2 KORINTU 8:9 - KARÚK-PËRIM KAWALU Nouveau Testament

⁹ Ind nda me bëtseend ban ci bi tsi Yeesu Këristu Ajug nja nul nan ci narëmb, a tsi undo ind na ruka ci naranj; pa nda ruka ci barëmb tsi bëranjul.

2 KORINTU 8:9 ပူးပေါင်းရင်းမြစ်များ

MATEU 17:27

Maa, pa n ja përits kaana ba juban, yaan bërëk, kë guts kabuetsi, kë toti utsëb ucak wi ka n jank wi kabuets; waabësi mtum, din kë win dul Estateera dëloole. Jejan pul kë wël bukul, pa nji, ni pa wi.”

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

MATEU 8:20

A Yeesu jaul: “Ngëcuts aka iyar, a ngëko-ngëyits ka icang, maa Abuk ñaan-najin, kaats tsi nuu naakësaan tsi beenul.”

MARKU 6:3

Ni, cits iink nalír-a? Abuk Maaria; a ban tsaar biki ni nul cits iink Jakob, ni Juse, ni Judas, ni Simon-a? A ban tsaar biki ni nul, bakaats, bë cits iink ni nja tsi-a?” A ngëwaas bukul coka tsi undoul.

LÚKAS 16:11

Bi u ci bank, uci nda mobats tsi bëka ba mabats bi, yën ka tergaar ind un bëka bëcar?

LÚKAS 2:7

Na k napätsul nacak, niints. A na atsul ni iŋi, na piintsanul di bërialanaani ngëncaam, par bë kaats tsëko di bametsu kato-pëtsooŋ.

LÚKAS 8:3

a u ci Juaana, áar Kusa. Nul Kusa aci nagaang bëka Eroodis, nasien. A u ci buts Susaana, ni balon bacumal; bë ja ba roon bu kë jej bëka bukul koo tsënkëna Yeesu ni bafetsul.

LÚKAS 9:58

Yeesu jaul: “Ngëcuts aka iyar, a ngëko-ngëyits ka icang. Maa Abuk ñaan-najin kaats tsi nuu naakësaan tsi been.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:10

Përim aci tsi umundu, a pul leempëna pun umundu; maa bañaan umundu meets pul.

KAKÚRAN-KAWAR YEESU KRISTU BI JOŊ LEENŢ BI KUL AJA 1:14

A Përim witsësar aci ñaan-najin; a na ciina tsi pëncuaf nja acum ni bëtseend ni ucär. Ngë win përëmbul, aci pi përëmb Kanbuka koorul baŋ tsi Asinul.

KAKÚRAN-KAWAR YEESU KRISTU BI JOŊ LEENŢ BI KUL AJA 1:17

Par ulua awëlënee tsi Moises, maa bëtseend ni ucär abiini tsi Yeesu Këristu.

KAKÚRAN-KAWAR YEESU KRISTU BI JOŊ LEENŢ BI KUL AJA 12:30

A Yeesu yank bukul aja: “Cits undo nji ka wun përim pan tea, maa aci-undo ind.

KAKÚRAN-KAWAR YEESU KRISTU BI JOŊ LEENŢ BI KUL AJA 16:15

Ko wi Asin nji ka wi ba këka, aci umiñ; wul ka wun n ja ind, wul ka jej tsi umiñ, u leents ind wul.

KAKÚRAN-KAWAR YEESU KRISTU BI JOŊ LEENŢ BI KUL AJA 17:19

Mán patsandar bërierin, undo bukul, pa bu ka ci buts ban patsanaana biki ucär.

ROOMA 11:12

Maa uci kaguus-ko bukul tsiji përëmb pa umundu, a pëyër bukul tsiji përëmb pa ban cits biki Bajudeu, andes ubaar bukul pënatsa ba nats!

ROOMA 15:3

Par, nul Këristu roots ko u lílul wi, maa, bi u picana bi aja: “Ikar ba nja biki ba roon bu kë karu, ayër tsi nji.”

ROOMA 5:8

Maa iink di Nasien-batsi piban dun bëŋalul pa n ja: Bi ngë wama bi ci bajuban, Këristu catsar inja.

ROOMA 8:32

Nul na laaŋats Abukul bërierul, maa na wëlul undo n ja bëlieng, a um bi na rits bun ka wël ngëko bëlieng bëlukats, pa n ja ni Abukul?

1 KORINTU 1:4

Ma n ja n doon koo baran Nasien-batsi sandëndën tsi uleka ind, undo bëtseendul bi na wël ind bi tsi Këristu Yeesu.

1 KORINTU 15:47

Ñaan nacäk na leempënee mboos, aci ni utsia. Ñaan natëbantsan apënë-ni batsi.

2 KORINTU 6:10

wund kë juatsana ngëwaas ngënu bëlieng, maa wund ci tsi ulílan; wund ci tsi bëranj, maa wund kë tsu bacumal pëci barëmb; wund ban kaats biki ko, maa wund ka ngëko bëlieng.

EFEESU 2:7

pa tsi ngëwal ngi kan bi ngi, në piban përëmbul pan pelëk pi tsi bëtseendul, bi na ci bi uwar pa n ja tsi Këristu Yeesu.

EFEESU 3:19

ni pëme bëŋal Këristu ban par bi ume un ciwi-ba këci, pa ind pëwëla nda kësan te ndë cum Nasien-batsi.

EFEESU 3:8

Nji nan pei pëci naties tsi bayëman bëlieng, bëtseend bëmënts bi awëlain pa nji pëleents tsi ban cits biki Bajudeu Upetsan-uwar përëmb Këristu pa yëlanaatsa pi bëjaaka;

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

1 TIMOTEU 6:18

Jaan bukul ba ci tsi puu ro uwar; ba ciin barëmb tsi karo ngëwar, batseend ni ibats in fac yi, bu ka ciind ban yecis biki puu faar ni bañaan.

BAYEBËREU 1:2

Maa tsi ngënu ngëtuami ngi, añakanaan ni nja aparanaan tsi Abuk; nul ni na tsu un pëci narukanda ngëko bëlieng, a nul ni na leempëna un ngëmundu.

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

UPIBAN 2:9

‘Ma me unooru, ni bëranju, — maa m ci koon narëmb, — a me uñakan uwutsëtsuel ba nja biki bërier bukul bë ci Bajudeu, te bë cits, maa bë ci kato-kajúki Useetaani.

UPIBAN 21:7

Nakuk ka rukanda ngëmënts ngi; nji mán ci Nasien-batsiul, në ci abuk nji.

UPIBAN 3:18

Mán tseendu ibats m doon kë weel tsi nji uwëru un jëntsana wi di bërua, din kë ka bëka; weelandi iŋi-bëtiem ifaacal kë ci nan tiemee, din mkaw katiemaatsau-ko dits winaa; weelandi buts bëko pa pëkër këkësu, din kuu win.