1 TIMOTEU 5:17 - KARÚK-PËRIM KAWALU Nouveau Testament

¹⁷ Ban tsua biki bajëŋal di Ngëriisia a bu kë leemp uwar uleemp kayër-bërun, bu tsënkan puu wëla urispiitu un kës wi mak, andes bajëŋal ban ci biki tsi unoor kaleents-përim, ni bëjukan.

1 TIMOTEU 5:17 ပူးပေါင်းရင်းမြစ်များ

MATEU 24:25

Nji n car ank a leents ind.

LÚKAS 10:7

Nda ciin tsi kato kamënts; ko wi ba ka wi, nduu re, nduu raan. Par, naleemp aka pëyank bëlukul. Ind tsë ja nda ci tsi kato, ndë pën ka but kacints.

LÚKAS 12:42

Ajug yankul, aja: “Yën ci-un naleemp na mobi tsi përim pi na jaka pi, na ka ibats? Aci naleemp ni nawiak kë tsui përukanda baleemp tsi katoul, uja ba band pëwëla bariala, në wël bukul.

KAKÚRAN-KAWAR YEESU KRISTU BI JOŊ LEENŢ BI KUL AJA 4:38

A nji ka n yël ind ink kacët tsi tsëko tsi nda leempats tsi; balon do bukun cíb tsi uleemp, a nda rukee yank bëkat uleemp bukul.”

NGËRO 11:30

A ba ro unk. A ba wël bëtsënk bëmënts bun pa bajëŋal di Ngëriisia, Barnabas ni Sol tsëpand bukun bul.

NGËRO 20:35

Tsi ko un ci wi-ba këci, man piban ind, ngë ka pëleemp uleemp uñatsal pa pëtsënk ban fier biki, nja kë les irim Yeesu, Ajug, i na ja yi nul bërierul: ‘Ni ka wëli ape ni ka yanki pëci nanaakal.’”

NGËRO 28:10

A ni urispiitu uwiak, ba rispitaar wund; bi wund kë gija bi, a ba tsiji ngëko ngi wund fier ngi bëlieng tsi bëyaas, ee tsu di bëntsian.

ROOMA 12:8

uci pa puu liinc-liincan ngëwaas bañaan, na liinc-liincani ngëwaas bañaan; uci pa puu tsënk, na tsëkan ni uwaas un fac wi; uci pa puu mandaar, na mandaari ni uŋal; uci pa puu yëkar bañaan ipës, na roan ank ni ulílan.

ROOMA 15:27

tsi bëwinar bukul, bi ba ro bank awara, te u ci ko wi ba ka wi përo; par uci ban cits biki Bajudeu bof tsi pëfaar ngëko Bajudeu ngi Uwejats Nasien-batsi, bu ka buts pëfaar ngëko-ngëro bukul ni Bajudeu.

ROOMA 16:12

Nda leendarin Trifeena ni Trifoosa, bukul ba leemp biki ulemp uñatsal tsi Ajug. Nda leendarin Persis, na ŋalee, nul na noori mak tsi uleemp Ajug.

1 KORINTU 15:10

Maa tsi bëtseend Nasien-batsi, man ci ko wi n ci wi. A bëtseendul bi wëla bi, cits ko un kaats wi bëkat, maa man leemp a n pean bukul bëlieng, maa cits nji; aci bëtseend Nasien-batsi ka leemp bun ni nji.

1 KORINTU 16:16

Nda baari ibats ind tsi pëcikëndën bukul, ni nan bofi ba këbof tsi uleemp, a nuu cib tsi wul.

1 KORINTU 3:9

Par wund aci ban bof biki tsi uleemp Nasien-batsi; a ind nda ci bërig uleemp Nasien-batsi, a nda ci kato ki Nasien-batsi leemp ki.

2 KORINTU 6:1

A wund biki ka leemp biki ni Nasien-batsi, wund abuara ind, ind tsë tienkëtsan bëtseend bi nda yank bi di Nasien-batsi.

GALAASIA 6:6

Unk, ñaan nan ci tsi pëjukanaa përim, aka na roon në faar ngëko ngëwar ngi na ka ngi bëlieng, ni nan ci tsi pëjukanul.

FILIIPUS 2:16

ind ba mob bikink përim ubiira aliincan. Unk, tsi Unu Këristu, ko umënts wun ka ci upícëni nji, undo pëtuk pi n túk pi, ni mcibi mi n cib mi, përits ci ko un kaats wi bëkat.

FILIIPUS 2:29

Bi u ci bank, nda welaniul tsi Ajug ni ulílan uwiak, ndë rispitaar bañaan pi nul.

FILIIPUS 4:3

Eey-e, wi kambof-uleemp ni nji, nacär! Man ñaanu këñaan, tsënkan bakaats bamënts biki, bukul ban kamandar biki Upetsan-uwar tsëloole ni nji, ni Këlementi, ni baleemp ni nji ban duka bukunk bëlieng, bukul biki itim bukul ci yi di ulibëru ubiira.

1 TIMOTEU 3:5

Par, na meetsi bi nuu tsij bi katoul, um bi nuu tsij bun Ngëriisia Nasien-batsi uwar?

1 TIMOTEU 4:10

Nja ka cib tsi uleemp, a nja kë kaman, par ngë tsu uwats nja tsi Nasien-batsi nayësal, nul nan ci Nabueran bañaan bëlieng, andes ba uwak biki tsi nul.

1 TIMOTEU 4:14

Cats tienkëtsan bëtseend ban ci bi tsi wi, ba wëlau bi, bi përim bayëlia leentsa bi, a bëjúk ban tsua biki bajëŋal pafu iñan.

1 TIMOTEU 4:16

Rukan ibats uwar tsi wi, ni tsi bëjukanu, kuu tambandar tsi ko wan. Par, uci kë ro ank, kii bueran beenu, ni bacikëndënu.

1 TIMOTEU 4:6

Uci m jukan ngul batsaar ni wi tsi Këristu, kë ci naleempar Këristu Yeesu, naleemp nawar na mobi tsi puu rialaan irim uwak, ni yi bëjukan buwar bi m fets bi uwar.

1 TIMOTEU 5:19

Cats niiran pëtsupara pi nan tsuee najëŋal tsupara pi; m duka ba ka niiran, batëb ba maatir biki, oo bawaants, ka bof përim.

1 TIMOTEU 5:3

Ban cätsëndan biki bayën bukul a ba baaraan përuka unk, këmandi bukul.

2 TIMOTEU 2:6

A najaar na noori tsi kajaar, ka un pëyank bërun kafaul tsi ko wi mleempëna pënani wi.

2 TIMOTEU 4:2

Leentsan përim Nasien-batsi; uwal wara oo u waraatsa ank, moban tsi puu leents pul. Pibani un cits wi ucär, leentsari nan kai pëleentsara, liinc-liincani ngëwaas bañaan; kuu ro ank ni umiira bëlieng, kuu jukanaand.

BAYEBËREU 13:17

Nda roan ko wi ban tsijëna ind biki kë ja wi, ndë niiran wul; bë ci tsi pëwaay ngëwaas ind, par bu ka pëleents bi ba ro bi ja. Nda roan ko wi bu kë ja wi, bukul puu leemp uleemp bukul ni ulílan, u rits ci ni ngëwaas ngan de ngi. Par ucits ank ba, di ka wara ind.

BAYEBËREU 13:24

Nda leeni ban tsijëna ind biki, bukul bëlieng, ni bayëman bëlieng. Biki Itaalia bë leeni ind.

BAYEBËREU 13:7

Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.