2 KORINTU 10:18 - KARÚK-PËRIM KAWALU Nouveau Testament

¹⁸ Par cits ni kan dëmbandari bërierul ka niirana un, maa ni Nasien-batsi dëmbani.

2 KORINTU 10:18 ပူးပေါင်းရင်းမြစ်များ

LÚKAS 16:15

A Yeesu ja bukul: “Ind, nda ci ban ja bukunk ba roon bu kë tsu iyeen bukul pëci bamabal, tsi bërun bañaan-bajin; maa Nasien-batsi ame ngëwaas ind. Par, ko un dëmbanaa wi tsi bërun bañaan-bajin, añutsan tsi bërun Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 12:43

Par bë ŋal përëmb bañaan-bajin, apean përëmb Nasien-batsi.

NGËRO 2:22

Bayënts Israel, nda cikëndëni irim yi! Yeesu Kanpënë-ni-nasaret, niints ni Nasien-batsi niirani tsi bërun ind, tsi undo bawitsa, tsi ngëko ngan pikran ngi, ni ngëpibanaani ngi Nasien-batsi roona ngi tsi nul tsi pëncuaf ind, ind bërier nda me;

ROOMA 14:18

Nan ci tsi pëleempar Këristu a nuu ro unk, Nasien-batsi ka lílandërul, bañaan-bajin ka niiranul.

ROOMA 16:10

Nda leendarin Apeles, nul nan pibani na wak tsi Këristu. Nda leendarin bañaan kato Aristoobulus.

ROOMA 2:29

maa Najudeu, aci nan ci-unk Najudeu di bametsuul, a kawela-kambac ci ki uwaas, kan pënë-ni ki tsi Uwejats; cits tsi bëpic. Namënts nun, cits bañaan-bajin ka rëmbanul bukun maa aci Nasien-batsi.

1 KORINTU 11:19

Te mantotëlër aka pëci tsi pëncuaf ind, pa u meaa ban ci biki tsi ucär, tsi pëncuaf.

1 KORINTU 4:5

Bi u ci bank, ind tsë wat pëleents te uwal netse band, aa Ajug ka tsënkëna ka baandi; ngëko nga beka ngi, ngi karëm, nul ka pënani un ngul tsi pënak ndakaŋ, në piban buts ngëtsaag ngan ci ngi di ngëwaas bañaan. Din, kara ñaan, Nasien-batsi ka bëndanul bi na ka bi pëbëndana.

2 KORINTU 10:12

Par wund yeentsats pëniib iyeen wund, oo pëliingan yul ni balon biki kan bëndan biki iyeen bukul bërier bukul. Maa bukul, bu fuur, a bu kë niib iyeen bukul bërier bukul, bu kë naaman yul tsi kaniibi bukul.

2 KORINTU 13:7

Wul ka wun, wund aci tsi pëñaan Nasien-batsi pa ind tsë ro ulon ko u waraatsa wi; maa pa ind përo uwar, ŋal bi u naam bi wund ayër. Cits pëjaa wund aci ban par biki tsi pëteenamana,

2 KORINTU 3:1

Ane wund ka kur kak pëpiban ind ko wi wund ci wi bërier wund-a? Oo, ane wund afier pëpiban ind ngëletar ngi kan piban ngi ko wi wund ci wi, oo ngi kan pëni ngi di ind, pi balon fier pi-a?

2 KORINTU 5:12

Wund rutse ka leents ind bëci wund bërier wund, maa, wund ka wët ind ndë bundanaa tsi uleka wund; pa ind pëyëlan pëyankës biki kan tsas biki pëbëndana tsi uwinaraa bukul, a cits tsi ngëwaas.

2 KORINTU 6:4

A tsi ngëko ngi wund kë par-na ngi bëlieng, wund ka piban bërier wund, wund ci baleemp Nasien-batsi tsi pëliincandër, ni tsi pëjuatsan, ni tsi unoor,

2 TIMOTEU 2:15

Támbandari kë nats tsi bërun Nasien-batsi pi ñaan na lílandëree, pi naleemp nandootsi ko wi kan tsuul wi mkaw, a nuu jukan uwar përim ucär.

1 PER 1:7

Mteenamana mmënts mi apiban uwak ind ka bëkat, pa wul pëtsënkan ubundan, ni përëmb, ni urispiitu, upibandari Yeesu Këristu. A wul uwak ind ape mak uwëru uni coka wi pëka bëkat, ŋal bi uwëru teenamana bi di bërua.