2 JOŊ 1:9 - KARÚK-PËRIM KAWALU Nouveau Testament

⁹ Ñaan nan tsëpi ba këtsëp alawan mak, na mobatsi tsi bëjukan Këristu, kaats Nasien-batsi; maa na mobi tsi bëjukan bëmënts bi, namëntsi aka Asin na kaand Abuk.

2 JOŊ 1:9 ပူးပေါင်းရင်းမြစ်များ

MATEU 11:27

Asin nji awëlin ngëko bëlieng. A ñaan meets Abuk, ucits ba Asin; a ñaan meets Asin, ucits ba Abuk, ni biki Abuk ŋal biki pëpiban bukul nul.

LÚKAS 10:22

Asin nji awëlin ngëko bëlieng. Ñaan meets ni Abuk ci, ucits ba Asin. A ñaan meets ni Asin ci, ucits ba Abuk, ni biki Abuk ŋal biki pëpiban bukul nul.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:6

A Yeesu jaul: “Nji n ci-un bëga, ni ucär, ni ubiira; kaats ñaan ni kan bii tsi Asin nji, uci na biinatsi tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 15:6

Na mobatsi tsi pëci tsi nji, agutsara utsand pi kana, a na kay; ina ka contsaa, i gutsa di bërua, i yëk.

KAKÚRAN-KAWAR YEESU KRISTU BI JOŊ LEENŢ BI KUL AJA 5:23

pa bañaan bëlieng përëmban Abuk bi ba rëmban bi Asin.

KAKÚRAN-KAWAR YEESU KRISTU BI JOŊ LEENŢ BI KUL AJA 8:31

A Yeesu ja Bajudeu ba uwak biki tsi nul: “Uci nda mob tsi përim nji, ndë baaraan pëci bafetsin,

NGËRO 2:42

Bu mob tsi bëjukan bapostolu, ni tsi manteelar, ni tsi katawës upom, ni tsi bëñaan.

KOLOS 3:16

Përim Këristu, ni bëka pul bëlieng, pa ciin tsi ind. Ni kameko bëlieng, nda ciin tsi puu jukan, ni tsi puu tseendar ibats. tsi ngëwaas ind, nda yaan Nasien-batsi iya ubëndan, ni iya-ubaran, ni iya tsi Uwejats-ujënts.

TIITU 2:10

ban dits biki ka jej ko wi ba wëlaatsa wi. Maa ba pibani ba ci ban fiaara biki uwar. Unk, tsi ko un ci wi-ba këci, bu kë piban uwarara bëjukan Nasien-batsi, Nabueran inja.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

BAYEBËREU 6:1

Wul ka wun, nda ju ngë wëtan bëjukan ngëko ngëcäk tsi uleka Këristu, nja ka pënar ngëko këjëŋal. Nja tsë tsu kak ucak-cakan, un ci wi, kayaar-ibats tsi uleka ngi ñaando ngi, ngi kan tsëpandul ngi pëcäts, ni un ci wi uwak tsi Nasien-batsi,

1 JOŊ 1:3

Ko wi wund win wi a wund teend, wul wi wund ci wun tsi pëleents ind buts, pa ind pëbof tsi manteelar ni wund. Te manteelar wund aci ni Asin, ni Yeesu Këristu Abukul.

3 JOŊ 1:9

Man picandëri Ngëriisia ko ulon ko uties; maa Diotrefes ni ka ŋali pëci nacak tsi bukul, welanats wund.