2 KORINTU 12:19 - KARÚK-PËRIM KAWALU Nouveau Testament

¹⁹ Nda jon tsi pëwejats koo ja, wund aŋal pënatsar iyeen wund tsi bërun ind. Wund ka ñakan tsi uŋal Këristu tsi bërun Nasien-batsi. A ngan bëlieng, aci pa pëliincan ind, ind ba ŋala biki.

2 KORINTU 12:19 ပူးပေါင်းရင်းမြစ်များ

ROOMA 12:19

Ind ba ŋala biki, ind tsë lukan-pëkaw ind bërier ind; maa nda wëtan uriab Nasien-batsi u ro ko. Par iink ri upicana run: Ajug aja: “Kalukan-pëkaw, aci kamiñ; aci nji ka lukan un.”

ROOMA 14:19

Unk, nda ju ngë mob tsi pëfets ngëko ngi kan wël ngi pëfac, ni ngi kan tsu ngi ñaan në liinc-liincan acintsul.

ROOMA 15:2

Kara ñaan tsi nja na roan acintsul ko u lílul wi, a u wara pa pëliincanul.

ROOMA 9:1

Mán leents ucär tsi Këristu, in di ka n tsup. tsi Uwejats-ujënts, uwejats nji bërierin aleents ko wi n ci wi, aja:

1 KORINTU 10:14

Bi u ci bank, bamiñ ba ŋala biki, nda túkan kajintëla-icap.

1 KORINTU 10:33

Unk nji buts, ma nja n doon ka tsas pëlilan bañaan ngëwaas bëlieng, tsi ko un ci wi-ba këci. In di ka n tsas uwar pa nji bërierin, maa mán tsas uwar pa bacumal, pa ba yëlan pëbuer.

1 KORINTU 14:26

Bi u ci bank batsaar ni nji, we ka rolaa wun? Uwal wi nda júk wi tsëloole, nalon ka ka kaya, nacints ka ka ko wi nu jukan wi, nalon ka ka upiban, nacints ka ka mleents ngëtsooŋ, nalon kak ka ka puu pac irim. Ko wan bëlieng u rolaan pa pënatsan Ngëriisia.

2 KORINTU 10:8

A ŋal bi n píc bi ko uties tsi undo pëyëlan pi Ajug wël wund pi, in cits tsi mkaw; par aci pa pëliinc-liincan ind, cits pa pëcok ind.

2 KORINTU 11:10

A bi ucär Këristu ci bi tsi nji, përëmb pi di ka laaŋain di këboos Akaaya.

2 KORINTU 11:31

Nasien-batsi, Asin Yeesu Ajug ni ka n jaaree-ngëwar pa sandëndën ame n tsupats.

2 KORINTU 12:15

Nji tsi uŋal nji, man wël bëka nji ni ulílan, a ndu n wël ubiira nji bëlieng pa undo ngëwaas ind. Uci n ŋal ind mak, ka ŋalaa ko uties a?

2 KORINTU 13:10

Wul ka wun, man pican ngëko ngi uwal wi n cits wi ni ind; pa u ci nji ni ind, in dits ndoon ind uyëlan tsi pëyëlan pi Ajug wëlin pi pa puu liinc-liincanaan bañaan; maa cits pa pëcok.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 3:1

Ane wund ka kur kak pëpiban ind ko wi wund ci wi bërier wund-a? Oo, ane wund afier pëpiban ind ngëletar ngi kan piban ngi ko wi wund ci wi, oo ngi kan pëni ngi di ind, pi balon fier pi-a?

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

FILIIPUS 4:1

Wul ka wun, batsaar ni nji, ind biki n ŋal biki a n dí pëwin ind, ind ban ci biki ulílan nji, ni ucape nji wi pësien, nda moban unk nda liincan tsi Ajug, ind ba ŋala biki!

1 TESALONIKA 5:11

Wul ka wun, nda liinc-liincandari ngëwaas, nduu tsënkëlar, bi nda ci bunk ba tsi përo.

BAYEBËREU 6:9

Maa ind ba ŋalaa biki, ŋal bi wund ñakan bi unk, wund afiaar koon ngëko ngan pe ngi pëwara tsi uleka ind, nga yandaar ngi ni pëbuer.