2 KORINTU 12:10 - KARÚK-PËRIM KAWALU Nouveau Testament

¹⁰ Wul ka wun n du n lílan tsi bërafal nji, tsi ikar, tsi ngënjuatsia, tsi pënoor-noorana, ni tsi pëtsua tsi unoor undo bëŋal Këristu. Par uwal wi n ci wi tsi bërafal, din, ka ruka ci na liinci.

2 KORINTU 12:10 ပူးပေါင်းရင်းမြစ်များ

LÚKAS 6:22

Nda naak, uwal wi bañaan ñaas ind wi, uwal wi ba pënan ind wi tsi ngiic bukul, a bu kë kar ind, a bu kë cok ind itim, undo Abuk ñaan-najin.

KAKÚRAN-KAWAR YEESU KRISTU BI JOŊ LEENŢ BI KUL AJA 15:21

Maa, bu ka ro ind ngëko ngan bëlieng, undo katim nji, par bu meets na yëliini.

NGËRO 5:41

A bapostolu pën di kato kawat-pëleents kawiak, a ba lílan, undo bi ba winaa bi ba tsënkan pëjaa bë kawarëna tsi undo Katím ki.

ROOMA 5:3

Cits umënts wan din, maa nja ka tsu buts mbëndandar nja tsi unoor; a ngë me unoor kë tsiji pëtambandër,

1 KORINTU 4:10

Wund aci bafuur tsi undo Këristu, maa ind nda ci bameko tsi Këristu; wund aci barafal, maa ind nda ci baka-uyëlan. Ind nda rispitaara, maa wund wund tsuaatsa ko.

2 KORINTU 1:4

Nul ka kajuabëtsan wund un ngëwaas tsi unoor uwiak bëlieng, pa wund pëyëlan buts pëjuabutsan ngëwaas ban ci biki tsi unoor uwiak wi ba ciina wi ba këciina. Wund ka kajuabutsaan bukul ngëwaas, ni kajuabëtsan ngëwaas ki wund yank ki bërier wund di Nasien-batsi.

2 KORINTU 10:18

Par cits ni kan dëmbandari bërierul ka niirana un, maa ni Nasien-batsi dëmbani.

2 KORINTU 12:9

maa, nul na jain: “Bëtseend nji aliingu, par pëyëlan nji ka pibandaraan tsi bërafalu.” Unk, mán pe puu pëbëndan been nji tsi bërafal nji, pa pëyëlan Këristu pëci tsi nji.

2 KORINTU 13:4

Par nul arieŋa di kruus tsi undo bërafalul; maa na kak aci nayësal tsi pëyëlan Nasien-batsi. Wund buts wund aci barafal tsi nul, maa wund ka kaana ubiira tsi nul tsi pëyëlan Nasien-batsi, pa përo uleemp pa ind.

2 KORINTU 13:9

Wund ka lílan tsi uwal wi wund raf wi a ind nda liinc, umënts wan ci wun ko wi wund kë ñaan wi, bëliincal ind.

2 KORINTU 4:17

Par unoor nja urafal inkri, ka tsiji nja përëmb pa n jaakaatsa pi, pan dits pi ka ba; pan pe pi unoor inja.

2 KORINTU 4:5

A cits undo wund bërier wund, wi wund kë leents wun, maa uleka Yeesu Këristu Ajug wi wund kë leents wun. A wund bërier wund, wund aci këci baleemp ind tsi undo Yeesu.

2 KORINTU 5:15

A nul, a cätsar bañaan bëlieng, pa biki ka yafënts biki, bu katse ka yafëntsar iyeen bukul bërier bukul, maa bu ka yafëntsar nan catsar unk bukul, a na natsee di pëcäts pa bukul.

2 KORINTU 5:20

Bi u ci bank, wund aci baciir Këristu, a wund biki Nasien-batsi ruuni ind bukun. tsi katim Këristu, wund abuara ind nda teelari ni Nasien-batsi.

2 KORINTU 6:4

A tsi ngëko ngi wund kë par-na ngi bëlieng, wund ka piban bërier wund, wund ci baleemp Nasien-batsi tsi pëliincandër, ni tsi pëjuatsan, ni tsi unoor,

2 KORINTU 7:4

Man ka uwats mak tsi ind, upícëni nji mak, aci ind. tsi unoor wund bëlieng, uwaas nji juabuts mak, acum ni ulílan a n par-paran.

EFEESU 6:10

Pa pëtuamës, nda tambandari tsi Ajug ni tsi uyëlan pëyëlanul.

FILIIPUS 1:29

Par nda wëla bëtseend, tsi undo Këristu. Cits pëwak tsi nul rin, maa buts pënoorarul.

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

2 TESALONIKA 1:4

Wul ka wun wund ja wund roon, wund kë píc tsi iriisia Nasien-batsi, undo mtambandar ind ni undo uwak ind, tsi pënoor-noorana pi nda ciina pi bëlieng, ni tsi pëteenamana.

2 TIMOTEU 3:11

pënoorana pi n noorana pi, unoor wi n noor wi; uwom unoor wi n noorats wun di Antiookia, di Ikooniu, di Listëra? Pënoor-noorana pëwom pi n miiraatsa pun-i? Maa a Ajug bueranin tsi ngul bëlieng.

JAKOB 1:2

Batsaar ni nji! Tsi unoor wi nda ciina wi ba këciina, nda moban wul ni ulílan un kës wi;

UPIBAN 2:3

M tambandar a m miira, undo katim nji, a m wëtats pëtambandar.