1 TIMOTEU 6:12 - KARÚK-PËRIM KAWALU Nouveau Testament

¹² Kamani ukam u wara wi, wi uwak; moban liincan ubiira un dits wi ka ba, wi m duuree wi, a m leents uwar uleka uwaku, tsi bërun bacumal ba maatir biki.

1 TIMOTEU 6:12 ပူးပေါင်းရင်းမြစ်များ

2 KORINTU 6:7

ni tsi përim ucär, ni tsi pëyëlan Nasien-batsi, ni tsi wund pëtsij ikamanaani tsi bëmabal, puu jotëna ukam ni puu waayaraan;

2 KORINTU 9:13

Bu ka pikra tsi bëkat uleemp wi, bacumal ka bundan Nasien-batsi tsi bi nda niiran bi pëpiban ko wi nda ci wi undo Upetsan-uwar Këristu; ni bi ndu wël bi ni ngëwaas ngan fac ngi, tsi bi ndu faar bi ngëko ni bukul ni bañaan bëlieng.

FILIIPUS 1:30

Nduu kaman ukam uloole wun, wi nda win wunk n kaman, a inkri a nda te n wama n ci tsi pëkama wul.

KOLOS 3:15

Pëfac pan ci pi pi Këristu, pa ciin pan tsijëna pi ngëwaas ind, undo nda ruee tsi pul pa pëci uliaf uloole baŋ. Nda ciin babaran.

1 TESALONIKA 2:12

A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

2 TESALONIKA 2:14

Undo ko umënts wun, a na ruuni ind Upetsan-uwar wund, ind pëbof tsi përëmb Ajug nja Yeesu Këristu.

1 TIMOTEU 1:18

Timoteu, napäts nji! Përim pi n du n tsuu pi pëmob, bi u jaka bi tsi irim in car yi aleentsa tsi ulekau, aci wi pëkaman ukam u wara wi, bi irim imënts ja bi;

1 TIMOTEU 1:19

kë moband tsi uwak, ni tsi uwejats un fac wi. Uwejats umënts wun, balon awëtan wul, din a ba niaman uwak.

1 TIMOTEU 4:14

Cats tienkëtsan bëtseend ban ci bi tsi wi, ba wëlau bi, bi përim bayëlia leentsa bi, a bëjúk ban tsua biki bajëŋal pafu iñan.

1 TIMOTEU 6:13

Tsi bërun Nasien-batsi, nawël ngëko bëlieng uyafënts, ni tsi bërun Këristu Yeesu, na leentsi uwar tsi bërun Ponsiu Pilaatus uleka uwakul, ko wi n du n tsuu wi përo ci wun wi:

1 TIMOTEU 6:19

Unk di bu kuu jukëlën dun bëka buwar, bëliincal, pa tsi bërun, pa bukul pii tsënkan ubiira un ci wi ubiira ucär.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

2 TIMOTEU 2:2

A ko wi n leents wi tsi bërun bacumal ba maatir biki a m te, tergaari wul bañaan ba mob biki tsi uwak, biki kan yëlan biki buts pëjukan wul balon.

2 TIMOTEU 4:7

Man kaman ukam u wara wi, man túk aa n ba pëtúk, man mob tsi uwak.

BAYEBËREU 13:23

Nda mean, nan tsaari ni nja nul Timoteu, apënanee di ukalabus. Uci na car abaandi, ka bi ni nul pëwin ind.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

BAYEBËREU 6:18

Unk, tsi ngëko ngëtëb ngan yëlanats ngi pëbutanaa, ngan yëlanats ngi pëjaa Nasien-batsi atsup tsi ngul, nja ka liinc-liincana ngëwaas mak, n ja ban túki biki pii mob pëliincan uwats un tsua wunk tsi bërun.

1 PER 3:9

Ñaan nando indi uwutsëtsuel, ind tsë lukanaanul uwutsëtsuel, oo kakar tsë lukanaana kakar, maa u wara wi. Nda ru kë ja ngëwar par umënts wan wi nda ruuree wun, pa ind pëyank uwar wi nda ka wi përukanda.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 JOŊ 2:25

Wi ci-un uwatsan wi na watsán nja wi: ubiira un dits wi ka ba.

JÚDAS 1:3

Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.

UPIBAN 3:3

Lesan bi m jukana bi m ja, ni bi m te bi m ja; moban tsul, yaari ibats. Maa uci m katats ibats, din ka bi pi nakiej, te m di kë me koon këme uler wi ndu n bi wi tsi wi.