2 KORINTU 13:4 - KARÚK-PËRIM KAWALU Nouveau Testament

⁴ Par nul arieŋa di kruus tsi undo bërafalul; maa na kak aci nayësal tsi pëyëlan Nasien-batsi. Wund buts wund aci barafal tsi nul, maa wund ka kaana ubiira tsi nul tsi pëyëlan Nasien-batsi, pa përo uleemp pa ind.

2 KORINTU 13:4 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 10:18

Ñaan di ka pënanin ubiira, maa nji ka n wël un wul bërierin. Man ka pëyëlan pa pëwël ubiira, ni pëyëlan pa pëyank wul kak. Utsua umënts wi, man yankëni wul di Asin nji.”

NGËRO 2:36

Bañaan kato Israel bëlieng aka pëme, Yeesu ni nda rieŋ ink di kruus, Nasien-batsi atsuul na ci Ajug, na ciind Këristu.”

NGËRO 3:16

Aci pëyëlan tsi katim Yeesu wël pun niintsi uyëlan; ko wi nda win wink a nda meend, arolaa ni uwak tsi katim Yeesu, par aci uwak tsi katimul yësan wun niintsi tsi bërun ind bëlieng.

ROOMA 1:4

Maa, na baaraan pëci Abuk Nasien-batsi tsi pëyëlan, tsi Uwejats pëci nayëman, tsi pënatseeul di bacäts, nul Yeesu Këristu, Ajug nja.

ROOMA 14:9

Undo ko umënts wun ka wun Këristu cats a na kaka kak ka yafënts; pa pëci Ajug bacäts, ni ba wama biki ka yafënts.

ROOMA 6:4

Wul ka wun, ngë mooya ni nul tsi undo bëmijana pëcätsul, pa bi Këristu natsanee bunk di bacäts tsi përëmb Asin, unk buts di nja kë yandaar run buts tsi ubiira uwalu.

1 KORINTU 1:25

Par bëfuur Nasien-batsi ape kameko bañaan-bajin, a bërafal Nasien-batsi pepëyëlan bañaan-bajin.

1 KORINTU 15:43

Ka saala tsi mkaw, u natsee tsi përëmb; u saala tsi bërafal, u natsee tsi pëyëlan.

1 KORINTU 2:3

Bi n ci bi tsi pëncuaf ind, a n ci ni bërafal, ni bëlal a ndu n lënk mak.

1 KORINTU 6:14

Nasien-batsi na natsani unk Ajug di pëcäts, kee natsani nja un di pëcäts buts tsi pëyëlanul.

2 KORINTU 10:10

Par bë ja: “Ngëletarul a tsij pëyëlan ni uyëlan; maa uwal wi na ci wi ni nja di ka ka uyëlan nin përimul kaats bëkat.”

2 KORINTU 12:10

Wul ka wun n du n lílan tsi bërafal nji, tsi ikar, tsi ngënjuatsia, tsi pënoor-noorana, ni tsi pëtsua tsi unoor undo bëŋal Këristu. Par uwal wi n ci wi tsi bërafal, din, ka ruka ci na liinci.

2 KORINTU 13:9

Wund ka lílan tsi uwal wi wund raf wi a ind nda liinc, umënts wan ci wun ko wi wund kë ñaan wi, bëliincal ind.

FILIIPUS 3:10

Man ŋal pëme Këristu, ni pëyëlan pënatsa pi na natsee pi di pëcäts, ni kambof tsi unoor wi na noor wi ba kënoor, ka ruka n naam pi nul tsi pëcätsul,

BAYEBËREU 5:7

Nul Yeesu, uwal wi na wam wunk tsi umundu wi, a uja ni mliandar, ni mŋand, nuu ñaan, nuu rugar na yëlan unk pëbueranul tsi pëcäts. A na niiranaa, undo alënk Nasien-batsi.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 PER 3:22

Nul apaiya batsi ee ci di kariir Nasien-batsi, a ngëwaanju, ni msien, ni myëlan tienkëtsar tsi bërunul.