2 KORINTU 3:17 - KARÚK-PËRIM KAWALU Nouveau Testament

¹⁷ Te, Ajug ci-un Uwejats, a tsi Uwejats Ajug ci tsi, pëfacana aci tsul.

2 KORINTU 3:17 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 6:63

Uwejats ka wël wun ubiira, uliaf kaats bëkat. Irim nja ind yi, aci Uwejats, a i ci ubiira.

KAKÚRAN-KAWAR YEESU KRISTU BI JOŊ LEENŢ BI KUL AJA 8:32

ndë me ucär, ucär ka facan ind.”

ROOMA 8:2

Par ngëtsua Uwejats, wi ka wël wi ubiira tsi Këristu Yeesu, afacanu tsi ngëtsua ujuban ni wi pëcäts.

1 KORINTU 15:45

Par iink picana run: “Ñaan nacäk, un ci wi Adam, awula ubiira.” Maa Adam natuami aci uwejats wi ka wël wi ubiira.

2 KORINTU 3:18

A nja bëlieng ban kundësa biki ngërostu, nja kë piban përëmb Ajug pi kateenaraani, unk ri ngë ci run ban butana biki bënaam, pa pënaam ni Ajug. A nja kë pën tsi përëmb pëya përëmb pan pe pi; umënts wan apënë-ni tsi Ajug, nul nan ci Uwejats.

2 KORINTU 3:6

Nul ci-un na wël wundi pëyëlan pëci baleemp tsi Karo-pëloole kawalu. Cits tsi upic, maa tsi Uwejats; par upic ka fiŋ, maa Uwejats ka wël wun ubiira.

GALAASIA 4:6

A undo bi nda ci bi babuk, a Nasien-batsi wëtani Uwejats Abukul di ngëwaas nja, a uu lie koo ja: “Aba, Paapa!”

GALAASIA 5:1

Këristu afacan nja pa n ja pëci bafacal. Nda ciin baliincal, ind tsë kaka niaj tsi pëluek.

GALAASIA 5:13

Par ind, batsaar ni nji, nda ruree pëfacana; maa, ind tsë laabaraan pëfacana, a ndë niaj tsi karí-ko uliaf; maa, kara ñaan na ciin naleempar acintsul, tsi bëŋal.

2 TIMOTEU 1:7

Par, cits uwejats bëlal wi Nasien-batsi wël nja wun, maa uwejats kayëlan-ko, ni bëŋal, ni butsëkal.