2 KORINTU 8:21 - KARÚK-PËRIM KAWALU Nouveau Testament

²¹ Ko wi wund pe wi pëfierand aci përo ko u mab wi, a cits tsi bërun Ajug rin; maa tsi bërun bañaan buts.

2 KORINTU 8:21 ပူးပေါင်းရင်းမြစ်များ

MATEU 23:5

Bu ka ro ngëko bukul bëlieng pa pëwinaa tsi bañaan. Unk, bu kë waanës igaangëni ngëtsua bukul, bu kë rëmban imbiantëmb iŋi-bëtiem bukul.

MATEU 5:16

Unk buts, ufac ind u fietsan tsi bañaan, pa bu ka win ngëwar ngi nduu ro ngi, bu këbëndan Asin ind nan cii di batsi.

MATEU 6:1

Nda wëtan përo ngëko bëmabal tsi bërun bañaan pa nda winaa! Uci nda ro ank ba, Asin ind nan cii di batsi di ka luk ind.

MATEU 6:4

pa përits piban m ci tsi pë bëtseend; din Asinu ni ka wini tsi kambeku kee luku.

ROOMA 12:17

Ind tsë lukan ñaan uwutsëtsuel, ni uwutsëtsuel; nda tambandari tsi përo uwar tsi bërun bañaan bëlieng;

ROOMA 14:18

Nan ci tsi pëleempar Këristu a nuu ro unk, Nasien-batsi ka lílandërul, bañaan-bajin ka niiranul.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 8:20

Wund ka mob tsi përo bëtsaag, bi wund kë leempëna bi bëtsënk ban pelëk bink, pa ñaan përits jaar wund ko.

2 KORINTU 8:22

Wund ka wëtani nalon ni ngë tsaari, në ci ni ba yëlee biki. Nul, wund ateenaman uŋalul ngëyaas ngëcumal ni tsi ngëwal ngëcumal; maa inkri, awama piban na pe pëtsij uŋal, par afiaar ind mak.

FILIIPUS 4:8

Pëtuamës, ind batsaar ni nji, ko un ci wi-ba këci ucär, ko un ci wi-ba këci wi urispiitu, ko un ci wi-ba këci umabal, ko un ci wi-ba këci ujëntsal, ko un ci wi-ba këci-un ka wi pëŋalaa, ko un ci wi-ba këci-un ka wi pëbëndanaa – uci ko ci a u buer pëwara, oo a u tsënkan pëjaa abëndanaa —nda tsuun ibats tsi ngëko pi ngëmënts ngun.

1 TESALONIKA 5:22

Nda randan ko un ci wi-ba këci u waraatsa wi.

1 TIMOTEU 3:7

A na ka pëciind ñaan ni bañaan utsand rëmbani, pa na rits kawarana, na rits yër tsi pëgungan pi Ujabël gúngan pi.

1 TIMOTEU 5:14

Wul ka wun, ma ŋal ba nima, bukul ban kaats biki ngëwaanu ngëmënts ngun; ba nimaan, bu ka buk, bu kë këmand ito bukul. Unk, nabër dits wëla bëga bujaani ngëwutsëtsuel.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.