2 KORINTU 5:1 - KARÚK-PËRIM KAWALU Nouveau Testament

¹ Inkri, nja ngë me uci kato ki ngë ciina kink tsi utsia tsi, un ci wi unkundan wi, ka coka, nja ngë ka kato tsi Nasien-batsi; kato ka leempënaatsa ki iñan, kul kan dits ki ka coka, di batsi.

2 KORINTU 5:1 ပူးပေါင်းရင်းမြစ်များ

MARKU 14:58

“Wund ate na ja: ‘Nji, mán gar kato-kayëman ki kañan ñaan-najin leemp kink; tsi ngënu ngëwaants ka niew kalon ki kañan ñaan-najin leempats ki.’”

NGËRO 7:48

Maa, Kanpe pëci di ruets di ka ciina ito i leempëna yi ni iñan bañaan-bajin. Bi nayëlia Batsi ja bi:

1 KORINTU 3:9

Par wund aci ban bof biki tsi uleemp Nasien-batsi; a ind nda ci bërig uleemp Nasien-batsi, a nda ci kato ki Nasien-batsi leemp ki.

2 KORINTU 4:7

Maa bëka bëmënts bi, ngë tsijëna bul tsi kagíj; a u jëntsi nja pëyëlan pa n jaakaatsa pink aci pi Nasien-batsi, cits píic inja.

2 KORINTU 5:4

Par nja ba wama biki ci tsi unkundan wi, nja ka ti tsi pëmiepa, cits pëjaa nja ngë ŋal pëwaasar, maa pëwaa; pa ubiira pëyoor uliaf wi kan cats wi.

KOLOS 2:11

tsi nul, nda welana kambac ki iñan ñaan welanats ki, ki kan pënan ki bëci uliaf uyamats, kambac ki Këristu welan ki;

2 TIMOTEU 1:12

A wul ka wun n ci tsi unoor tsi ngëmënts ngi. Maa nji kawaraatsa ngul, par man me ni n tsuuni uwak, a n fiaar koon na yëlan pëwaay ko wi n gaangana wi, te Unu umënts wan.

BAYEBËREU 11:10

Par, aro ka lip këlip përaasa pan ka pi iujuundi, a Nasien-batsi ci-un na n jaaki bi pu ci bi, a na ciind na leempi pul.

BAYEBËREU 9:11

Uwal wi Këristu bi wi pi nan pei pëci nawiak-bajakan tsi uleka ngëko ngëwar ngan ka ngi pëbaandi, apar-na unkundan un pe wi pëci uwiak, a u peand pëba pëci uwar, a te kañan ñaan-najin leempats wul; un ci wi, wul cits wi umundu u leempa wink.

BAYEBËREU 9:24

Par, Këristu niajats tsëko-tsëyëman tsan ci tsi uleemp kañan ñaan-najin, tsan ci tsi këci-unaamanaani tsëcar tsun. Maa aci koon batsi bi na niaj bun, pa në natsar nja inkri tsi bërun Nasien-batsi.

1 PER 1:4

ninja pëka bërukanda ban dits bi ka coka, ban kaats bi mtsopi, ban dits bi ka rots, ban gaangara ind bi di batsi.

2 PER 3:11

Bi ngëko ngi ka bink pëgaraa bëlieng, uwom ukoraar bañaan wi nda ka un pëci? Nda ka puu yandaar tsi bëjëntsal, ni tsi pëlënk Nasien-batsi,

1 JOŊ 3:14

Nja ngë me ngë par tsi pëcäts pa ubiira, par ngë ŋal biki ngë tsaar biki. Na ŋalatsi ni ba tsaari, aci di pëcäts.

1 JOŊ 3:19

Tsi ko wi, tsinja kë meena tsun ngë ci biki ucär: nja ka welan ngëwaas nja tsi bërun Nasien-batsi.

1 JOŊ 3:2

Bamiñ ba ŋala biki, ngë ci upäts Nasien-batsi inkri; ko wi nja kii ci wi netse pibana. Ngë me, uwal wi Këristu pibandari wi, nja ka naam ni nul, par nja ka winul bi na ci bi ja.