2 KORINTU 11:13 - KARÚK-PËRIM KAWALU Nouveau Testament

¹³ Bamënts bakan bë ci bapostolu batsup, baleemp baniamëlan ba witsësar biki bërier bukul anaam bapostolu Këristu.

2 KORINTU 11:13 ပူးပေါင်းရင်းမြစ်များ

MATEU 25:24

A nando unk yank pëtaleentu pëloole kikee buts, a na ja: ‘Ajug! Ma me m ci ñaan na liinci tsi ko unjaka wi; m ja m doon kë cët tsi m wayaants tsi, a kë jukëlën tsi m gurats tsi;

NGËRO 15:1

A balon bañaan ban pëni biki Judeeya júŋee Antiookia, a ba kur pëjukan bafets Yeesu koo ja: “Uci nda welaatsa kambac, bi ulua-Moises tsu bi, nda ri ka yëlana pëbuër.”

NGËRO 15:24

Wund ate balon tsi wund, biki wund yëlatsi biki; bë ro bi ee ka nooran ind, a bu kë cok ind ngëwejats, tsi bëwejats bukul.

NGËRO 20:30

Bayënts balon ka natsee tsi pëncuaf ind bërier ind koo leents ngëko pëniam, ngi kan tsu ngi ba uwak biki pëfets bukul.

ROOMA 16:18

par bamënts biki cits tsi pëleempar Këristu Ajug nja maa bë ci tsi pëleempar ipës bukul; a ni irim ilílal ni kafal, bu kë niaman ban kaats biki ko ni ñaan.

2 KORINTU 11:15

Maa cits ko u ñats wi, pa baleemp wul, pëwitsësar ba naam baleemp bëmabal; utuami bukul ka ci pi ngëleemp bukul.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

GALAASIA 1:7

Wul cits ulon Upetsan-uwar, maa, aka balon bañaan ban ci biki tsi pëlënkan ind, a ba ŋal pëcík Upetsan-uwar Këristu.

GALAASIA 2:4

Ko wan aci undo balon batsup ban ja biki bu tsaar ni inja, a ba niaji tsi pëncuaf inja, pa pëjuunkats pëfac pi ngë ka pi tsi Këristu Yeesu, bu ka kakani njatsi pëluek.

GALAASIA 4:17

Bukul, uŋal wi ba ka wi pa ind cits u wara wi; maa bu ŋal pëpënan ind nda lawanin, pa ind puu piban uŋal ind pa bukul.

GALAASIA 6:12

Bañaan bëlieng ban ŋal biki pëpiban ba wara tsi ngëliaf, bukul ci bukun tsi pëforsaar ind pëwelana kambac, pa ind përits noor-noorana tsi undo kruus Këristu rin.

EFEESU 4:14

Unk ngë katse ka ci upäts uluunt biki ngëmaroŋ kë bats-batsan biki, biki ufuts bëjukan bucumal kë tsëpand biki; bu kë niam tsi kafal bañaan-bajin.

FILIIPUS 3:18

Par, bi ndo bunk leents ind ngëyaas ngëcumal, a nji ka n leents ind ink kak ni mŋand, bacumal aci tsi pëyandaar pi bë ci bañaas kruus Këristu.

FILIIPUS 3:2

Nda katan ibats tsi uleka ngëbuus! Nda katan ibats tsi uleka baro-ngëko-kawaraatsa! Nda katan ibats tsi uleka kawela-kambac kan cits ki kacär!

KOLOS 2:4

Ma n ja ko wan, pa ñaan tsë fal ind ni irim ilílal.

KOLOS 2:8

Nda katan ibats pa ñaan tsë mob ind tsi pëgungan bëŋal-kameko, bul ban ci bi manfalar mjënts, ban pënë-ni bi tsi undimaan bañaan-bajin ni tsi ngëko umundu, maa pënënatsi tsi Këristu.

1 JOŊ 2:18

Upats uties, aci ba uler utuami; bi nda te bi u jaka nanatsara-këristu ka bi, inkri banatsara-këstu bacumal apëni ba. Wul ka wun ngë me u ci ba uler utuami.

1 JOŊ 4:1

Bamiñ ba ŋala biki, ind tsë wak uwejats un ci wi-ba këci; maa nda teenamani ngëwejats, ne aci ank ngi Nasien-batsi; par bayëlia batsup bacumal agara jëk umundu.

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.

UPIBAN 19:20

A unjar umënts wun moba, wul ni nayëlia natsup nun, nandon unk ka ro ngëpibanaani tsi bërun wul, ngi na falëna ngi ba yank bukunk umarëka unjar, a bu kë jintëla bënaam wul. Ngul ngëtëb ngun agutsa ngëyësal di pëwal bërua tsi ucof kë yëk tsi.

UPIBAN 2:2

‘Ma me ngi m ja ngi m doon kuu ro, man me uleempu ni mtambandaru; a me m yëlaants pëmiira baro-ngëjuatsal. M teenaman ba nja biki bërier bukul bë ci bapostolu te bë cits, a m win ba ci batsup.

UPIBAN 2:20

Maa, mán leentsaru tsi uleka ko wi: M wët ŋaats ni ka n jaka unk Jesabel, nul na njai bërierul aci nayëlia, a nuu jukan baleemp nji koo fal bukul a bu kë ro ngëko katuk-ufuts, a bu kë re nga n jakana ngi tsi icap.

UPIBAN 2:9

‘Ma me unooru, ni bëranju, — maa m ci koon narëmb, — a me uñakan uwutsëtsuel ba nja biki bërier bukul bë ci Bajudeu, te bë cits, maa bë ci kato-kajúki Useetaani.