2 KORINTU 2:17 - KARÚK-PËRIM KAWALU Nouveau Testament

¹⁷ Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 2:17 ပူးပေါင်းရင်းမြစ်များ

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

NGËRO 20:20

Nji i kaats ko wi wët wi pëleents ind, un yëlan wi pëci uwar tsi ind; maa, man leents përim a ndu jukan ind tsi pëncuaf bañaan, ni di ito.

NGËRO 20:27

Par, nji n wëtats pëleents ind ko wi Nasien-batsi tsaag wi.

1 KORINTU 5:8

Wul ka wun, cits bëko-bëlëtsatsaani bëjon bi nja kë roona bun ufesta, nin cits bëko-bëlëtsatsaani kawaraatsa ni bi bëjuats; maa nja ka ro ufesta ni upom un tsijats wi bëko-bëlëtsatsaani; un pënë-ni wi tsi bëmabal ni tsi ucär.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 1:18

Maa Nasien-batsi aci namabal, përim wund pa ind cits pëja Eey-e ni an-a.

2 KORINTU 11:11

We ka wun? Par nji n ŋalats ind-a? Nasien-batsi ame wul!

2 KORINTU 12:19

Nda jon tsi pëwejats koo ja, wund aŋal pënatsar iyeen wund tsi bërun ind. Wund ka ñakan tsi uŋal Këristu tsi bërun Nasien-batsi. A ngan bëlieng, aci pa pëliincan ind, ind ba ŋala biki.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

2 KORINTU 6:7

ni tsi përim ucär, ni tsi pëyëlan Nasien-batsi, ni tsi wund pëtsij ikamanaani tsi bëmabal, puu jotëna ukam ni puu waayaraan;

GALAASIA 1:6

Man pikra bi nda car bink awëtan nandui indi tsi bëtseend Këristu, a nda butar ulon Upetsan-uwar.

1 TESALONIKA 2:4

Maa bi Nasien-batsi teenaman wund bunk, a na tanan wund Upetsan-uwar, unk di wund kë leents run përim; cits pa bañaan pëlilandër wund, maa Nasien-batsi pëlilandër wund, nul nateenaman ngëwaas wund.

TIITU 1:11

Bu ka përicaa itum, par bë ja ba roon bu kë cok bañaan bëlieng di ito, tsi puu jukan ngan kaats ngi pëjukana; bu koo ro ank, pa pëka bëka ban kawaran bi.

BAYEBËREU 11:27

Uwak tsu wun, a na pën tsi Ejipët, te lalats uriab nasien; par aliincandar, pi aci tsi pëwin nan dits unk ka wina.

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!

1 JOŊ 4:1

Bamiñ ba ŋala biki, ind tsë wak uwejats un ci wi-ba këci; maa nda teenamani ngëwejats, ne aci ank ngi Nasien-batsi; par bayëlia batsup bacumal agara jëk umundu.

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 19:20

A unjar umënts wun moba, wul ni nayëlia natsup nun, nandon unk ka ro ngëpibanaani tsi bërun wul, ngi na falëna ngi ba yank bukunk umarëka unjar, a bu kë jintëla bënaam wul. Ngul ngëtëb ngun agutsa ngëyësal di pëwal bërua tsi ucof kë yëk tsi.

UPIBAN 2:20

Maa, mán leentsaru tsi uleka ko wi: M wët ŋaats ni ka n jaka unk Jesabel, nul na njai bërierul aci nayëlia, a nuu jukan baleemp nji koo fal bukul a bu kë ro ngëko katuk-ufuts, a bu kë re nga n jakana ngi tsi icap.