2 KORINTU 11:23 - KARÚK-PËRIM KAWALU Nouveau Testament

²³ Mán ñakan pi in kaats uwejats. Bu ci baleempar Këristu-a? Nji man pe bukul! Tsi uleemp u ñats wi, man pe bukul! Tsi përica, man pe bukul! Tsi këlumbanj ki n lumbanjaa ki, jaakaats! Tsi pëjuatsan te a ndu n tsas pëcäts, ngëyaas ngëcumal!

2 KORINTU 11:23 ပူးပေါင်းရင်းမြစ်များ

NGËRO 14:19

Maa, Bajudeu ban pëni biki Antiookia ni Ikooniu baandi ee sualan indënd bañaan, a ba tap Pol ni ilaak, ba puularul utsand përaasa, bë ja ne a cäts.

NGËRO 20:23

Maa man me, tsi kara përaasa, Uwejats-ujënts acar aleentsin mkorente ni pëtsua tsi unoor-uwiak kë lipindul.

NGËRO 21:11

Na bi di wund, a na jej katël Pol atanar itsiim ni iñan, a na ja: “Iink di Uwejats-ujënts ja run: ‘Niints nan kai katël ki, unk di Bajudeu kë tanul run di Jerusalem bu ka gutsul tsi iñan ban cits biki Bajudeu.’”

NGËRO 25:14

Bi ba ro bi ngënu ngëcumal rul, a Festu leents nasien uleka Pol, aja: “Aka tsi nalon niints ni Felikës ruki di ukalabus;

NGËRO 27:1

Bi u baaraana bi wund pëgija pëtsëp Itaalia, a ba wël Pol ni balon barica, tsi iñan nalon kapëton basondaari, ni ka n jakee Juuliu, abofëna di kampañ basondaari nasien nawiak.

NGËRO 28:16

Bi wund band bi Rooma, a Pol niiranaa pëpats tsi nu ciina tsi, ni nasondaari ni ka waayuli.

NGËRO 28:30

A Pol ci rul ngëwaanu ngëtëb ngëpëban, di kato ki na ciina ki a nuu luk bërierul; a nuu welan babi pëwinul bëlieng.

NGËRO 9:16

Mán pibanul bi na ka bi pënoor, undo katim nji.”

ROOMA 8:36

Bi u picana bi aja: “Undou ka wun wund tsua tsi pëcäts unu upëban, a wund tsuaa pi ngënkanel di tsëfiŋëni.”

1 KORINTU 15:10

Maa tsi bëtseend Nasien-batsi, man ci ko wi n ci wi. A bëtseendul bi wëla bi, cits ko un kaats wi bëkat, maa man leemp a n pean bukul bëlieng, maa cits nji; aci bëtseend Nasien-batsi ka leemp bun ni nji.

1 KORINTU 3:5

Bi u ci bank, yën ci-un Apolos? A yën ci-un Pol? Baleemp ban tsiji ind biki tsi uwak; bu ro ank bi Ajug wël bi kara ñaan na ro.

1 KORINTU 4:1

Unk, bañaan aka pëtsu nja pëci baleemp Këristu, ni pëci ban gaangana biki ngi Nasien-batsi ngandoots ngi meaa.

1 KORINTU 4:11

Te inkri, wund awama ka rea ubon ni ulof përaan; wund ranj iŋi bëtiem, a wund kobaa ngësuk, a wund kaats tsëko tsë ci.

1 KORINTU 4:9

Par pa nji, anaam ne Nasien-batsi atsu wund pëci bapostolu tsi pëlas pëtuami, pi wund aci ba lacandara biki pëcäts; par wund aruka ci ujiaraani pa umundu, pa ngëwaanju, ni pa bañaan-bajin.

2 KORINTU 10:7

Nduu teena ngëko tsi bënaamar ngul a? Uci ñaan watsar aja aci ni Këristu, na wejatsi bërierul kak, në me bi na ci bunk ni Këristu, wund buts wund aci biki Këristu.

2 KORINTU 11:5

Par man wejats a nja, kaats ko wi n peena wi pëtiesëts tsi bapostolu ban pats bakank.

2 KORINTU 3:6

Nul ci-un na wël wundi pëyëlan pëci baleemp tsi Karo-pëloole kawalu. Cits tsi upic, maa tsi Uwejats; par upic ka fiŋ, maa Uwejats ka wël wun ubiira.

2 KORINTU 4:11

A nja ba wama biki ka yafënts, nja ka tsua tsi pëcäts ngënu bëlieng tsi undo Yeesu; pa ubiira Yeesu pëpibanaa buts tsi ngëliaf nja ngan cats ngi.

2 KORINTU 6:9

pi wund aci ba meaatsa biki, maa wund ci aatsum ba mea biki; wund ci pi wund a cäts, a wund ka yafënts bikink; wund tsua tsi unoor, a wund fiŋaatsa;

GALAASIA 6:17

Pa pëtuamës, ñaan tsë cokin uwaas; par man tsij ngëlu Yeesu tsi uliaf nji.

EFEESU 3:1

Wul ka wun, nji Pol, nan ci narica tsi Yeesu Këristu pa ind ban cits biki Bajudeu,

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

EFEESU 6:20

wi n ci wi naciir wul tsi përica; pa tsi wul, nji pëyeents pëñakan bi n ka bi pëñakan.

FILIIPUS 1:13

Par, tsi bagaarir kato-pësien bëlieng, ni tsi bañaan ban duka bukunk bëlieng, awinaa u ci-undo Këristu ka wun n tanaa mkorente.

FILIIPUS 2:17

Maa, ŋal ank ka ka pëwël ubiira nji u ci bëjakan ni bëtseend uleemp uwak ind, man lílan, a ndu n juc ni ulílan ni ind bëlieng.

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

KOLOS 1:29

Wul ka wun n ci tsi uleemp uñatsal, a ndu n kamanaan uyëlan Këristu, wi ka leemp wi ni pëyëlan tsi nji.

1 TESALONIKA 3:2

A wund yëli Timoteu, nul natsaar ni njaa na ci naleemp ni Nasien-batsi tsi pëleents Upetsan-uwar Këristu. Wund ayëliul pa pëliincan ind, ni pëliinc-liincan ind ngëwaas tsi uwak ind,

1 TIMOTEU 4:6

Uci m jukan ngul batsaar ni wi tsi Këristu, kë ci naleempar Këristu Yeesu, naleemp nawar na mobi tsi puu rialaan irim uwak, ni yi bëjukan buwar bi m fets bi uwar.

2 TIMOTEU 1:16

Ajug na yëkari bañaan kato Onesiforu ipës. Par, arëmb puu juabutsanin uwaas, a te kawaraatsa bi n dica bink;

2 TIMOTEU 1:8

Bi u ci bank, cats kawa puu leents ko wi m ciina wi tsi uleka Ajug; a te cats kawa tsi uleka nji, bi n dica bink, undoul. Maa, nooran ni nji pa Upetsan-uwar, tsi puu sëtsaraan pëyëlan Nasien-batsi,

2 TIMOTEU 2:9

a n ci tsi unoor undo wul, aa n tsënkëne n tanaa mkorente, pi naro-ngëko-kawaraatsa. Maa përim Nasien-batsi tanaatsa.

2 TIMOTEU 3:11

pënoorana pi n noorana pi, unoor wi n noor wi; uwom unoor wi n noorats wun di Antiookia, di Ikooniu, di Listëra? Pënoor-noorana pëwom pi n miiraatsa pun-i? Maa a Ajug bueranin tsi ngul bëlieng.

FILEMON 1:9

nji man ñaanu këñaan, tsi undo bëŋal. Nji Pol, bi n ci bink natsafal, a n ciind inkri narica, undo Këristu Yeesu,

BAYEBËREU 10:34

Par, unoor barica are ind; a te nda niiran ni ulílan pëcaa ngëko ind, par nda me nda ka bërier ind bëka ban pe bi pëci bëwar, a buu jon.