1 TIMOTEU 6:2 - KARÚK-PËRIM KAWALU Nouveau Testament

² A baluek ban ka biki bawiak ba uwak biki, bukul tsë teenëna bi bawiak bukul ci bi batsaar ni bukul, ba rits tsu bukul ko. Maa bu ka puu pe këpe pëleempar bukul uwar, undo bi bawiak bukul ci bi ba uwak biki, ba ŋala biki a ba ka bëkat tsi uleemp baluek bukul uwar. Jukani ngëmënts ngun, kuu tseend bañaan ibats tsi ngul.

1 TIMOTEU 6:2 ပူးပေါင်းရင်းမြစ်များ

MATEU 23:8

Maa ind, ind tsuuts rua Rabi, naloole rin ci-un Najukan ind, par ind bëlieng nda tsaar këtsaar.

MATEU 25:40

Nasien ka yank bukul ka ja: ‘Mán leents ind ucär: Ko wi nda roor wi ba naloole tsi ban pe bikink pëci baties, tsi ban tsaar biki ni nji, nji ni nda roor un.’

MATEU 6:24

Kaats ñaan nan yëlani pëleempar bawiak batëb. Par, na ro ank ba, në ka ni nu bëri, në ŋal nacints; oo në mob tsi nalon, në be nacints. Nda yëlants pëleempar Nasien-batsi, ndë tankëlaand pëleempar Bëka.

NGËRO 1:15

Tsi ngënu ngëmënts ngun, Per natsa tsi pëncuaf ban tsaar biki ni nul, ban juk biki aci ko pi bañaan useent ni ngëntaaja ngëtëb, a na ja bukul:

ROOMA 11:17

Maa uci ilon ina cëtaa, a wi nan ci buoliwa bëreeŋ, a m kabana tsi pëlas iyul, a m duka m bof tsi ibuul bul ni tsi pëñaak bul,

ROOMA 8:29

Par biki na me biki ki ujuundi, a na car ayecis bukul buts pa ba ci pi bënaam Abukul, nul në ci bajan tsi biki ba tsaar biki bacumal.

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

EFEESU 1:1

Pol, Napostolu Yeesu Këristu tsi uŋal Nasien-batsi, pa bayëman ban ci biki di Efeesu, ba mob biki tsi Yeesu Këristu.

EFEESU 1:15

Wul ka wun, nji buts, uwal wi n te wi bañaan kë ñakanaan uleka uwak ind tsi Yeesu Ajug, ni bëŋal bi nda ka bi pa bayëmanul bëlieng,

EFEESU 3:6

A wul, undoots wi mea ci wun wi: tsi Upetsan-uwar, ban cits biki Bajudeu abof tsi bërukanda bëloole bun, a ba bof tsi uliaf uloole wun, ni uwatsana uloole wun tsi Këristu.

KOLOS 1:2

pa bayëman ban ciina biki Kolos, batsaar ni wund, ban mob biki tsi Këristu. Bëtseend ba wëlaan ind ni pëfac, pëpën-ni tsi Nasien-batsi, Asin nja.

KOLOS 1:4

Par wund ate uleka uwak ind tsi Këristu Yeesu, ni bëŋal bi nda ŋal bi bayëman bëlieng.

KOLOS 4:1

Ind bajug baluek, nda tsijan baluek ind tsi ko u mab wi, a u liing bi u ka bi pëci. Par nda me koon, ind buts nda ka Ajug di batsi.

2 TESALONIKA 1:3

Batsaar ni wund, wund aka pëbaran Nasien-batsi tsi uleka ind, sandëndën; te aci ko u mab wi, par uwak ind aci tsi pë watsësar mak, a bëŋal bi nda ŋalëlar bi kë pelëk këpelëk tsi kara ñaan tsi ind bëlieng.

1 TIMOTEU 4:11

Tsuun bukul ngëmënts ngun, kuu jukan ngul.

1 TIMOTEU 5:1

Cats leentsar natsafal ni irim itambal, maa tseendanul ibats, pi aci asinu. Moban ipaas pi nda tsaar,

TIITU 2:1

Maa wi, jaan ko u mab wi tsi bëjukan bëwar.

TIITU 2:15

Jaan ngëmënts ngun. Tseendan bañaan ibats. Ni ko un tsua wi bëlieng, leentsari ban ka biki pëleentsara. Cäts wët ñaan na beu.

TIITU 3:8

Përim pëmënts pi aci pan waka pi; a ŋal m doon kë mob mak tsi puu leents ngëmënts ngun, pa ba uwak biki tsi Nasien-batsi ka baar ibats tsi puu ro ngëwar. Ngëmënts ngun aci nga wara ngi mak, a nga ka bëkat pa bañaan.

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

1 PER 5:1

Mán liinc-liincan ngëwaas bajëŋal ban ci biki tsi ind, nji nan ci najëŋal pi bukul, a n ci namaatir ngënoor Këristu; a n bofëna tsi përëmb pan ka pi pëpibana.

2 PER 2:10

Unoor umënts wun ka peena ba n ja bukunk ba roon, tsi pëfets uŋal uliaf bukul, bu kë yandaar tsi kari-ngëko ngëtsopal, a bu ri ka tsu pësien ko. Bape-iyeen bukul, baguukandar, bu lënkats pëja ko u waraatsa wi tsi uleka msien man pe mi pëci mwiak.

JÚDAS 1:8

Aci unk buts di bañaan bamënts bukun niam dun tsi buwinal bukul, a ba tsopan ngëliaf bukul; a bu kë be bajug pëboos, bu kë kar ngi Batsi.