1 TIMOTEU 6:4 - KARÚK-PËRIM KAWALU Nouveau Testament

⁴ ñaan namënts un aci ni mguukandër kuelëtsani, a te meets ko. Yësats koon këyës, par mantotëlër ni mŋom mi na ciina mun. Ci wun ko wi kan tsiji wi karí-ko, pëŋom, ikar, ma njafar ma waraatsa mi,

1 TIMOTEU 6:4 ပူးပေါင်းရင်းမြစ်များ

NGËRO 15:2

A Pol ni Barnabas tsij mantotëlër irim ni bukul, ni pëŋom pëwiak; a Ngëriisia baaraan Pol ni Barnabas, ni balon tsi Ngëriisia, pëtsëp Jerusalem di bapostolu ni bajëŋal, pii ñakanaan undo ko wan.

NGËRO 18:15

maa, uci nduu totëlar tsi undo përim, oo katim, oo tsi ulua ind, ind me bukun. Nji, in ŋalats pëci nawat-pëleents tsi ngëko ngan.”

NGËRO 8:9

A u ka nalon niints ni ka n jakee Simon, ni kan doi uleemp bëpene, a na pikran bañaan Samaaria, na tsu beenul pëci ñaan nawiak;

ROOMA 12:16

Nda ciin baloole tsi nda ci tsi; ind tsuuts rëmbandar, maa nda túkari un ci wunk uties; ind tsë ja tsi iyeen ind nda ci bameko.

ROOMA 13:13

Nda ju ngë yandaar tsi bëmabal, pi ñaan ni ka yandaari tsi pënak ndakaŋ; ind tsë mob tsi buwaamal ni ukuj, nin ind tsë mob tsi mampiintsandar ni karika-kawa, nin ind tsë mob tsi pëŋom ni mankocar.

ROOMA 14:1

Nda niirani nan dafi tsi uwak, ind tsë lacanul tsi ibats i na tsij yi.

ROOMA 2:8

Maa uriab ni ukulëñ ka ci tsi baŋal ngëko bëlieng pëci ngiic bukul, a bu mobats tsi ucär, bu kë fets kamabats.

1 KORINTU 11:16

Maa, uci ñaan ŋal pëtamb ulats, na mean ngë kaats bëro bëmënts ban, nin iriisia Nasien-batsi kaats bul.

1 KORINTU 11:18

Par tsi ucak ko, man leentsa uja nda júk di Ngëriisia, u ka mankicësar tsi pëncuaf ind. Nji bërierin ma wak.

1 KORINTU 3:18

Ñaan tsë fal beenul. Tsi pëncuaf ind, uci nalon ñaan tsu beenul pëci nameko tsi umundu wi, na ciin nafuur, pa na kak na ci nameko.

1 KORINTU 3:3

par nda wama ci pi bañaan umundu. Bi nda wama bink a tsij mankocëlar ni pëŋom tsi pëncuaf ind, pibanats nda wama ci pi bañaan umundu, a nduu yandaar pi bañaan-bajin kë yandaar pi-a?

2 KORINTU 11:20

Ind, nda niiran ind pëtsua baluek, ind puu rea, ind puu caana ngëko, ind puu riangara icak, ind puu waŋaa iñan di imbakats.

GALAASIA 5:15

Maa, uci nduu rumëlar a nduu yoorëlar tsi nda ci tsi, nda rukan ibats pa nda rits baalar.

GALAASIA 5:26

Nja tsuuts rëmbandar, pa puu tsu bañaan ba riabatsar bacints bukul, ni pëja bañaan, bu ka koc bacints bukul.

GALAASIA 6:3

Par, uci ñaan wejats pëja ne aci ulon ko, nul nan citsi ko, aci tsi pëfäl beenul.

FILIIPUS 1:15

Tsi ucär, aci-undo mankocar ni mampícëlër ka wun balon kë leents uleka Këristu, maa aka biki kan do biki umënts wun ni uŋal uwar.

FILIIPUS 2:14

Nda roan ko un ci wi-ba këci, te mŋëmŋëm tsë ci, mantotëlër tsë ci.

FILIIPUS 2:3

Ind tsë ro ko, pa pëpícëlër, nin pa pëpibandar; maa tsi kawelan-been, nan ci na moban bacintsul pi bu peul.

KOLOS 2:18

Ñaan nan ci tsi puu lílan tsi kawelan-been kan cits ki kacär, ni tsi puu jintëla ngëwaanju, ind tsë wëtul na lacan ind tsi pëkamandër bëluk. Ñaan pi namënts un, atsu ibats tsi ngëko buwinal; bëlipalul aci bi ñaan-najin, a u tsuul tsi mguukandër mjënts.

2 TESALONIKA 2:4

nul nakaman na natsaree pëkaman ko wi jaka wi ba këjaka Nasien-batsi, oo wi kan jintëlaana wi; a nuu riang beenul a në tsënkëna ka tsoar bërierul di kato-kayëman Nasien-batsi, në tsu beenul aci Nasien-batsi.

1 TIMOTEU 1:4

kë tsuund bukul ba wëtan itëtan, ni kapini itim bañaan pëbuka kan dits ki ka ba; par ngëmënts ngun di ka tsiji pëleempar Nasien-batsi tsi uwak, maa ka tsiji mantotëlër.

1 TIMOTEU 1:7

Bë ŋal pëci bajukan-ulua Nasien-batsi, maa bë meets ko wi ba ci wi tsi puu ja, ni irim i ba mob yi liincan.

1 TIMOTEU 3:6

Kaats pëci nandu jot pëci nafets Këristu, pa pëlënk pëjaa kee ru gúukandar, u tsuul pëlacana, bi Ujabël lacana bi.

2 TIMOTEU 2:14

Moban tsi puu lesan bukul ngëmënts ngun. Caran leents bukul tsi bërun Nasien-batsi; jaan bukul ba wët mantotëlër tsi irim; mul kaats bëkat, aci mi ka niaman mi biki kan cikëndën biki.

2 TIMOTEU 2:23

Pokan mantotëlër man kaats mi bëkat, mi kalipats, par amea muu tsiji pëŋom.

2 TIMOTEU 3:4

baya ñaan ufets, bacar-uriab, biki mguukandër kuelëtsan biki, baŋal ngëlílal te pë jaa bë ŋal Nasien-batsi;

TIITU 3:9

Maa randan mantotëlër bufuur, ni kapini bañaan tsi pëbuka, ni pëŋom, ni katambulër-ulats tsi uleka ulua-Moises, par di ka roona ko, a kaats bëkat.

JAKOB 1:19

Batsaar ni nji, ind biki n ŋal biki! Nda moban ko wi tsi ibats: Ñaan, në cësara puu cikëndan, në tsëkandar a në rura ñakan, në wët pëcar uriab.

2 PER 2:12

maa bañaan bamënts biki ci pi ngë n jar, ngan dits ngi ka wejats, nga leempara ngi puu moba ni puu fiŋa; bu ka kar ko wi ba meets wi. Bu ka niam buts tsi kawaraatsa bukul.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

JÚDAS 1:10

Maa bañaan bamënts biki, bu ka kar ko wi ba meets wi uwar. A ko wi ba me wi tsi bëci bukul bi kameets-ko pi ngënjär ngan dits ngi ka wejats, ko umënts wun ka cok wun bukul.

JÚDAS 1:16

Bamënts biki ci bakuetar, barika-lílan tsi ngëbiira bukul, bu kë yandaar tsi ngi ngëliaf bukul kë rí ngi, itum bukul kë ja irim upíc; pa bëkat bukul bu kë bëndan bañaan.

UPIBAN 3:17

Par, m ja m doon kuu ja: Man ci narëmb, man ka bëka, nji n fierats ko. Maa m meets këme m juatsan, m jampësan, m danj, m kuelëts, a m tiemaatsa ko.