2 KORINTU 2:14 - KARÚK-PËRIM KAWALU Nouveau Testament

¹⁴ Maa Nasien-batsi na baranaan, nul nan tsunjai a ngë kuk tsi Këristu pa sandëndën; a tsi nja na tsu Këristu na meaa tsi tsëko tsan ci tsi ba këci, pi pëñal ulicar garandar pun.

2 KORINTU 2:14 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 16:33

Man ja ind ngëmënts ngan, pa nda ka pëfac tsi nji. Nduu ka unoor tsi umundu; maa nda kaan katsëb, man gaañaar umundu ukam.”

ROOMA 1:8

tsi ucak ko, mán baran Nasien-batsi nji tsi katim Yeesu Këristu, tsi uleka ind bëlieng; par uwak ind añakanaana tsi umundu bëlieng.

ROOMA 15:19

tsi pëyëlan ngëpibanaani ni ngëko ngan pikra n ngi undo pëyëlan Uwejats Nasien-batsi; unk, a n leents Upetsan-uwar Këristu a n jëkëlan, pëpën tsi Jerusalem ni ngëcaak ngan fay ngi dul, te di Iliriku.

ROOMA 6:17

Ngë ja Nasien-batsi baran! Ind ban do biki ci baluek ujuban, maa, nda niiran di ngëwaas ind bëlieng bëjukan ba naam bi ni bi nda wëla bi.

ROOMA 8:37

Maa tsi ngëmënts ngan bëlieng, ngë par pëjaa ngë ka kape, tsi na ŋal njai.

1 KORINTU 12:8

Par Uwejats, ka wël nalon përim kameko; Uwejats uloole umënts wun ka wël nacints përim ume;

1 KORINTU 15:37

A ko wi m saal wi, cits bëko bi ka n jabi bi, maa aci pëbuk rin pi m saal pun, pi ucapi wi kan gura wi, oo ulon ukoraar ucapi.

1 KORINTU 15:57

Maa Nasien-batsi na baranaan, nul ni ka wël njai kape tsi Yeesu Këristu, Ajug nja.

2 KORINTU 1:11

Ind buts nda tsënk wund ni bëñaan ind, unk bëtseend bi wund kë ka bi tsi bañaan bacumal biki ka ñaanar wund biki, ka ruka ci kabaran Nasien-batsi mak tsi undo wund.

2 KORINTU 8:16

Maa Nasien-batsi na baranaan, nan tsui yi uŋal umënts wun di uwaas Tiitu pa ind.

2 KORINTU 9:15

Nasien-batsi na baranaan, tsi undo utseendul unjaakaatsa wi.

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

EFEESU 5:20

nda ru kë ja Nasien-batsi, nul nan ci Asin, baran tsi ngëko bëlieng tsi katim Yeesu Këristu Ajug nja.

FILIIPUS 4:18

Man yank ngëko bëlieng a n kësan, a n par-paran. Man cumana ngi n fier ngi, bi Epafëroditu wëlin bink ngi nda wëliin ngi. Ngul, aci pi ulicar u líl wi pëñal, bëjakan ba niiranaa bi, ba líl bi Nasien-batsi.

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

KOLOS 1:6

un baandi wi tsi ind. A bi u buk bunk a uu ya këya bërun tsi umundu bëlieng, unk di u ci run tsi përo tsi pëncuaf ind, ki unu wi nda te wunk uleka bëtseend Nasien-batsi a nda me bul tsi ucär.

KOLOS 2:15

aca iŋi-ukam ngan tsijëna ngi pëyëlan, ni yi ngan ka ngi uyëlan, a na kawaran ngul tsi bërun bañaan, akuk ngul tsi kruus.

1 TESALONIKA 1:8

Përim Ajug apëni tsi ind, ateaa; cits rin di Masedoonia ni di Akaaya, maa tsi tsëko tsan ci tsi ba këci. Uwak ind tsi Nasien-batsi ameaa, a wund fierats pëja ko tsul.

1 TESALONIKA 3:9

Par, pëom pëbaran pi wund yëlan pun pëbaran Nasien-batsi tsi uleka ind, pa ulílan bëlieng wi wund lílan wi tsi undo ind, tsi bërun Nasien-batsi inja?

1 TIMOTEU 2:8

Bi u ci bank, ko wi n ŋal wi ci wun wi: Kara tsëko, bayënts kë katar iñan ijënts ruets, bu kë ñaan; uriab tsë ci, mantotëlër tsë ci.

2 TIMOTEU 2:2

A ko wi n leents wi tsi bërun bacumal ba maatir biki a m te, tergaari wul bañaan ba mob biki tsi uwak, biki kan yëlan biki buts pëjukan wul balon.

UPIBAN 7:12

a nguu ja: “Ameen! Ubëndan, ni përëmb, ni kameko, ni pëbaran, ni rëmbana, ni pëyëlan, ni uyëlan, aci pa Nasien-batsi wund, pa sandëndën! Ameen!”