2 KORINTU 3:12 - KARÚK-PËRIM KAWALU Nouveau Testament

¹² A bi wund ka bi uwats wan, wund ka roona bëyeentsal;

2 KORINTU 3:12 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 10:24

A Bajudeu fayul, a ba jaul: “Kë riang wund ngëwaas te lum-i? Uci wi ci-un Këristu, leents wund jëntsan.”

KAKÚRAN-KAWAR YEESU KRISTU BI JOŊ LEENŢ BI KUL AJA 16:25

Ma n jaan ind ngëko ngan, tsi irim inaamanaani. Uwal ka baandi, wi n katse wi kee ñakanaan ind tsi irim inaamanaani, maa mán ñakanaan ind uleka Asin, tsi ko un jënts wi.

KAKÚRAN-KAWAR YEESU KRISTU BI JOŊ LEENŢ BI KUL AJA 16:29

A bafetsul jaul: “Teenan-e, wi ka ñakan ink inkri a kë jëntsan uñakan; m katse m ja irim inaamanaani.

NGËRO 14:3

Pol ni Barnabas ro rul ko un jon wi, bu kë ñakan ni bëyeentsal tsi uleka Ajug. Ajug baaraan pëpiban përim pi bu kë leents pi tsi uleka betseendul ci ucär; a na tsu bukul bu kë ro ni iñan bukul ngëpibanaani, ni ngëko ngan pikran ngi.

NGËRO 4:13

Bi ba win bi bërëdëm Per ni Joŋ, din a ba pikra, par bë win ba ci bañaan ban jukats biki, te bë kaats ume. A ba yëkëran bukul, par bë ro ci ni Yeesu.

NGËRO 9:27

Maa, Barnabas mobul atsëpand di bapostolu, a na leents bukul bi Sol win bi Ajug di bëga, a Ajug ñakanaanul, ni bi na leents bi përim di Damaasku ni bëyeentsal, tsi katim Yeesu.

NGËRO 9:29

Ka ñakan ni Bagërek, a nuu totëlar irim ni bukul, maa bu kë tsas pëfiŋul.

1 KORINTU 14:19

Maa tsi bëjúk Ngëriisia, man pe pëŋal pëja n doon ka ñakan kërim kañan ni ume nji, pa pëjukan buts balon, ni pëjaa man ñakan kërim ngëmiil untaaja (10.000) tsi uliingu utsooŋ.

2 KORINTU 10:1

Nji Pol bërierin, man buara ind tsi kajuab-uwaas Këristu ni tsi karo-uwarul, nji nan tienkëtsani been nji uwal wi n ci wi tsi pëncuaf ind, maa a n yëkan tsi uleka ind, uwal wi n lawan wi.

2 KORINTU 3:11

A uci wi kan par wi këpar tsij përëmb, wi kan ci wi pa sandëndën ka pe këpe pëtsij përëmb.

2 KORINTU 4:13

Maa, bi wund bof bi uwejats uloole tsi uwak, bi u picana bi aja: “Nji ma wak, wul ka wun ñakan.” Wund buts, wund awak wul ka wun, wund ñakan.

2 KORINTU 7:4

Man ka uwats mak tsi ind, upícëni nji mak, aci ind. tsi unoor wund bëlieng, uwaas nji juabuts mak, acum ni ulílan a n par-paran.

FILIIPUS 1:14

Undo man tanaa mkorente, a ban pe biki pëcum tsi batsaar tsi Ajug kë pe këpe pëka bëyeentsal pa pëleents përim Nasien-batsi; bë cits ni bëlal.

FILIIPUS 1:20

Ko wi n dí wi mak pëwin, ni tsi uwats nji, aci nji përits kawarana koon këkawarana, maa n doon ka liincan katsëb. Këristu ka rëmbanaa tsi uliaf nji, tsi inkri ni tsi ngëwal bëlieng, uci ank pëpar-na ubiira, oo pëcäts.

KOLOS 4:4

Nda ñaanan nji pëtsu bañaan ba me wul, bi n ka bi ndoon ka ñakan.

1 TESALONIKA 2:2

Wund aro ci tsi unoor a wund tsijaa pëtsija pa waraatsa pi di Filiipus, bi nda me bunk. Maa ŋal bi ukam ci bi uwiak, wund aliincan ngëwaas tsi Nasien-batsi wund, pëleents ind Upetsan-uwar Nasien-batsi.

1 TIMOTEU 3:13

Par, ba mob biki tsi uleemp bëtsënk uwar, bu ka wëla urispiitu, bu ka kaand uwats uwiak, tsi uwak wi ba uwak wi tsi Këristu Yeesu.

FILEMON 1:8

Wul ka wun, ŋal bi n fac bi mak tsi Këristu pa pëtsuu përo ko un ka wi përolaa,