2 KORINTU 1:8 - KARÚK-PËRIM KAWALU Nouveau Testament

⁸ Batsaar ni wund, wund ŋalats pëwët ind tsi kameets unoor un baandë-ni wund wi di Aasia; pëyunts pan pe wund pi uyëlan, a wund katse watsar pëka ubiira.

2 KORINTU 1:8 ပူးပေါင်းရင်းမြစ်များ

NGËRO 16:6

A Pol ni Silas yaana Friijia ni pëboos Galaasia, par Uwejats-ujënts apok bukul pëleents përim di Aasia.

NGËRO 19:41

Bi na ja wi ko wan, na gar bëjúk.

NGËRO 2:9

Nja ban pënë-ni biki Partos, Medos, Elamit, ni ban tsoar biki di Mesopotaamia, ni Judeeya, ni Kapadoosia, ni Pontus, ni Aasia,

ROOMA 1:13

Batsaar ni nji, in ŋalats ind pëmeets ne, ngëyaas ngëcumal ngi n yecis ngi pëbi di ind, pii ka buts këlon këbuk tsi ind, bi n ka bi buts tsi ban cits biki Bajudeu; maa te inkri a n laaŋa.

1 KORINTU 15:32

Uci u ci tsi buwin bañaan-bajin ka wun n kaman ngë n jar di Efeesu, we wi umënts wun kaarin wun bëkat? Uci bacäts di ka natsee di pëcäts, “mat nja kë riala, nja kë raan, par faan nja ka cäts.”

1 KORINTU 16:9

par pëlëman pëwiak, pëwar, awaantsarain pa uleemp, maa a u ka babër bacumal.

1 KORINTU 4:8

Nda suets ba! Nda ruka ci barëmb! Nda ci ba basien, maa wund, nin a! Mando ŋal ind pëci basien bacar, pa wund pëyëlan pësien ni ind tsëloole.

2 KORINTU 1:9

Maa tsi wund bërier wund, wund ate, wund ruka tsuura pëcäts; a wund katse watsaraan iyeen wund bërier wund, maa wund watsaraan Nasien-batsi ni ka natsanii bacäts.

2 KORINTU 6:9

pi wund aci ba meaatsa biki, maa wund ci aatsum ba mea biki; wund ci pi wund a cäts, a wund ka yafënts bikink; wund tsua tsi unoor, a wund fiŋaatsa;