2 KORINTU 6:10 - KARÚK-PËRIM KAWALU Nouveau Testament

¹⁰ wund kë juatsana ngëwaas ngënu bëlieng, maa wund ci tsi ulílan; wund ci tsi bëranj, maa wund kë tsu bacumal pëci barëmb; wund ban kaats biki ko, maa wund ka ngëko bëlieng.

2 KORINTU 6:10 ပူးပေါင်းရင်းမြစ်များ

MATEU 5:12

Nda lílani, ndë kita, par bëluk ind a ci bëwiak di batsi; par unk di ba reat dun bayëlia ba yëri ind biki bërun.

MATEU 5:4

Bu naak, ban ci biki tsi rug, par bu kee raaca!

LÚKAS 6:21

Nda naak, ind ban bonats bikink inkri! Par, ndii suetsana. Nda naak, ind biki kan dúg bikink inkri! Par ndii jí.

KAKÚRAN-KAWAR YEESU KRISTU BI JOŊ LEENŢ BI KUL AJA 16:22

Unk buts di nda juatsandun inkri. Maa, mee n winin ind kak, ngëwaas ind ka ci tsi ulílan; a ulílan ind, ñaan di ka yëlan pëpënan wul tsi ind.

NGËRO 16:25

A uu wokan myëŋ ucaak, Pol ni Silas kë ñaan, a bu kë ya koo bëndan Nasien-batsi, a barica bacints bukun kë cikëndën bukul.

NGËRO 3:6

Maa, Per jaul: “Nji n kaats nin uncaam, nin uwëru; maa ko wi n ka wi, mán wëlu wul: Tsi katim Yeesu Këristu Kanpënë-ni-nasaret, natsaan kë yandaar!”

NGËRO 5:41

A bapostolu pën di kato kawat-pëleents kawiak, a ba lílan, undo bi ba winaa bi ba tsënkan pëjaa bë kawarëna tsi undo Katím ki.

ROOMA 11:12

Maa uci kaguus-ko bukul tsiji përëmb pa umundu, a pëyër bukul tsiji përëmb pa ban cits biki Bajudeu, andes ubaar bukul pënatsa ba nats!

ROOMA 12:15

Nda lílani ni ban ci biki tsi ulílan, ndë rug ni ban ci biki tsi irug.

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 8:32

Nul na laaŋats Abukul bërierul, maa na wëlul undo n ja bëlieng, a um bi na rits bun ka wël ngëko bëlieng bëlukats, pa n ja ni Abukul?

ROOMA 9:2

Man tsij unjuatsia uwiak ni urear uwaas un dits wi ka ba;

1 KORINTU 1:5

Par tsi nul, a ngë rëmbana tsi ngëko bëlieng; tsi irim in ci ba këci, ni tsi ume un ci wi-ba këci.

2 KORINTU 2:4

par tsi pëncuaf unoor uwiak ni pëjuatsan pëwiak di uwaas, a n picandëri ind, a ndu ŋand mak; cits pa pëjuatsan ind ngëwaas, maa ind pëme ne bëŋal bi n tsij bi pa ind ndu ñëaanarëmb.

2 KORINTU 4:15

A ngëko ngi wund kë par-na ngi bëlieng, aci-undo ind; pa bëtseend pëwatsësar, bañaan bacumal ka ruka cum ni pëbaran Nasien-batsi, pa përëmbul.

2 KORINTU 4:7

Maa bëka bëmënts bi, ngë tsijëna bul tsi kagíj; a u jëntsi nja pëyëlan pa n jaakaatsa pink aci pi Nasien-batsi, cits píic inja.

2 KORINTU 8:9

Ind nda me bëtseend ban ci bi tsi Yeesu Këristu Ajug nja nul nan ci narëmb, a tsi undo ind na ruka ci naranj; pa nda ruka ci barëmb tsi bëranjul.

EFEESU 3:16

pa tsi bëka përëmbul, Uwejatsul ka wël ñaan nametsu di ind, uyëlan ni pëyëlan.

EFEESU 3:8

Nji nan pei pëci naties tsi bayëman bëlieng, bëtseend bëmënts bi awëlain pa nji pëleents tsi ban cits biki Bajudeu Upetsan-uwar përëmb Këristu pa yëlanaatsa pi bëjaaka;

FILIIPUS 2:17

Maa, ŋal ank ka ka pëwël ubiira nji u ci bëjakan ni bëtseend uleemp uwak ind, man lílan, a ndu n juc ni ulílan ni ind bëlieng.

FILIIPUS 4:4

Nda lílani tsi Ajug tsi ngëwal bëlieng. Má nja ka k, Nda lílani!

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

KOLOS 3:16

Përim Këristu, ni bëka pul bëlieng, pa ciin tsi ind. Ni kameko bëlieng, nda ciin tsi puu jukan, ni tsi puu tseendar ibats. tsi ngëwaas ind, nda yaan Nasien-batsi iya ubëndan, ni iya-ubaran, ni iya tsi Uwejats-ujënts.

1 TESALONIKA 1:6

Nda ruka ci bateenëna tsi wund ni bateenëna tsi Ajug. Par, ŋal bi nda ci bi tsi unoor un pelëk wi, maa ni ulílan Uwejats-ujënts nda niiran përim.

1 TESALONIKA 5:16

Nda lílani tsi ngëwal bëlieng.

1 TIMOTEU 4:8

Par, puu liinc-liincan uliaf aka bëkat tsi ngëko ngan cumats ngi, maa puu lënk Nasien-batsi aka bëkat tsi ngëko bëlieng, par awatsan ñaan ubiira inkri, ni ubiira wi kan bi wi.

1 TIMOTEU 6:18

Jaan bukul ba ci tsi puu ro uwar; ba ciin barëmb tsi karo ngëwar, batseend ni ibats in fac yi, bu ka ciind ban yecis biki puu faar ni bañaan.

BAYEBËREU 10:34

Par, unoor barica are ind; a te nda niiran ni ulílan pëcaa ngëko ind, par nda me nda ka bërier ind bëka ban pe bi pëci bëwar, a buu jon.

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

1 PER 4:13

Maa nda lílani bi nda bofana bi tsi unoor Këristu, pa upibandari përëmbul ind buts ndë juc ni ulílan.

UPIBAN 2:9

‘Ma me unooru, ni bëranju, — maa m ci koon narëmb, — a me uñakan uwutsëtsuel ba nja biki bërier bukul bë ci Bajudeu, te bë cits, maa bë ci kato-kajúki Useetaani.

UPIBAN 21:7

Nakuk ka rukanda ngëmënts ngi; nji mán ci Nasien-batsiul, në ci abuk nji.