2 KORINTU 6:9 - KARÚK-PËRIM KAWALU Nouveau Testament

⁹ pi wund aci ba meaatsa biki, maa wund ci aatsum ba mea biki; wund ci pi wund a cäts, a wund ka yafënts bikink; wund tsua tsi unoor, a wund fiŋaatsa;

2 KORINTU 6:9 ပူးပေါင်းရင်းမြစ်များ

NGËRO 17:18

A balon bafets bëjukan nameko ni ka n jakee Epikureus, ni bëjukan nalon ni ka n jakee buts Estoikus, ci buts tsi pëtotëlar irim ni nul; a balon yeparul aja: “Natamb uñakan ni, wee na ŋal wun pëja?” Balon kë ja: “Anaam ne, aci naleents irim ngëcaay ngan meaatsa ngi.” Par, Pol aro ka leents Upetsan-uwar tsi uleka Yeesu, ni tsi uleka kanatsee-di-pëcäts.

NGËRO 19:26

nda win a nda teend ko wi Pol kë ro wi. Aja, basien-batsi biki iñan bañaan-bajin leemp biki, cits Nasien-batsi. A tsi irim yan, na gaañaar bañaan mak, cits tsi Efeesu tsi rin, maa, anats pi aci tsi Aasia bëlieng.

NGËRO 25:19

Bu tsijandiul ngëlon ngëñakan tsi uleka bëga bukul bërier bukul, ni tsi uleka nalon niints ni ka n jakee Yeesu, nan cätsi, maa nul Pol ja aci nayësal.

NGËRO 25:26

Maa tsi ulekaul, in kaats ko wi n du pican wi pa Nawiak. Wul ka wun tsijiul tsi bërun ind, andes tsi bërunu, wi Agëripa, nasien; në yeparaa a uu ba, nji, ka ka ko wi n du n pican wi.

ROOMA 15:19

tsi pëyëlan ngëpibanaani ni ngëko ngan pikra n ngi undo pëyëlan Uwejats Nasien-batsi; unk, a n leents Upetsan-uwar Këristu a n jëkëlan, pëpën tsi Jerusalem ni ngëcaak ngan fay ngi dul, te di Iliriku.

ROOMA 8:36

Bi u picana bi aja: “Undou ka wun wund tsua tsi pëcäts unu upëban, a wund tsuaa pi ngënkanel di tsëfiŋëni.”

1 KORINTU 11:32

Maa uwal wi Ajug kë lacan nja wi, ka kus nja pa n ja përitsii lacana ni bañaan umundu.

1 KORINTU 15:31

Man ci tsi pëcäts kara unu un ci wi. Man leents ind wul, batsaar ni nji, undo upíc wi n kaana wi tsi ind, tsi Këristu Yeesu, Ajug nja.

1 KORINTU 4:9

Par pa nji, anaam ne Nasien-batsi atsu wund pëci bapostolu tsi pëlas pëtuami, pi wund aci ba lacandara biki pëcäts; par wund aruka ci ujiaraani pa umundu, pa ngëwaanju, ni pa bañaan-bajin.

2 KORINTU 11:6

Ŋal bi n cits bi nayël uñakan, in cits wël tsi ume; tsi ucär, wund apiban ind ngëmënts ngun tsi ko un jënts wi, tsi ngëko bëlieng.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

2 KORINTU 5:11

A tsi inkri, wund ame ko un ci wi pëlënk Nasien-batsi, wund ka tsas pëbaar pëtsu bañaan ba fiaar; Nasien-batsi ame wund, a nji a n fiaar, ind tsi ngëwejats ind nda me wund buts.