2 KORINTU 6:8 - KARÚK-PËRIM KAWALU Nouveau Testament

⁸ uci ank tsi wund përispitaara ni përispitaraatsa, uci ank tsi wund pëcokaa itim ni pëwarandana itim, pi wund aci bafalar, wund ban ci biki bacar;

2 KORINTU 6:8 ပူးပေါင်းရင်းမြစ်များ

MATEU 10:25

A najuk ci pi najukanul, din u liing; a naleemp ci pi nawiakul, din u liing. Uci ajug kato kë rua ‘Beelsebul,’ a m do um bañaan katoul!

MATEU 22:16

A ba yël bafets bukul ni bañaan Eroodis di nul, bee ba jaul: “Najukan, wund ame m ci naleents ucär, a kë jukan bëga Nasien-batsi tsi ko un ci wi ucär bëlieng, te m di kë lënk ñaan, par m teenënats ko wi ñaan ci wi.

MATEU 27:63

a ba jaul: “Ajug! Wund ales natsupalar namënts un ro ja uwal wi na wama wi ci: ‘Upar ngënu ngëwaants, ka n natsee di pëcäts.’

MARKU 12:14

Bi ba band bi, a ba jaul: “Najukan! Wund ame m ci nacӓr; m fierats pëme ko wi ñaan ci wi, a m di kë teena bënaam bañaan; maa m ja m doon kuu jukan bëga Nasien-batsi tsi ucär. Pëluk Seesar uraasa, aci ko u niirana wi oo niiranaatsa-a? Ngë ka pëluk oo ngë kaats pëluk-a?”

KAKÚRAN-KAWAR YEESU KRISTU BI JOŊ LEENŢ BI KUL AJA 7:12

Tsi indënd bañaan, a u ka mŋëmŋëm mcumal tsi ulekaul; balon ka ja: “Aci ñaan na waree uwaas.” A bacints kë ja: “Nin a, aci na niaman bañaan.”

NGËRO 10:22

A ba ja: “Korneeliu, aci kapëton basondaari, niints namabal, na lënkand Nasien-batsi; a ucaak Bajudeu bëlieng kë jaarul ko u wara wi. Ulon uwaanju uyëma njaul wun na ruiu bi katoul, nii te irimu.”

NGËRO 16:39

Din, a ba bi ee ñaan bukul pa ba jampësa bukul. A ba pënani bukul di ukalabus, ba ja bukul ba pën tsi përaasa.

NGËRO 22:12

A u ro ka nalon niints, ka jaka Ananias, aci ñaan na lënki Nasien-batsi, a na mab tsi ulua, a Bajudeu ban ci biki rul bëlieng kë ja ngëwar tsi ulekaul.

NGËRO 24:5

Par, wund awin niintsi ci nagëbëlan, a nuu tsiji pëŋom tsi pëncuaf Bajudeu ban gara biki ajëk umundu; a na ci buts nawiak itawar bëjukan bañaan Nasaret ban pats bi.

NGËRO 28:22

Maa, wund aŋal pëte ko wi m wejats wi bërieru. Par tsi ucär, wund ate uleka bëjukan bi, di ngëburu bëlieng bu ka ñakandar bul ngëwutsëtsuël.”

NGËRO 4:21

Maa, ba ru pe këpe pëleentsar Per ni Joŋ, a ba wëtan bukul ba tsëp; a bë kaats tsi bu kë mobuna tsi bukul ba pikaar, undo bañaan, par bañaan bëlieng aci tsi përëmban Nasien-batsi tsi ko un par wi.

NGËRO 5:13

Maa, kaats nalon ñaan na yeentsi pëbofëlar ni bukul, par bañaa n ja ba roon bu kë bëndan bukul mak.

NGËRO 6:3

Maa, batsaar ni wund! Nda ratan bayënts paaj ni nalon tsi ind, biki ka n jaara biki ngëwar, a ba cum Uwejats-ujënts ni kameko, nja ka tsu bukul tsi uleemp wi.

ROOMA 3:8

A we ka wun a ngë ri ka ja: “Ngë ro ko u waraatsa wi, pa wul pëci ko uwar.” Balon bariat-ko aja unk di nja kë ja run; bukul bañaan bamënts bukun bu ka pëlacana.

2 KORINTU 1:18

Maa Nasien-batsi aci namabal, përim wund pa ind cits pëja Eey-e ni an-a.

2 KORINTU 11:21

Man kawa pëja ko wan, wund aka bërafal mak! Nji man ñakan pi nafuur, ko u yeentsa wi pëjaa, nji buts man yeents.

2 KORINTU 12:16

A bi uci bank, nji n cits pëyunts pa ind. Maa ŋal bi n ci bi nalipal, man mobunan ind tsi karo-bëlipal.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

1 TESALONIKA 2:3

Par, pëliincan pi wund kë liincan pi ngëwaas bañaan, pënënatsi nin tsi pëfäl ñaan, nin tsi ngëwejats ngëtsopal, nin tsi pëlipëna ñaan.

1 TIMOTEU 3:7

A na ka pëciind ñaan ni bañaan utsand rëmbani, pa na rits kawarana, na rits yër tsi pëgungan pi Ujabël gúngan pi.

1 TIMOTEU 4:10

Nja ka cib tsi uleemp, a nja kë kaman, par ngë tsu uwats nja tsi Nasien-batsi nayësal, nul nan ci Nabueran bañaan bëlieng, andes ba uwak biki tsi nul.

BAYEBËREU 13:13

Bi u ci bank, nda ju ngë pën ngë tsëp di nul di utsand ngëcën, nja ka bofa tsi mkawëranaul.

1 PER 4:14

A uci nda karaa tsi undo katim Këristu, nda ci ba naak biki, par Uwejats përëmb, un ci wi Uwejats Nasien-batsi, aci tsi ind.

3 JOŊ 1:12

A Demeetriu, bañaan bëlieng ka ja uwar tsi ulekaul. Ucar, wul bërier wul leents wun ko uwar wi na ro wi. A wund buts, wund ka leents ko uwar wi na ro wi; a wi m me ko wi wund kë leents wi ci ucär.

UPIBAN 3:9

Teenan-e! Mán wëlu balon bañaan, biki kato-kajúki Useetaani, bukul ban ja biki bërier bukul bë ci Bajudeu te bë cits, par bu tsup. Nji ka n tsu ink bukul ba bi, bu ka lëm ngërostu tsi bërun itsiimu, din bu ka me n ŋalu.