2 KORINTU 12:14 - KARÚK-PËRIM KAWALU Nouveau Testament

¹⁴ Nda teenan-e, nji n yecis ink pëbi di ind uyaas uwaajantsan; a nji, in di ka n ci pëyunts pa ind, par nji n tsasats bëka ind, maa ind bërier ind. Cits upäts ka jukëlën bukun pa basin bukul, maa basin bukul ka jukëlën bukun pa upäts bukul.

2 KORINTU 12:14 ပူးပေါင်းရင်းမြစ်များ

NGËRO 20:33

Nji n díits nin uncaam ñaan, nin uwëruul, nin kaŋiul ki bëtiem.

1 KORINTU 10:24

Ñaan tsë tsas uwar pa beenul bërierul, maa na tsasan uwar pa acintsul.

1 KORINTU 10:33

Unk nji buts, ma nja n doon ka tsas pëlilan bañaan ngëwaas bëlieng, tsi ko un ci wi-ba këci. In di ka n tsas uwar pa nji bërierin, maa mán tsas uwar pa bacumal, pa ba yëlan pëbuer.

1 KORINTU 11:34

Uci ñaan bonats, na rialaan di katoul, pa bëjúk ind përits lacana. Tsi uleka nganduka ngi, uwal wi n bi n baandi di ind, kee tsu ngul bi nga ka bi pëci.

1 KORINTU 16:5

Mán par-na Masedoonia ka bi pëwin ind, par man ka par-na bi Masedoonia.

1 KORINTU 4:19

Maa mán bi pëwin ind tsi ko un car wi, uci Ajug ja; unk, ka me ban ci bukun tsi mguukandar; in di ka meena bukul përim din, maa ka me pëyëlan pi ba ka pi.

1 KORINTU 9:12

Uci balon ka puu yank ngul tsi ind, a wund, wund kaats pëpe këpe pëyank-a? Maa, wund ŋalats pëyank ko wi wund ka wi pëyank. Maa wund amiira ngëko bëlieng, pa wund përits tsu ulon ko u wocan Upetsan-uwar Këristu.

1 KORINTU 9:18

Inkri buom ci bun bëluk nji? Upetsan-uwar wi ndu n leents wink aci bëtseend, nji n ŋalats pëyank ko wi n ka wi pëwëlaa pi naleents Upetsan-uwar.

1 KORINTU 9:19

Par man ci ñaan nan faci tsi bañaan bëlieng, a n tsu been nji pëci naluek bañaan bëlieng, pa pëgaañaar ban pe biki pëcum.

2 KORINTU 1:15

tsi uwatsar wi, man wejats pëbi bërun di ind, pa ind pëyank bëtseend uyaas utëbantsan;

2 KORINTU 11:9

A uwal wi n ci wi di ind, a n fier, maa in yankats ko ñaan; par batsaar ni nja ban pënë-ni biki Masedoonia tsënki bukun tsi ko wi n katsan wi. A tsi ngëko bëlieng, a n miira; a n miira përits ci ko un dits wi pa ind.

2 KORINTU 12:13

Par tsi we tsi nda peena tsun pëtiesëtsana tsi bërun ilon iriisia? Ucits ba undo bi n cits bi pëyunts pa ind. Nda jampësain kamabats kamëntsa ki.

GALAASIA 4:19

Upäts nji, ind biki ci biki tsi pëmiirara urear uliaf-kabuk kak, te Këristu tsënkëna ka leempa di ind.

FILIIPUS 4:1

Wul ka wun, batsaar ni nji, ind biki n ŋal biki a n dí pëwin ind, ind ban ci biki ulílan nji, ni ucape nji wi pësien, nda moban unk nda liincan tsi Ajug, ind ba ŋala biki!

FILIIPUS 4:17

Nji n cits këci tsi pëtsas n tseenda ko, maa mán tsas këtsas bëkat bi ka watsës bi bëka ind.

1 TESALONIKA 2:11

A bi nda me bunk, bi wund ro bi tsi uleka kara ñaan tsi ind, aci bi niints kë ro bunk tsi uleka upätsul.

1 TESALONIKA 2:8

Tsi kajuab-ngëwaas wund pa ind, wund aro ŋal pëwël ind Upetsan-uwar Nasien-batsi; te cits wul rin, maa buts ngëbiira wund bërier ngul. Par nda ruka ci biki wund ŋal biki mak.