2 KORINTU 11:6 - KARÚK-PËRIM KAWALU Nouveau Testament

⁶ Ŋal bi n cits bi nayël uñakan, in cits wël tsi ume; tsi ucär, wund apiban ind ngëmënts ngun tsi ko un jënts wi, tsi ngëko bëlieng.

2 KORINTU 11:6 ပူးပေါင်းရင်းမြစ်များ

1 KORINTU 1:17

Par, Këristu yëlatsiin pii ru mijan, maa puu leents Upetsan-uwar; te cits tsi përim kameko, pa përits tsu kruus Këristu ka rits ci ko.

1 KORINTU 1:21

Par, Nasien-batsi tsi kamekoul, tsuuts umundu u meul tsi kamekoul bërierul; maa ba uwak biki, abueranaan bukul bëfuur kaleents-përim.

1 KORINTU 12:8

Par Uwejats, ka wël nalon përim kameko; Uwejats uloole umënts wun ka wël nacints përim ume;

1 KORINTU 2:13

Ngëmënts ngi buts, wund añakanaan uleka ngul; cits tsi irim bëjukan kameko ñaan-najin, maa i bëjukan Uwejats. Wund kë leents ngëko ngëcär ngi Uwejats, pa biki Uwejats.

2 KORINTU 10:10

Par bë ja: “Ngëletarul a tsij pëyëlan ni uyëlan; maa uwal wi na ci wi ni nja di ka ka uyëlan nin përimul kaats bëkat.”

2 KORINTU 12:12

Ngëpibanaani pëci Napostolu arolaa tsi pëncuaf ind, umiira tsi mteenamana man ci mi ba këci, tsi ngëpibanaani tsi ngëko ngan pikra n ngi, ni tsi pëyëlan.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

2 KORINTU 5:11

A tsi inkri, wund ame ko un ci wi pëlënk Nasien-batsi, wund ka tsas pëbaar pëtsu bañaan ba fiaar; Nasien-batsi ame wund, a nji a n fiaar, ind tsi ngëwejats ind nda me wund buts.

2 KORINTU 6:6

ni tsi bëjëntsal, ni tsi kameko, ni tsi umiira, ni tsi kawara-ngëwaas, ni tsi Uwejats-ujënts, ni tsi bëŋal ban kaats bi kanguungu,

2 KORINTU 7:2

Nda waants wund ngëwaas ind; kaats ñaan ni wund roi ko u waraatsa wi, wund cokats ngi ñaan, wund niamëlanats ñaan tsi koul.

EFEESU 3:4

Ulayir ind yul, ndë yëlan pëme uwar balipal nji, tsi wi Këristu undoots wi mea.