2 KORINTU 11:3 - KARÚK-PËRIM KAWALU Nouveau Testament

³ Maa, man lënkar ngëwejats ind përits coka, ndë pën ka lawan kafac-uwaas kan ci ki tsi Këristu; bi uko-pëtsats fal bunk Eewa ni maniamëlan.

2 KORINTU 11:3 ပူးပေါင်းရင်းမြစ်များ

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

KAKÚRAN-KAWAR YEESU KRISTU BI JOŊ LEENŢ BI KUL AJA 8:44

Ind, Ujabël ci wun asin ind, a nda ŋal përo ngi asin ind ŋal ngi. Wul, aci ufiŋ bañaan ki ujuundi. Aja u roon di ka baar tsi ucär, par ucär cits tsi wul. Aja uu tsup, u leents ko un ci wi wíic wul, par wul aci utsup, a u ciind usín bëtsup.

ROOMA 12:8

uci pa puu liinc-liincan ngëwaas bañaan, na liinc-liincani ngëwaas bañaan; uci pa puu tsënk, na tsëkan ni uwaas un fac wi; uci pa puu mandaar, na mandaari ni uŋal; uci pa puu yëkar bañaan ipës, na roan ank ni ulílan.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 11:20

Ind, nda niiran ind pëtsua baluek, ind puu rea, ind puu caana ngëko, ind puu riangara icak, ind puu waŋaa iñan di imbakats.

2 KORINTU 11:29

Yën ci-un nan dafi, a nji n dafac? Yën ci-un na yëri, ni uwaas nji ditsi ka yëkarul?

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

GALAASIA 1:6

Man pikra bi nda car bink awëtan nandui indi tsi bëtseend Këristu, a nda butar ulon Upetsan-uwar.

GALAASIA 2:4

Ko wan aci undo balon batsup ban ja biki bu tsaar ni inja, a ba niaji tsi pëncuaf inja, pa pëjuunkats pëfac pi ngë ka pi tsi Këristu Yeesu, bu ka kakani njatsi pëluek.

GALAASIA 3:1

Cay bañaan Galaasia bafuur! Yën fäl ind un? Ind ban pibana biki tsi këkës ind bi Yeesu Këristu rieŋa bi di kruus.

GALAASIA 4:11

Man lënkar uleemp wi leemp wi tsi ind përits ka bëkat.

EFEESU 4:14

Unk ngë katse ka ci upäts uluunt biki ngëmaroŋ kë bats-batsan biki, biki ufuts bëjukan bucumal kë tsëpand biki; bu kë niam tsi kafal bañaan-bajin.

EFEESU 4:22

bi nda ka bi pëwëtan ñaan najon tsi bëci ind ban par bi, bi kan cok bi tsi karí-ko manfalar.

EFEESU 6:24

Bëtseend ba ciin tsi ban ŋal biki bëlieng Yeesu Këristu Ajug nja tsi bëŋal ban dits bi ka niaman.

KOLOS 2:18

Ñaan nan ci tsi puu lílan tsi kawelan-been kan cits ki kacär, ni tsi puu jintëla ngëwaanju, ind tsë wëtul na lacan ind tsi pëkamandër bëluk. Ñaan pi namënts un, atsu ibats tsi ngëko buwinal; bëlipalul aci bi ñaan-najin, a u tsuul tsi mguukandër mjënts.

KOLOS 2:4

Ma n ja ko wan, pa ñaan tsë fal ind ni irim ilílal.

KOLOS 2:8

Nda katan ibats pa ñaan tsë mob ind tsi pëgungan bëŋal-kameko, bul ban ci bi manfalar mjënts, ban pënë-ni bi tsi undimaan bañaan-bajin ni tsi ngëko umundu, maa pënënatsi tsi Këristu.

1 TESALONIKA 3:5

Wul ka wun, bi katse bi yëlan pëmiira, a n yëli Timoteu pa pëme uleka uwak ind. Man lënkar pëjaa Nateen-teenan a bi teen-teenan ind, a mcibi wund ka ruka ci man kaats mi bëkat.

1 TIMOTEU 1:3

Bi ndu n pën bi pëtsëp Masedoonia a njau, rukaan tsi Efeesu, pa kë tsu bajukan bëjukan ban cits bi bucär ba tsañan pëjukan bul;

1 TIMOTEU 2:14

a te cits Adam raaca un tsi kafal, maa aci ŋaats raaca un tsi kafal a na ro ko wi ulua Nasien-batsi pok wi.

2 TIMOTEU 3:13

A bajuats-ngëwaas ni bafal-bañaan, ngi bu kë ro ngi koo peelar pëci ngëjuatsal; bu kë fal bañaan, bu kë falaa buts.

TIITU 1:10

Par bacumal, bë ci barika-ro ko un jaka wi, bañakan ngëñakan ngan kaats ngi bëkat, bafäl-bañaan, apeena tsi biki kawela-kambac.

BAYEBËREU 13:9

Ind tsë wët ngëkoraar bëjukan ba meaatsa bi, bul pëpënand ind pëtsëp. Par awara u roon, bëtseend kë wël uwaas uyëlan; cits ngëre ka wël ngun, ngul kaats bëkat pa bamob tsi ngul.

2 PER 3:17

Bi u ci bank, bamiñ ba ŋala biki, bi nda car bink ame ngëko ngëmënts ngi, nda rukan ibats; ind tsë wët bameets-ngëtsua, ba tsëpand ind di mtsopi bukul, a ndii yër tsi uwak ind wi nda natsëna wi.

2 PER 3:3

Ucak ko, nda ka pëme ne, tsi ngënu ngëtuami, bariat-ko ka cili bu kë yandaar tsi karí-ko bukul bërier bukul,

1 JOŊ 2:18

Upats uties, aci ba uler utuami; bi nda te bi u jaka nanatsara-këristu ka bi, inkri banatsara-këstu bacumal apëni ba. Wul ka wun ngë me u ci ba uler utuami.

1 JOŊ 4:1

Bamiñ ba ŋala biki, ind tsë wak uwejats un ci wi-ba këci; maa nda teenamani ngëwejats, ne aci ank ngi Nasien-batsi; par bayëlia batsup bacumal agara jëk umundu.

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.

UPIBAN 12:15

Din a uko-pëtsats umënts wun gac mlik pi kabulaŋ, përuakan ŋaats namënts un, pa mlik ka rakul man tsëpand.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 20:2

A u mob Uncababaan, wul uko-pëtsats ujon, un ci wi Ujabël ni Useetaani, a u tanar wul ngëwaanu umiil (1.000).