2 KORINTU 12:20 - KARÚK-PËRIM KAWALU Nouveau Testament

²⁰ Maa ko wi lënk wi, nji përits tsënk ind bi n ŋal bi, ubaandi nji; a ind buts pëwinin, tsi ko un pats wi ni wi nda ŋal wi. Ko wan ka tsiji pëŋom tsi pëncuaf ind, mankocar, uriab, mankicësar, ka jaar bañaan ngëwutsëtsuel, mankuetar, manguukandër, kangusëlar.

2 KORINTU 12:20 ပူးပေါင်းရင်းမြစ်များ

ROOMA 1:29

A ba cum ni kamabats kan ci ki ba këci, ni kawaraatsa, nikariisan-ko, ni kajuats-uwaas; bu cum ni mankocar, manfiŋar, mŋom, maniamëlan, ni karo ngëwutsëtsuel. Bu ci bakuetar,

ROOMA 1:30

bajaar bañaan ngan cits ngi, babër Nasien-batsi, bakarar, bape-iyeen bukul, baguukandar, bajaj-ngëwutsëtsuel, ni bamobats tsi përim ban buk biki bukul.

ROOMA 2:8

Maa uriab ni ukulëñ ka ci tsi baŋal ngëko bëlieng pëci ngiic bukul, a bu mobats tsi ucär, bu kë fets kamabats.

1 KORINTU 1:11

Batsaar ni nji! Bañaan kato Këloe aleentsin mankicësar ci tsi pëncuaf ind.

1 KORINTU 14:33

par Nasien-batsi cits na gúsëlan ngëko, maa aci Nasien-batsi pëfac. Bi u rolaa bi di iriisia bayëman bëlieng,

1 KORINTU 5:2

Nda ci tsi mguukandar a nda juatsanats! Ñaan nando ank ko wan na pënanaan tsi pëncuaf ind.

2 KORINTU 1:23

Inkri, nji mán du Nasien-batsi në ci namaatir tsi undo ubiira nji; aci-undo pëjojan ind ka wun n witsaatsee Korintu.

2 KORINTU 10:2

Inkri, man ñaan ind këñaan, ind tsë tsuin pëñakanaan ind ni uyëlan u ci nji rul; bi n yecis bi pëñakanaan biki kan ja biki bëro wund aci bëro ngi ngëwejats ñaan-najin.

2 KORINTU 10:6

A uwal wi nda baar wi pëniiran ko un tsua wi, wund ka baar buts pëtucan baroots ko un tsua wi.

2 KORINTU 12:21

Man lënkar ubi nji bëyaas bëcints, Nasien-batsi nji përits kawaranin tsi pëncuaf ind ka ci tsi pëkaanar bacumal ban juban biki ki këlum a bë yaarats ibats tsi ngi ba ro ngi: ngëko ngëtsopal, katuk-ufuts, pëwëtandar tsi ngëko katuk-ufuts.

2 KORINTU 13:2

Mando nja ba ko wan, a nji n kaka ink ka nja wul, bi ndo bi n ja wul uyaas utëbantsan; maa inkri bi n maatirats bink, mánja ko wan bando biki jon ki ba juban ki, ni balon kak; uci n bi rul bëyaas bëcints, in di ka njampësa bukul.

2 KORINTU 2:1

Iink ri n baaraandun nji bërierin, pëkatse pëbi di ind ni unjuatsia.

GALAASIA 5:15

Maa, uci nduu rumëlar a nduu yoorëlar tsi nda ci tsi, nda rukan ibats pa nda rits baalar.

GALAASIA 5:26

Nja tsuuts rëmbandar, pa puu tsu bañaan ba riabatsar bacints bukul, ni pëja bañaan, bu ka koc bacints bukul.

JAKOB 4:11

Batsaar ni nji! Ind tsuu tsë jaarlar nga waraatsa ngi. Na n jai u waraatsa wi pa acintsul, oo na wati acintsul pëleents, aja ko u waraatsa wi pa ulua, a na wat ulua pëleents. A uci m ci tsi pëwat ulua pëleents, ande m cits naro ko wi u ja wi, maa m ci nawat wul pëleents.

1 PER 2:1

Wul ka wun, nda bëran kawaraatsa kan ci ki ba këci, ni bëlipal maniamëlan ban ci ba këci, ni kanguungu kan ci ki ba këci, ni mankocar, ni kajaar bañaan ngëwutsëtsuel kan ci ki ba këci.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

JÚDAS 1:16

Bamënts biki ci bakuetar, barika-lílan tsi ngëbiira bukul, bu kë yandaar tsi ngi ngëliaf bukul kë rí ngi, itum bukul kë ja irim upíc; pa bëkat bukul bu kë bëndan bañaan.