2 KORINTU 3:6 - KARÚK-PËRIM KAWALU Nouveau Testament

⁶ Nul ci-un na wël wundi pëyëlan pëci baleemp tsi Karo-pëloole kawalu. Cits tsi upic, maa tsi Uwejats; par upic ka fiŋ, maa Uwejats ka wël wun ubiira.

2 KORINTU 3:6 ပူးပေါင်းရင်းမြစ်များ

MATEU 13:52

A na ja bukul: “Wul ka wun, napican-ulua nan ci nafets ngëko pësien batsi, anaam pi nawiak kato nan pënanii ngëko ngëwalu ni ngëjon tsi bëkaul.”

MATEU 26:28

par ko wi aci pëñaak nji, pëñaak karo-pëloole, pan tulaa pi pa bacumal, pa pëjampësana ngëjuban.

MARKU 14:24

A na ja bukul: “Ko wi aci pëñaak nji, pëñaak karo-pëloole, pan tulaa pi pa bañaan bacumal.

LÚKAS 22:20

Tsi uleka karaani, bi ba ba bi kare ufëri, na ro unk buts, aja: “Karaani ki, aci Karo-pëloole kawalu tsi pëñaak nji pan tulaa pi pa ind.

KAKÚRAN-KAWAR YEESU KRISTU BI JOŊ LEENŢ BI KUL AJA 5:21

Par, bi Asin kë natsani bunk bacäts në wël bukul ubiira, unk buts, Abuk ka wël ubiira pa biki na ŋal biki pëwël.

KAKÚRAN-KAWAR YEESU KRISTU BI JOŊ LEENŢ BI KUL AJA 6:63

Uwejats ka wël wun ubiira, uliaf kaats bëkat. Irim nja ind yi, aci Uwejats, a i ci ubiira.

ROOMA 1:5

A tsi nul, tsi wund yankëna tsun bëtseend ni pëci bapostolu, pa pëtsu ban cits biki Bajudeu bëlieng ba niiran uwak tsi katimul;

ROOMA 3:20

Wul ka wun, nin ñaan di ka tsuaa namabal tsi bërunul, undo ngi në ro ngi tsi ngëtsua; par tsi ngëtsua, tsi kame ujuban pënë-ni tsun.

ROOMA 4:15

Ulua ka tsiji uriab, a tsi ngëtsua cits tsi, kaguus-ko buts cits tsul.

ROOMA 4:17

bi u picana bi aja: “Par man tsuu pëci asin bañaan bacumal.” Nul Abraam aciina asin nja tsi bërun ni na uwak, un ci wi Nasien-batsi ni kan tsui bacäts ba ci bayësal, a nuu tsu ngëko nga cits ngi, nga ci.

ROOMA 7:6

Maa inkri ngë pënana tsi ngëtsua, par ngë cats uleka ko undo wi mob inja tsi pëluek; wul ka wun nja kë leemparaan Nasien-batsi tsi bëci buwalu tsi Uwejats, katse ci tsi bëci bëpic bëjon.

ROOMA 8:2

Par ngëtsua Uwejats, wi ka wël wi ubiira tsi Këristu Yeesu, afacanu tsi ngëtsua ujuban ni wi pëcäts.

1 KORINTU 11:25

Unk, bi ba ba bi kare ufëri, a na kaka jej buts karaani, a na ja: “Karaani ki, aci karo-pëloole kawalu tsi pëñaak nji. Ndu ja nduu raan tsi kul, ndë ro unk pa puu lesënin.”

1 KORINTU 12:28

Di Ngëriisia, Nasien-batsi atsu balon pëci bapostolu ucak; utëbantsan, bayëlia; uwaajantsan, bajukan; a uu ba, baro bawitsa; a uu ba, ban ka biki ngëtseend pa pëyësan, ni batsënk, ni ba tsijëna, ni bañakan mleents ngëtsooŋ.

1 KORINTU 15:45

Par iink picana run: “Ñaan nacäk, un ci wi Adam, awula ubiira.” Maa Adam natuami aci uwejats wi ka wël wi ubiira.

1 KORINTU 3:10

Tsi bëtseend bi Nasien-batsi wëlin bi, a n tsu ujuundi pi naniew nameko, a nalon niew tsi ruets dul. Maa kara ñaan në teen bi nu niew bi.

1 KORINTU 3:5

Bi u ci bank, yën ci-un Apolos? A yën ci-un Pol? Baleemp ban tsiji ind biki tsi uwak; bu ro ank bi Ajug wël bi kara ñaan na ro.

2 KORINTU 11:23

Mán ñakan pi in kaats uwejats. Bu ci baleempar Këristu-a? Nji man pe bukul! Tsi uleemp u ñats wi, man pe bukul! Tsi përica, man pe bukul! Tsi këlumbanj ki n lumbanjaa ki, jaakaats! Tsi pëjuatsan te a ndu n tsas pëcäts, ngëyaas ngëcumal!

2 KORINTU 3:14

Maa ngëwejats bukul atúar. Te unu untsari, aja ngëlibëru Karo-pëloole kajon kë layira, ulec umënts wun ka wama ci, wul pënanaatsa, par tsi Këristu tsi u pënanaana tsun.

2 KORINTU 3:3

Awina nda ci uletar Këristu wi na tergaar wi tsi uleemp wund. Wul un picanaatsa wi ni untíint, maa ni Uwejats Nasien-batsi nayësal; un picanaatsa wi tsi itagëba ilaak, maa tsi itagëba uyamats, tsi ngëwaas.

2 KORINTU 3:7

A uleemp wi kan tsiji wunk pëcäts, un jisa wi ngëletar tsi ilaak, uci u tsiji përëmb mak, te babuk Israel yëlanats pëkaŋan urostu Moises këkës, undo përëmb pi kan fiets pi tsi urostuul, pul pan dits pi ka jon,

2 KORINTU 3:9

A uci ulua wi kan lacan wi ñaan rëmbana, a um bi ulua wi kan tsu wi ñaan na mab, dits run ka pe këpe pëtsiji përëmb?

GALAASIA 3:21

Ane ulua anatsara pëkaman ngëwatsan Nasien-batsi-a? Nin-a! Par uci ulua ro wëlaa, uyëlan wi pëwël ubiira, tsi ucär, bëmabal abi ka pënë-ni tsi ulua.

EFEESU 2:1

A ind bando biki cats tsi undo ngëlaci ind ni tsi ngëjuban,

EFEESU 2:5

n ja ban do biki wama cäts tsi karo ngëwutsëtsuel, na awël nja ubiira ni Këristu, — a tsi bëtseend ka bun nda buer.

EFEESU 3:7

A nji a nduka n ci naleemp tsi Upetsan-uwar, tsi utseend Nasien-batsi wi n wëla wi unk, pa përo uleemp tsi pëyëlanul.

1 TIMOTEU 4:6

Uci m jukan ngul batsaar ni wi tsi Këristu, kë ci naleempar Këristu Yeesu, naleemp nawar na mobi tsi puu rialaan irim uwak, ni yi bëjukan buwar bi m fets bi uwar.

2 TIMOTEU 1:11

Undo Upetsan-uwar wi, ka wun n tsua pëci naleents-përim, ni Napostolu, ni najukan.

BAYEBËREU 12:24

tsi Yeesu, nul Natsu-manteelar nan tsij-ni karo-pëloole kawalu, ni tsi pëñaak pan gura pi, pul pan pe pi pëñaak Abel pëñakan uwar.

BAYEBËREU 13:20

Nasien-batsi kankaana pëfac, nul nan katii nayafan ngënkaanel nawiak di bacäts, un ci wi Ajug nja Yeesu, undo pëñaak karo-pëloole kan dits ki ka ba.

BAYEBËREU 7:22

Undo ubaaja umënts wun, ka wun Yeesu ruka ci umobanaani karo-pëloole kan pe ki pëwara.

BAYEBËREU 8:13

Bi Nasien-batsi ja bink karo-pëloole kamënts ki, kawalu, atsu kacak kun a ka ci kajon. A ko unduka wi jon, a u tsaf, awokan pëniaman.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 JOŊ 1:1

Wund aci tsi pëpicari ind uleka përim pan tsij pi ubiira, pul pando pi ci ba ki ujuundi. Wund ate pul, a wund win pul ni këkës wund bërier wund; wund ateen pul, a wund laakats pul ni iñan wund bërier wund.