2 KORINTU 3:1 - KARÚK-PËRIM KAWALU Nouveau Testament

¹ Ane wund ka kur kak pëpiban ind ko wi wund ci wi bërier wund-a? Oo, ane wund afier pëpiban ind ngëletar ngi kan piban ngi ko wi wund ci wi, oo ngi kan pëni ngi di ind, pi balon fier pi-a?

2 KORINTU 3:1 ပူးပေါင်းရင်းမြစ်များ

NGËRO 18:27

Bi na wejats bi pëband Akaaya, a batsaar tsi Këristu liinc-liincanul uwaas, ba picandar bafets Yeesu ban ci biki rul, pa ba welanul uwar. Bi na band bi rul, tsi bëtseend Nasien-batsi na ci bëtsënk pa ba uwak biki;

ROOMA 16:1

Man tergaar ind Febe, natsaar ni nja ŋaats, nul nan ci natsënk di Ngëriisia Senkreeya;

1 KORINTU 10:33

Unk nji buts, ma nja n doon ka tsas pëlilan bañaan ngëwaas bëlieng, tsi ko un ci wi-ba këci. In di ka n tsas uwar pa nji bërierin, maa mán tsas uwar pa bacumal, pa ba yëlan pëbuer.

1 KORINTU 16:3

A uwal wi n baandi wi, kee wëtan ban data biki ni uletar, pa ba tsëpand bëtsënk ind pa Jerusalem.

1 KORINTU 3:10

Tsi bëtseend bi Nasien-batsi wëlin bi, a n tsu ujuundi pi naniew nameko, a nalon niew tsi ruets dul. Maa kara ñaan në teen bi nu niew bi.

1 KORINTU 4:15

Ŋal ndë ruka tsij bajukan ngëmiil untaaja (10.000) tsi Këristu, maa nda cumats basin; par nji, Upetsan-uwar wi n bukëni ind wun, tsi Këristu Yeesu.

2 KORINTU 10:12

Par wund yeentsats pëniib iyeen wund, oo pëliingan yul ni balon biki kan bëndan biki iyeen bukul bërier bukul. Maa bukul, bu fuur, a bu kë niib iyeen bukul bërier bukul, bu kë naaman yul tsi kaniibi bukul.

2 KORINTU 10:18

Par cits ni kan dëmbandari bërierul ka niirana un, maa ni Nasien-batsi dëmbani.

2 KORINTU 10:8

A ŋal bi n píc bi ko uties tsi undo pëyëlan pi Ajug wël wund pi, in cits tsi mkaw; par aci pa pëliinc-liincan ind, cits pa pëcok ind.

2 KORINTU 12:11

Man duka n ci nafuur, maa ind tsuin bukun pëci ank. Ind ro bukun ka pëbëndanin, par ŋal bi n cits bi ko, in kaats ko wi n peena wi pëci naties tsi ba n jaka bukunk bapostolu bawiak mak.

2 KORINTU 12:19

Nda jon tsi pëwejats koo ja, wund aŋal pënatsar iyeen wund tsi bërun ind. Wund ka ñakan tsi uŋal Këristu tsi bërun Nasien-batsi. A ngan bëlieng, aci pa pëliincan ind, ind ba ŋala biki.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 5:12

Wund rutse ka leents ind bëci wund bërier wund, maa, wund ka wët ind ndë bundanaa tsi uleka wund; pa ind pëyëlan pëyankës biki kan tsas biki pëbëndana tsi uwinaraa bukul, a cits tsi ngëwaas.