2 KORINTU 12:1 - KARÚK-PËRIM KAWALU Nouveau Testament

¹ Afiera nji pëbëndan been nji, ŋal bi pa kaats bi bëkat. Maa, mán ñakanaan uleka buwinal bi Ajug wëlin bi, ni ngëko ngi na pibanin ngi.

2 KORINTU 12:1 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 16:7

Maa mán leents ind ucär: Ko un pe wi pëkat pa ind, aci nji pëtsëp; par uci n tsëpats, natsënk di ka bi tsi ind. Maa uci n tsëp, kee wëtani ind nul.

KAKÚRAN-KAWAR YEESU KRISTU BI JOŊ LEENŢ BI KUL AJA 18:14

Nul Kayafas ci-un nan doi ja Bajudeu, awara ñaan naloole pëcätsar bañaan.

NGËRO 18:9

Bëlon bërëm, a Ajug ja Pol tsi bëwinal: “Cats lal; maa ñakani, cats yëŋandar.

NGËRO 23:11

Tsi bërëm ban neki bi, Ajug pibandar tsi bërun Pol a na ja: “Liincandari! Par, bi m leents bunk uleka nji di Jerusalem, unk di m ka run pëleents buts uleka nji di Rooma.”

1 KORINTU 10:23

Ngëko bëlieng aniirana përolaa, maa cits ngëko bëlieng wara ngun përola; ngëko bëlieng aniirana përolaa, maa cits ngëko bëlieng ka ngun bëkat.

1 KORINTU 14:6

Maa inkri, batsaar ni nji, uci n bi di ind a ndu n ñakan mleents ngëtsooŋ, buom bëkat bi n du n kaar ind bun, uci ñakanaanats ind tsi upiban, oo tsi ume, oo tsi pëleents u meaatsa wi, oo tsi bëjukan?

1 KORINTU 6:12

Man niirana përo ngëko bëlieng, maa cits ngëko bëlieng wara ngun përola. Man niirana përo ngëko bëlieng, maa in di ka n wët nin uloole tsi ngul u yëlanin.

2 KORINTU 12:11

Man duka n ci nafuur, maa ind tsuin bukun pëci ank. Ind ro bukun ka pëbëndanin, par ŋal bi n cits bi ko, in kaats ko wi n peena wi pëci naties tsi ba n jaka bukunk bapostolu bawiak mak.

2 KORINTU 12:5

tsi uleka ñaan namënts un, man yëlan pëbëndan been nji; maa tsi uleka nji, man bëndanaan been nji tsi bërafal nji baŋ.

2 KORINTU 12:7

A nji përits cum ni pëbëndan been nji tsi undo ngëko ngëwar mak ngi Nasien-batsi pibanin ngi, a n tsuaa kayu tsi uyamats nji; ulon uwaanju Useetaani atsua pëwaŋin tsi kambakats, pa nji përits bëndan been nji.

2 KORINTU 12:9

maa, nul na jain: “Bëtseend nji aliingu, par pëyëlan nji ka pibandaraan tsi bërafalu.” Unk, mán pe puu pëbëndan been nji tsi bërafal nji, pa pëyëlan Këristu pëci tsi nji.

2 KORINTU 8:10

A tsi uleka ko wan, wi ci wun uwejats nji wi n du n wël wi, par ko wan awara pa ind, cits bi nda cakës bi përo ko wan; maa bi nda ka bi uŋal tsi ko wan, ki baneki.

GALAASIA 1:12

par nji yankënats wul di ñaan, nin nalon ñaan jukanatsin wul; maa, aci Yeesu Këristu pibanin un wul.

GALAASIA 2:2

Man kata n tsëp, undo upiban wi pibana wi. A n piban bukul Upetsan-uwar wi ja wi doon koo leents ban cits biki Bajudeu, a n peena ban tsua bukunk pëci bawiak, pa pëtuk nji përits ci pan kaats pi bëkat.

EFEESU 3:3

par aci Nasien-batsi tsuin un pëme undoots wi mea, bi ndo bi picandar ind ba irim in kës yi ko.

1 TESALONIKA 4:15

Ko wi, wi wund kë ja ind wun tsi përim Ajug: Ban cäts biki, ngë ri ka yër bukul bërun, njabayësal, n ja ban duka biki te ubiri Ajug.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.