2 KORINTU 5:14 - KARÚK-PËRIM KAWALU Nouveau Testament

¹⁴ Par bëŋal Këristu acum tsi wund; a tsi uwejats wund, bi ñaan naloole cats bunk pa bañaan bëlieng, inkri bañaan a cäts bëlieng.

2 KORINTU 5:14 ပူးပေါင်းရင်းမြစ်များ

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

LÚKAS 15:24

Par abuk nji ni, aro cats, a nul kaki ink nayësal; aro niam, a nul wina ink.’ Din a ba kur ulílan.

LÚKAS 15:32

Maa ngë ka ngë roon nja ka lílan, nja ka juc ni ulílan. Par atsau ni, aro cäts, a nul kaki ink nayësal; aro niam, a nul wina ink.’”

LÚKAS 24:29

Maa ba tambandar tsi pëpokul ajaul: “Dúkaan ni wund, par bërëm aruka jëki, a unu ruka yíimpa.” Na niaj bametsu, pa përuka ni bukul.

KAKÚRAN-KAWAR YEESU KRISTU BI JOŊ LEENŢ BI KUL AJA 1:29

Tsi unu ucints, a Joŋ win Yeesu kë bi tsi nul, a na ja: “Ni ci-un unkaanel-uties Nasien-batsi, wi kan pënan wi ujuban umundu.

KAKÚRAN-KAWAR YEESU KRISTU BI JOŊ LEENŢ BI KUL AJA 11:25

A Yeesu jaul: “Nji n ci-un kanatsee-di-pëcäts, a nji n ci-un ubiira. Ñaan na waki tsi nji, ŋal ank na cäts, në ka aatsum ubiira.

KAKÚRAN-KAWAR YEESU KRISTU BI JOŊ LEENŢ BI KUL AJA 5:25

Mán leents ind ucär: Uler ka bi, te wul band wink, wi bacäts kë te wi përim Abuk Nasien-batsi, a ban te biki pul, bu ka ka ubiira.

NGËRO 18:5

Bi Silas ni Timoteu pëni bi Masedoonia abaandi, Pol baar tsi kaleents-përim a nuu piban Bajudeu u ci Yeesu ci-un Këristu.

ROOMA 2:2

Maa ngë me tsi ucär, biki kando biki ngëmënts ngan, Nasien-batsi ka wat bukul pëleents.

ROOMA 5:15

Maa utseend u wëla wi bëlukats cits pi ulaci. Par uci ulaci ñaan naloole baŋ ka wun bañaan bacumal cats, andes bëtseend Nasien-batsi ni utseend u wëla wi bëlukats, un ci wi tsi ñaan naloole baŋ, nul Yeesu Këristu ape pëka bëkat tsi bañaan bacumal.

ROOMA 6:13

Nin ind tsë wël incimëntsu ngëliaf ind, i ci incimëntsu karo ngëko kamabats tsi ujuban; maa nda ci bërier ind pa Nasien-batsi, pi bañaan bayësal ba natsee biki di bacäts, ndë wël incimëntsu ngëliaf ind, i ci incimëntsu karo ngëko bëmabal tsi Nasien-batsi.

ROOMA 6:6

A ko wi, wi ngë ka wun pëme: Bëci nja bëjon arieŋa di kruus ni Këristu, pa uliaf ujuban pëcoka, unk ngë katse ka ci baluek ujuban;

1 KORINTU 16:22

Uci ñaan ŋalats Ajug, na ciin tsi ujuatsal. Maranata!

1 KORINTU 2:14

Maa, ñaan-najin di ka niiran ngëko Uwejats Nasien-batsi, par ngul aci bëfuur pa nul; di ka yëlan pëme ngul, par Uwejats ka piban wun ngul.

2 KORINTU 3:7

A uleemp wi kan tsiji wunk pëcäts, un jisa wi ngëletar tsi ilaak, uci u tsiji përëmb mak, te babuk Israel yëlanats pëkaŋan urostu Moises këkës, undo përëmb pi kan fiets pi tsi urostuul, pul pan dits pi ka jon,

2 KORINTU 3:9

A uci ulua wi kan lacan wi ñaan rëmbana, a um bi ulua wi kan tsu wi ñaan na mab, dits run ka pe këpe pëtsiji përëmb?

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

EFEESU 6:24

Bëtseend ba ciin tsi ban ŋal biki bëlieng Yeesu Këristu Ajug nja tsi bëŋal ban dits bi ka niaman.

KOLOS 2:13

A ind ban do biki cats undo kaguus-ko ind, ni undo kawelaatsa-kambac tsi ngëliaf ind, Nasien-batsi tsu ind a nda ci bayësal ni Këristu: Ajampësa nja ngi ngë ro ngi nga waraatsa ngi ngul bëlieng,

KOLOS 3:3

Par nda cäts, a ngëbiira ind beka ni Këristu tsi Nasien-batsi.

1 TIMOTEU 2:6

nul wël un ubiiraul bërierul pa pëlukëna pëbuer bañaan bëlieng: Ci wun ko u leentsa wi tsi uwal un do wi yecisa ba;

1 TIMOTEU 5:6

Maa nan catsëndani ayënul a na mob tsi ngëko umundu wi, a cäts, ŋal bi na wama bi ka yafënts.

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

BAYEBËREU 2:9

Maa nan welanee apar ngëwaanju ko uties, nul Yeesu, nja ka teenul bikink a na wurana përëmb ni urispiitu, par anoor unoor pëcäts. Unk tsi bëtseend Nasien-batsi a na juaban pëcäts pa ñaan nan ci ba këci.

BAYEBËREU 6:10

Par, Nasien-batsi cits namabats; yëlanats pëfin uleemp ind, ni bëŋal bi nda piban bi tsi uleka katimul, bi nda leempar bunk bayëman, a ind ka leempar bikink bukul.

1 PER 1:8

Nul ni nda winatsi, maa nda ŋalul; ni nda winatsi inkri, maa nda wak tsi nul. Nda jucan ni ulílan u yëlaatsa wi bëleents, ni përëmb,

1 JOŊ 5:19

Ngë me ngë ci biki Nasien-batsi, a umundu upëban ci tsi kañan Naro-ngëko-kawaraatsa.