1 TIMOTEU 5:10 - KARÚK-PËRIM KAWALU Nouveau Testament

¹⁰ aka pëmeanda karo ngëwar: Uci na kus upätsul uwar, a na ci nawelan bañaan, a nuu ñaw bayëman itsiim, a nuu tsënk ban juatsan biki, a na ci na mobi tsi puu ro ko u wara wi-ba këwara përo.

1 TIMOTEU 5:10 ပူးပေါင်းရင်းမြစ်များ

MATEU 25:17

Unk, a na yank unk këtaleentu këtëb, gaañaari këtaleentu këtëb këcínts.

MATEU 5:16

Unk buts, ufac ind u fietsan tsi bañaan, pa bu ka win ngëwar ngi nduu ro ngi, bu këbëndan Asin ind nan cii di batsi.

LÚKAS 7:38

Na bi ee nats tsi ufets Yeesu, tsi kawok itsiimul, nuu rug, a mŋandul tula añuawan itsiim Yeesu. A ni uweelul, na faaul itsiim, na wúnkëra yul, na kër yul ulicar.

LÚKAS 7:44

Na witsësa amab ŋaats, na ja Simon: “M win ŋaatsi? Man niaji katou, a m wëlatsin mlik mñawuni itsiim. Maa nul, añawin itsiim ni mŋandul, na faa yul ni uweelul.

NGËRO 10:22

A ba ja: “Korneeliu, aci kapëton basondaari, niints namabal, na lënkand Nasien-batsi; a ucaak Bajudeu bëlieng kë jaarul ko u wara wi. Ulon uwaanju uyëma njaul wun na ruiu bi katoul, nii te irimu.”

NGËRO 22:12

A u ro ka nalon niints, ka jaka Ananias, aci ñaan na lënki Nasien-batsi, a na mab tsi ulua, a Bajudeu ban ci biki rul bëlieng kë ja ngëwar tsi ulekaul.

NGËRO 6:3

Maa, batsaar ni wund! Nda ratan bayënts paaj ni nalon tsi ind, biki ka n jaara biki ngëwar, a ba cum Uwejats-ujënts ni kameko, nja ka tsu bukul tsi uleemp wi.

NGËRO 9:36

A u ro ka nalon nafets Yeesu ŋaats di Jope, ni ka n jakee Tabita, uci wi Dorkas, un ci wi ubaca; nul acum ni karo-ngëwar, ni kawël-bëtseend.

NGËRO 9:39

A Per natsa atsëp ni bukul. Bi ba band bi, a ba tsëpandul di pëfër përuets, a bacätsëndan-bayën bukul bëlieng fayul, a bu kë kaan, ba pibanul ipantu, ni iŋi-bëtiem i Dorkas leemp yi, bi na wama bi ci ni bukul.

ROOMA 12:13

Nda tsënkan bayëman tsi ngëfier bukul, ndë túkar puu welan batsooŋ.

EFEESU 2:10

Par ngë ci ko wi Nasien-batsi leemp wi. Aleemp nja tsi Yeesu Këristu pa ngëwar ngi na ro ngi yecis ba, pa n ja pëci tsi përo ngul.

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

1 TIMOTEU 2:10

maa ba tsuun ibats bukul tsi karo ngëwar, bi bakaats ba nja biki bërier bukul bu lënk Nasien-batsi ja bi ba roon bu kë ro.

1 TIMOTEU 3:2

Bi u ci bank, iink di nawaay-bañaan ka run pëci: ka ci nan kaatsi ulaci, niints na nimëni ŋaats naloole, naliingëlan-ko, natsëkal, ñaan-urispiitu, nawelan-batsooŋ, në ci na yëli bëjukan.

1 TIMOTEU 3:7

A na ka pëciind ñaan ni bañaan utsand rëmbani, pa na rits kawarana, na rits yër tsi pëgungan pi Ujabël gúngan pi.

1 TIMOTEU 5:16

Uci ŋaats na waki ka ban cätsëndan biki bayën bukul tsi bañaan katoul, na këmandi bukul; kaats pëci pëyunts pi Ngëriisia kë yuntsl pi. Unk, Ngëriisia ka yëlan pëkëmand ban cätsëndan biki bayën bukul a bu kaats nakëmand bukul.

1 TIMOTEU 5:25

Unk buts, ngëwar ngandola ngi, aja nga roon ngë wina; ŋal nga winaatsa ngi di ka baan tsi pëbekar.

1 TIMOTEU 6:18

Jaan bukul ba ci tsi puu ro uwar; ba ciin barëmb tsi karo ngëwar, batseend ni ibats in fac yi, bu ka ciind ban yecis biki puu faar ni bañaan.

2 TIMOTEU 1:5

a n lesand uwak un ci wi di wi; kanguungu cits tsi wul. Wul, aro ci bërun di atiemu ŋaats, Lois, a u bi ci buts di aninu Ënis. A n baaraan pëfiaar u ci buts di wi.

2 TIMOTEU 2:21

Bi u ci bank, nan pënani bërierul mtsopi mmënts mun tsi ubiiraul, në ci kaŋí karooni ko un dëmbana wi, kan patsanaa, kan ka ki bëkat pa Nawiak, kan yecisa ki pa puu ro ko u wara wi-ba këwara.

2 TIMOTEU 3:15

a m les, m me Bëpican Bëyëman ki m wam ki napäts. Ngul, a yëlan pëwëlu kameko, pa pëtsëpandu aa uwaku tsi Këristu Yeesu ka bueranu.

2 TIMOTEU 3:17

Unk, ñaan Nasien-batsi ka yecisa uwar, pa puu ro ko un ci wi-ba këci uwar.

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

TIITU 2:7

Tsi ngëko bëlieng, pibani tsi wi bërieru m ci ñaan ni bañaan kë teenëni tsi karo ngëwar: tsi bëjukan, pibani bëjëntsal, ni urispiitu,

TIITU 3:1

Lesani bukul ba ka pëmob tsi ngi bañaan-utsua tsu ngi ni bañaan-pësien, puu ro ko un jaka wi, pëci ban yecis biki pa puu ro ko u wara wi-ba këwara.

TIITU 3:14

Ba yiic nja, bu ka pëjuk buts puu pe këpe përo ngëwar, pa pëfierësaraan ngan fiera ngi tsi uyëk wul. Unk, ba rits ci bakaats-bëkat.

TIITU 3:8

Përim pëmënts pi aci pan waka pi; a ŋal m doon kë mob mak tsi puu leents ngëmënts ngun, pa ba uwak biki tsi Nasien-batsi ka baar ibats tsi puu ro ngëwar. Ngëmënts ngun aci nga wara ngi mak, a nga ka bëkat pa bañaan.

BAYEBËREU 10:24

A nda ju ngë teelar pa puu liinc-liincandar ngëwaas tsi bëŋal, ni tsi përo ngëwar.

BAYEBËREU 13:2

Ind tsë fin kawelan-batsooŋ; par tsi puu ro unk, a balon welan ngëwaanju, te bu meets.

BAYEBËREU 13:21

Na yecis ind tsi ko u wara wi-ba këwara, ndë yëlan përo uŋalul. Nuu ro tsi ngëbiira nja ko wi nuu lílandër wi. Yeesu Këristu ka ro un ko wan; përëmb pa ciin pa nul, pa sandëndën. Ameen!

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

1 PER 4:9

Nda ru kaan ka welan batsooŋ tsi nda ci tsi, te nda rits ru ŋëmŋëm.

3 JOŊ 1:12

A Demeetriu, bañaan bëlieng ka ja uwar tsi ulekaul. Ucar, wul bërier wul leents wun ko uwar wi na ro wi. A wund buts, wund ka leents ko uwar wi na ro wi; a wi m me ko wi wund kë leents wi ci ucär.