1 TIMOTEU 5:21 - KARÚK-PËRIM KAWALU Nouveau Testament

²¹ A te nji ka n leentsu ank tsi bërun Nasien-batsi ni Këristu Yeesu, ni ngëwaanju ngan data ngi: Moban tsi puu ro ngëmënts ngun; cats lacan ñaan te m meets bërun uwar bi u ci bi, a te cats cikara uleka ñaan.

1 TIMOTEU 5:21 ပူးပေါင်းရင်းမြစ်များ

MATEU 16:27

Par, Abuk ñaan-najin, kee bi ni ngëwaanjuul di përëmb Asin; uja kara ñaan, në lukul ngi na ro ngi ka ro.

MATEU 25:41

Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju.

MATEU 28:20

nda jukani bukul puu mob tsi ngi n tsu ind ngi, ngul bëlieng. Nda teenan-e, mán ci ni ind ngënu bëlieng, te uba umundu.”

LÚKAS 20:21

A ba yepar aja: “Najukan! Wund ame m ja m doon kë ñakan ko u mab wi, a kë jukan ko u mab wi. M teenënats ko wi ñaan ci wi, maa kë jukan bëga Nasien-batsi tsi ko un ci wi ucär.

LÚKAS 9:26

Par, ñaan nan kawee tsi undo nji ni irim nji, Abuk ñaan-najin kee kawa tsi undoul, ubiul ni përëmbul, ni pi Asin, ni pi ngëwaanju ngëyëman.

2 KORINTU 5:16

Unk, pëpën tsi inkri, wund tsi uyamats, wund kaats ñaan ni wund mei. A uci wund ro me Këristu tsi uyamats, tsi inkri, cits unk di wund meul run.

1 TESALONIKA 5:27

Man buara ind tsi Ajug, pa uletar wi pëjuka tsi biki ngë tsaar biki bëlieng.

1 TIMOTEU 6:13

Tsi bërun Nasien-batsi, nawël ngëko bëlieng uyafënts, ni tsi bërun Këristu Yeesu, na leentsi uwar tsi bërun Ponsiu Pilaatus uleka uwakul, ko wi n du n tsuu wi përo ci wun wi:

2 TIMOTEU 2:14

Moban tsi puu lesan bukul ngëmënts ngun. Caran leents bukul tsi bërun Nasien-batsi; jaan bukul ba wët mantotëlër tsi irim; mul kaats bëkat, aci mi ka niaman mi biki kan cikëndën biki.

2 TIMOTEU 4:1

+-Nji n leentsu ank, tsi bërun -+Nasien-batsi ni Këristu Yeesu nul nan kai pëwat bayësal pëleents, në watand bacäts pëleents, nji n leentsu ank tsi undo upibandariul, ni tsi undo pësienul:

JAKOB 3:17

Maa, kameko kan pënë-ni ki batsi, acakësaan pëci kajëntsal, a ka ru ci kan tsiji ki pëfac, ni kajuab-uwaas, ni manteelar, ni pëcum ni kayëk-ipës, ni ngëwar ngan dola ngi; kul di ka kicës bañaan, kaats kanguungu.

2 PER 2:4

Par Nasien-batsi jampësaats ngëwaanju bi nga juban bi, maa, atan ngul ni mkorente agutsar nfeernu, di tsëko tsërëmëntsuel, a na yecis ngul pa unu kawat-pëleents.

JÚDAS 1:6

A ngëwaanju ngan tsuunkarats ngi ko wi nga ci wi, maa nga bër tsi nga ro tsi ciina, Nasien-batsi agaang ngul di bametsu karëm, a nga ricara sandëndën, pa Unu uwiak, wi kawat-pëleents.

UPIBAN 14:10

nul buts nii raan pëwat uriab Nasien-batsi, pul pan gëbëlanaatsa pi a pa tsua di karaani kan tsij ki uriab Nasien-batsi; në tsua mak tsi unoor di bërua ni ucof, tsi bërun ngëwaanju ngëyëman, ni tsi bërun Ubuk-unkaanel.