1 TIMOTEU 5:8 - KARÚK-PËRIM KAWALU Nouveau Testament

⁸ Uci ñaan dits ka këmand bayëtsul, andes bañaan katoul, namënts un awëtan uwak, a na pe ñaan na wakatsi pëwaraatsa.

1 TIMOTEU 5:8 ပူးပေါင်းရင်းမြစ်များ

MATEU 18:17

A uci na pok pëcikëndën bukul, leentsan Ngëriisia ko umënts. A uci na pok buts pëcikëndën Ngëriisia, tsuun nul pi nameets-nasien-batsi, ni pi nayep bëluk-uraasa.

MATEU 7:11

Ind ba waraatsa biki, ande nda me aatsum pëwël upäts ind ngëko ngëwar; a nda me koon, Asin ind nan cii di batsi, ka wël biki ka yepul biki ngëwar!

KAKÚRAN-KAWAR YEESU KRISTU BI JOŊ LEENŢ BI KUL AJA 15:22

Uci ndoots n bi, a nji ndoots leents bukul, bu bitse ka ka ujuban. Maa inkri, bu kaats ulaabaraani ujuban bukul.

1 KORINTU 6:6

Maa, ñaan ka tsëpand ni ba tsaari tsëko kawat-pëleents, di bërun bawakats!

2 KORINTU 12:14

Nda teenan-e, nji n yecis ink pëbi di ind uyaas uwaajantsan; a nji, in di ka n ci pëyunts pa ind, par nji n tsasats bëka ind, maa ind bërier ind. Cits upäts ka jukëlën bukun pa basin bukul, maa basin bukul ka jukëlën bukun pa upäts bukul.

2 KORINTU 6:15

Manteelar moom ci mun tsi Këristu ni Beliar? Oo nafets Yeesu, wee na bofara wun ni nan citsi nafetsul?

GALAASIA 6:10

Wul ka wun, u yëla nja bëro, ngë ro bañaan bëlieng ngëwar; maa, pëpeena biki ngë bëka biki tsi uwak.

2 TIMOTEU 2:12

uci ngë mob tsi pëmiira, n ja kee sien ni nul. Uci ngë wëtanul, nul buts nii wëtan n ja;

2 TIMOTEU 3:5

bu ka piban unk pi bu lënk Nasien-batsi ank, maa bë bër uyëlan ulënkëniul. Lawani buts bamënts bukun.

TIITU 1:16

bë ja ba roon bu kë ja bë me Nasien-batsi ank; maa tsi ngi bu kë ro ngi, bë niiraantsul. Bë ci bañutsanuel, barika-ro ko un jaka wi, bayëlaants përo nin ko u wara wi.

2 PER 2:1

Bi bayëlia batsup ro bunk ci tsi pëncuaf bañaan-ucaak, unk buts di bajukan-ngëtsua batsup kii cili run tsi pëncuaf ind. Bu ka niajan bëjukan ban cika bi, bi kan cok bi, te u tsu bukul pëbër Ajug, nul nan buerani bukul; bu ka tsiji kacok kacaral tsi ruets iyeen bukul.

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.

UPIBAN 2:13

‘Ma me tsi m ciina tsi: tsul tsi pëtsoari-pësien Useetaani ci tsun. Maa, m mob tsi katim nji m liincan, a m wëtaants uwak nji, ŋal uwal wi Antipas fiŋa wi, nul nan ci namaatir-ngëmiñ, na mobi tsi ngul; afiŋa tsi pëncuaf ind, tsul tsi Useetaani ciina tsi.

UPIBAN 3:8

‘Ma me ngi m ja ngi m doon kuu ro. Teenan-e! Man tsu tsi bërunu pëlëman pa waantsa pi, pi ñaan yëlaants pi përíc. Ma me m tienkëts pëyëlan, maa m mob tsi përim nji a m wëtaants katim nji.