2 KORINTU 4:7 - KARÚK-PËRIM KAWALU Nouveau Testament

⁷ Maa bëka bëmënts bi, ngë tsijëna bul tsi kagíj; a u jëntsi nja pëyëlan pa n jaakaatsa pink aci pi Nasien-batsi, cits píic inja.

2 KORINTU 4:7 ပူးပေါင်းရင်းမြစ်များ

MATEU 13:44

Pësien batsi anaam pi bëka ban beka bi di tsëlon tsëko; a ñaan bi win bul, a na bek bul. A na tsëp ni ulílan, a nee waap bëkaul bëlieng, a na weel tsëko tsëmënts tsun.

MATEU 13:52

A na ja bukul: “Wul ka wun, napican-ulua nan ci nafets ngëko pësien batsi, anaam pi nawiak kato nan pënanii ngëko ngëwalu ni ngëjon tsi bëkaul.”

KAKÚRAN-KAWAR YEESU KRISTU BI JOŊ LEENŢ BI KUL AJA 16:33

Man ja ind ngëmënts ngan, pa nda ka pëfac tsi nji. Nduu ka unoor tsi umundu; maa nda kaan katsëb, man gaañaar umundu ukam.”

1 KORINTU 1:28

Nasien-batsi arat ngëko umundu, ngan kaats ngi bëkat, ngan tsuaatsa ngi ko, ngan cits ngi, pa pëgarëna ngan ci ngi,

2 KORINTU 10:10

Par bë ja: “Ngëletarul a tsij pëyëlan ni uyëlan; maa uwal wi na ci wi ni nja di ka ka uyëlan nin përimul kaats bëkat.”

2 KORINTU 13:4

Par nul arieŋa di kruus tsi undo bërafalul; maa na kak aci nayësal tsi pëyëlan Nasien-batsi. Wund buts wund aci barafal tsi nul, maa wund ka kaana ubiira tsi nul tsi pëyëlan Nasien-batsi, pa përo uleemp pa ind.

2 KORINTU 4:1

Par Nasien-batsi tsi kayëk-ipësul, awël wund uleemp wi, a cätsanats wund ngëwaas.

2 KORINTU 5:1

Inkri, nja ngë me uci kato ki ngë ciina kink tsi utsia tsi, un ci wi unkundan wi, ka coka, nja ngë ka kato tsi Nasien-batsi; kato ka leempënaatsa ki iñan, kul kan dits ki ka coka, di batsi.

2 KORINTU 6:10

wund kë juatsana ngëwaas ngënu bëlieng, maa wund ci tsi ulílan; wund ci tsi bëranj, maa wund kë tsu bacumal pëci barëmb; wund ban kaats biki ko, maa wund ka ngëko bëlieng.

EFEESU 2:5

n ja ban do biki wama cäts tsi karo ngëwutsëtsuel, na awël nja ubiira ni Këristu, — a tsi bëtseend ka bun nda buer.

EFEESU 3:8

Nji nan pei pëci naties tsi bayëman bëlieng, bëtseend bëmënts bi awëlain pa nji pëleents tsi ban cits biki Bajudeu Upetsan-uwar përëmb Këristu pa yëlanaatsa pi bëjaaka;

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

KOLOS 2:12

nda mooya ni nul tsi bëmijan, a nda natsee ni nul, undo nda wak tsi pëyëlan Nasien-batsi, pul pan tsuul pi a na natsee di bacäts.

KOLOS 2:3

tsi nul tsi bëka ban ci bi ba këci bekëna tsun, bëka kameko ni bi ume.

1 TESALONIKA 1:5

Par, Upetsan-uwar wund, baandatsi tsi ind ni irim din, maa buts ni pëyëlan, ni Uwejats-ujënts, ni pëfiaar mak u ci-un ci wi. Nda me bi wund ro bi ci ja tsi pëncuaf ind, pa uwar ind.

1 TESALONIKA 4:4

kara ñaan tsi ind, në me bi nuu tsij bi uliaful tsi bëjëntsal ni tsi urispiitu.

2 TIMOTEU 2:20

Di kato kawiak, cits iŋi i leempëna yi ni uwëru, ni i leempëna yi ni mtsak uncaam ci yun din, maa aka rul buts yi itagëba, ni yi uni; yi ko un dëmbana wi aci, a yi ko un tienkëtsana wi ci.