bu këbëndan Asin ind nan cii di batsi.

MATEU 9:8

Bi indënd bañaan win bi ko umënts wun, a ba lënk mak a bu kë bëndan Nasien-batsi, nul na wëli bañaan pëyëlan pi pëmënts pi.

LÚKAS 6:46

We ka wun nduu ruin, koo ja: ‘Ajug, Ajug,’ te nda ja nda roon, nda ri ka ro ko wi n ja wi?

KAKÚRAN-KAWAR YEESU KRISTU BI JOŊ LEENŢ BI KUL AJA 15:8

Uci nda tsij mbuk mcumal, Asin nji arëmbanaa tsi wul, unk, ndë ci bafetsin.

NGËRO 11:18

Bi ba te bi ko wan, a ba tsëkandar, bu kë rëmban Nasien-batsi koo ja: “Tsi ucär, Nasien-batsi awël ban cits biki Bajudeu kayaar-ibats, pa ba ka ubiira.”

NGËRO 4:21

Maa, ba ru pe këpe pëleentsar Per ni Joŋ, a ba wëtan bukul ba tsëp; a bë kaats tsi bu kë mobuna tsi bukul ba pikaar, undo bañaan, par bañaan bëlieng aci tsi përëmban Nasien-batsi tsi ko un par wi.

ROOMA 10:16

Maa cits bañaan bëlieng niiran bukun Upetsan-uwar; par Isaaya aja: “Ajug, yën wak un përim pi wund leents pi?”

ROOMA 12:8

uci pa puu liinc-liincan ngëwaas bañaan, na liinc-liincani ngëwaas bañaan; uci pa puu tsënk, na tsëkan ni uwaas un fac wi; uci pa puu mandaar, na mandaari ni uŋal; uci pa puu yëkar bañaan ipës, na roan ank ni ulílan.

ROOMA 15:31

pa nji pëbuer tsi iñan bapok-uwak ban ci biki di Judeeya, ni pa bëtsënk bi n tsëpand bi Jerusalem, bayëman pëniiran bul uwar.

ROOMA 16:26

maa inkri, a u pibanaa, a bañaan bëlieng me wul, undo Bëpican bayëlia, bi Nasien-batsi narika-ba tsu bi, pa ban cits biki Bajudeu bëlieng pëniiran përimul, undo uwak.

2 KORINTU 10:5

ni mdiangar ma ci mi ba këci a muu natsara pëcok ume Nasien-batsi; wund ka tsu ngëtsaag bañaan bëlieng ngan cikëndën Këristu, ngë niiranul.

2 KORINTU 2:12

A bi n band bi Troas pa pëleents Upetsan-uwar Këristu, a Ajug waantsin pëlëman.

2 KORINTU 8:4

A ba buara wund mak, pa wund wët bukul ba bof di pëtsënk bayëman di Judeeya.

2 KORINTU 9:14

A tsi bëñaan bukul pa ind, ba piban bëŋal bukul pa ind tsi undo bëtseend ban cum bi tsi ind apar-paran, bi Nasien-batsi wël ind bi.

GALAASIA 1:24

A ba rëmban Nasien-batsi tsi undo nji.

1 TIMOTEU 6:12

Kamani ukam u wara wi, wi uwak; moban liincan ubiira un dits wi ka ba, wi m duuree wi, a m leents uwar uleka uwaku, tsi bërun bacumal ba maatir biki.

1 TIMOTEU 6:13

Tsi bërun Nasien-batsi, nawël ngëko bëlieng uyafënts, ni tsi bërun Këristu Yeesu, na leentsi uwar tsi bërun Ponsiu Pilaatus uleka uwakul, ko wi n du n tsuu wi përo ci wun wi:

BAYEBËREU 10:23

Nda ju ngë mob ngë liincandar tsi pëñakan uleka uwats, te ngë rits tankëlan; par na watsani, aci na njai na roon në mob tsi përim.

BAYEBËREU 13:16

Ind tsë fin karo-uwar, ni mantsënkëlar; par ijakan pi imënts yun, Nasien-batsi aja na roon në lílandër yul.

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

BAYEBËREU 4:14

A bi ngë ka bink nan pei pëci nawiak-bajakan, nul niints nawiak, nan tsëpi a na par-na batsi ban ci bi-ba këci, nul Yeesu, Abuk Nasien-batsi, nda ju ngë mob uwak wi ngë pets wi, ngë liincan.

BAYEBËREU 5:9

A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!