2 KORINTU 4:4 - KARÚK-PËRIM KAWALU Nouveau Testament

⁴ pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

2 KORINTU 4:4 ပူးပေါင်းရင်းမြစ်များ

MATEU 13:22

A utul u yër wunk tsi buwuul iyu, aci ban te biki përim, maa gëtaag ubira ni karí përëmb umundu nëts përim a kaats bëkat.

KAKÚRAN-KAWAR YEESU KRISTU BI JOŊ LEENŢ BI KUL AJA 1:14

A Përim witsësar aci ñaan-najin; a na ciina tsi pëncuaf nja acum ni bëtseend ni ucär. Ngë win përëmbul, aci pi përëmb Kanbuka koorul baŋ tsi Asinul.

KAKÚRAN-KAWAR YEESU KRISTU BI JOŊ LEENŢ BI KUL AJA 1:18

Ñaan winats Nasien-batsi, yaas. Maa Nasin-batsi, nul Kambuka koorul, nan ci tsi Asin, piban nja un nul.”

KAKÚRAN-KAWAR YEESU KRISTU BI JOŊ LEENŢ BI KUL AJA 12:31

Inkri, kawat umundu wi pëleents abaandi; a tsi inkri, kantsijëna umundu wi ka gutsa di utsand.

KAKÚRAN-KAWAR YEESU KRISTU BI JOŊ LEENŢ BI KUL AJA 12:35

Yeesu kaka yank bukul aja: “Ufac awama ci tsi pëncuaf ind tsi ko un jonats wi. Nda yandaari tsi uwal wi nda wama wi aka ufac, pa bërëm dits mob ind; par ni ka yandaari tsi bërëm, di ka me tsi nuu ya tsi.

KAKÚRAN-KAWAR YEESU KRISTU BI JOŊ LEENŢ BI KUL AJA 12:40

“Akuelëtsan këkës bukul, a na tamban ngëwaas bukul, pa ba rits win ni këkës, ba rits me tsi ngëwaas, pa ba rits witsësee, ka yësan bukul.”

KAKÚRAN-KAWAR YEESU KRISTU BI JOŊ LEENŢ BI KUL AJA 12:45

A na winini, awin na yëliini.

KAKÚRAN-KAWAR YEESU KRISTU BI JOŊ LEENŢ BI KUL AJA 14:30

Nji n katse ink ka ñakanaan ind ngëko ngëcumal, par kantsijëna umundu wi ka bi ink, a yëlaants ko tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 15:24

Uci ndoots ndo tsi pëncuaf bukul ngëko ngi ñaan netse ngi ro yaas, bë bitse ka ka ujuban. Maa, inkri bu win ngul, a ba ñaasin, a ba ñaas Asin nji.

KAKÚRAN-KAWAR YEESU KRISTU BI JOŊ LEENŢ BI KUL AJA 16:11

tsi uleka kawat-pëleents, par kantsijëna umundu wi awata ba pëleents.

KAKÚRAN-KAWAR YEESU KRISTU BI JOŊ LEENŢ BI KUL AJA 8:12

A Yeesu kaka ñakanaan bukul aja: “Nji n ci-un ufac umundu; ñaan nan ci tsi pëfetsin, di ka yandaar tsi krëm, yaas; maa ka ka ufac ubiira.”

NGËRO 26:18

kë waants bukul këkës, kë pënani bukul di karëm, pa ba bi tsi ufac; kë pënani bukul di pëyëlan Useetaani pa ba bi tsi Nasien-batsi, bu ka jampësaa ngëjuban, bu ka yank kafa bërukanda tsi ban patsanaana biki uwak tsi nji.’

NGËRO 26:23

un ci wi, Këristu aka pëci tsi unoor, në ci nacäk ni ka natsee di pëcäts, në leents Bajudeu ni ban cits biki Bajudeu, uleka ufac.”

1 KORINTU 10:20

Nin-a! Maa ngëko ngi bu kë jakan ngi, aci ngëcaay ngi ba jakandar ngun, cits pa Nasien-batsi. Nji n ŋalats ind pëbof di ngëcaay.

2 KORINTU 2:11

pa n ja tsë ci biki Ujabël kë fal biki, par ngë paaŋats ngëwejats wul.

2 KORINTU 2:12

A bi n band bi Troas pa pëleents Upetsan-uwar Këristu, a Ajug waantsin pëlëman.

2 KORINTU 3:11

A uci wi kan par wi këpar tsij përëmb, wi kan ci wi pa sandëndën ka pe këpe pëtsij përëmb.

2 KORINTU 3:14

Maa ngëwejats bukul atúar. Te unu untsari, aja ngëlibëru Karo-pëloole kajon kë layira, ulec umënts wun ka wama ci, wul pënanaatsa, par tsi Këristu tsi u pënanaana tsun.

2 KORINTU 3:18

A nja bëlieng ban kundësa biki ngërostu, nja kë piban përëmb Ajug pi kateenaraani, unk ri ngë ci run ban butana biki bënaam, pa pënaam ni Ajug. A nja kë pën tsi përëmb pëya përëmb pan pe pi; umënts wan apënë-ni tsi Ajug, nul nan ci Uwejats.

2 KORINTU 4:6

Par Nasien-batsi na njai: ufac fietsan tsi pëncuaf krëm; a nul bërierul fiets un di ngëwaas nja pa pëwël nja ufac ume përëmb Nasien-batsi tsi urostu Këristu.

GALAASIA 1:4

nul na wëli beenul undo ngëjubani njatsi uŋal Nasien-batsi Asini njapa pëpënani nja tsi uwal un ntsari wi, u waraatsa wink.

EFEESU 2:2

bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.

EFEESU 6:12

par nja, ngë ri ka kaman pëñaak ni uyamats; maa nja ka kaman msien, ni myëlan, ni myëlan ngan tsijëna ngi umundu wi, wi karëm, ni ngëwejats kawaraatsa ngan ci ngi di tsëko tsan ci tsi ba këci di batsi.

FILIIPUS 2:6

nul nan ci bëci Nasien-batsi, teenats pëkuendala pëliing këliing ni Nasien-batsi.

KOLOS 1:15

Nul ci-un bënaam Nasien-batsi nan ditsi ka wina; ci-un bajan tsi ko u leempa wi ba këleempa.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

1 TIMOTEU 1:11

Ci wun ko u yuk wi ni Upetsan-uwar përëmb Nasien-batsi, nul nanaakal; wul wi n tergaara wun.

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

BAYEBËREU 1:3

Abuk ci-un ufietsar përëmb Nasien-batsi, ni bënaam Nasien-batsi bi ba ci bi ja. A nul tsijëna un ngëko bëlieng tsi përim uyëlanul. Uwal wi na ba wi mjëntsandar tsi uleka ngëjuban nja a na tsoar tsi kariir Kanpe-përëmbana, di ruets.

BAYEBËREU 6:4

Par uleka ban facana bukunk ba, yëlaatsa bëro, ban juaban biki utseend un pëni wi batsi, ban bofana biki tsi Uwejats-ujënts,

2 PER 1:19

Unk, ngë pe këpe pëwak përim bayëlia; a nda ro uwar bi nda me bink pul, par pul aci pi ulamp ka fiets wun di tsëko tsan dëmënts tsi, te unu ka tsënkëna ka fac, upesaj kafa-unu ka fietsi di ngëwaas ind.

1 JOŊ 2:11

Maa, ñaan na ñaasi ni ba tsaari, aci tsi karëm, a nuu yandaar tsi karëm, a meets tsi nuu ya tsi, par karëm akuelëtsanul këkës.

1 JOŊ 2:8

Maa, mán kaka n picari ind utsua uwalu, wul aci ubaaraari un ci wi tsi Këristu, a u ci buts tsi ind; par karëm aci tsi pëpar, a ufac ubaaraari ci wink ba tsi pëfiets.

1 JOŊ 5:19

Ngë me ngë ci biki Nasien-batsi, a umundu upëban ci tsi kañan Naro-ngëko-kawaraatsa.