2 KORINTU 1:12 - KARÚK-PËRIM KAWALU Nouveau Testament

¹² Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 1:12 ပူးပေါင်းရင်းမြစ်များ

NGËRO 23:1

A Pol kaŋan Bëjúk bawat-pëleents bawiak këkës, a na ja: “Batsaar ni nji bayënts, man yandaar tsi bërun Ajug ni uwejats uwar un ci wi-ba këci, te unu untsari.”

NGËRO 24:16

Wul ka wun, a n do buts uyëlan pa pëwëtaants pëtsij uwejats utsëkal tsi bërun Nasien-batsi, ni tsi bërun bañaan-bajin.

ROOMA 9:1

Mán leents ucär tsi Këristu, in di ka n tsup. tsi Uwejats-ujënts, uwejats nji bërierin aleents ko wi n ci wi, aja:

1 KORINTU 1:17

Par, Këristu yëlatsiin pii ru mijan, maa puu leents Upetsan-uwar; te cits tsi përim kameko, pa përits tsu kruus Këristu ka rits ci ko.

1 KORINTU 12:8

Par Uwejats, ka wël nalon përim kameko; Uwejats uloole umënts wun ka wël nacints përim ume;

1 KORINTU 15:10

Maa tsi bëtseend Nasien-batsi, man ci ko wi n ci wi. A bëtseendul bi wëla bi, cits ko un kaats wi bëkat, maa man leemp a n pean bukul bëlieng, maa cits nji; aci bëtseend Nasien-batsi ka leemp bun ni nji.

1 KORINTU 2:13

Ngëmënts ngi buts, wund añakanaan uleka ngul; cits tsi irim bëjukan kameko ñaan-najin, maa i bëjukan Uwejats. Wund kë leents ngëko ngëcär ngi Uwejats, pa biki Uwejats.

1 KORINTU 4:4

Uwejats nji pibanatsin ne man lac, maa cits pëjaa nji n kaats ulaci; par ni ka watini pëleents, aci Ajug.

1 KORINTU 5:8

Wul ka wun, cits bëko-bëlëtsatsaani bëjon bi nja kë roona bun ufesta, nin cits bëko-bëlëtsatsaani kawaraatsa ni bi bëjuats; maa nja ka ro ufesta ni upom un tsijats wi bëko-bëlëtsatsaani; un pënë-ni wi tsi bëmabal ni tsi ucär.

2 KORINTU 1:17

Bi n baar bi uwejats umënts wan, man dafan kërafan wël-a? Oo uwejats nji, aci buwejats ñaan-najin tsuin bun pëja: Eey-e, ka jaand an-a?

2 KORINTU 11:3

Maa, man lënkar ngëwejats ind përits coka, ndë pën ka lawan kafac-uwaas kan ci ki tsi Këristu; bi uko-pëtsats fal bunk Eewa ni maniamëlan.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

2 KORINTU 8:8

Cits utsua wi n tsu ind wun, maa pëpiban ind uŋal balon; bëŋal ind ka teenëmana ne aci bëcär.

GALAASIA 6:4

Maa kara ñaan në teen ko wi na ro wi, a nuu ba, në rëmbandëraan tsi nul rin, te na rits teen wi acints.

EFEESU 6:14

Wul ka wun, nda natsan uwar ndë tsij ucär pi katël tsi bëlank, nda waan kakundi bëjinc ki bëmabal;

FILIIPUS 1:10

ndë yëlan pëyëkëran ngan pe ngi pëyuk, ndë ci bajëntsal, nda rits ka ulaci, te tsi Unu Këristu.

1 TESALONIKA 2:10

Ind nda ci bamaatir, a Nasien-batsi win wund ci ni ko u yëman wi, ni u mab wi, un kaats wi ulaci, tsi pëncuaf ind ba uwak biki.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

TIITU 2:7

Tsi ngëko bëlieng, pibani tsi wi bërieru m ci ñaan ni bañaan kë teenëni tsi karo ngëwar: tsi bëjukan, pibani bëjëntsal, ni urispiitu,

BAYEBËREU 13:18

Nda ñaandëri wund, par wund afiaar koon ume-kabats wund jënts, a uŋal wund ci wund puu ro uwar tsi ngëko bëlieng.

JAKOB 4:6

maa a nuu wël bëtseend ban pe bi përëmb.” Wul ka wun Bëpica n ja: “Nasien-batsi anatsara bape-iyeen bukul, maa a nuu wël bëtseend pa batienkëtsan iyeen bukul.”

1 PER 3:16

Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.

1 PER 3:21

A mlik mmënts mi ci mun ulimënts bëmijan ban bueran ind bink inkri, cits pa pëjëntsan mtsopi ngëliaf, maa pëjaankëma Nasien-batsi ni utsaag uwar tsi undo bi Yeesu natsee bi di pëcäts.