1 TIMOTEU 4:6 - KARÚK-PËRIM KAWALU Nouveau Testament

⁶ Uci m jukan ngul batsaar ni wi tsi Këristu, kë ci naleempar Këristu Yeesu, naleemp nawar na mobi tsi puu rialaan irim uwak, ni yi bëjukan buwar bi m fets bi uwar.

1 TIMOTEU 4:6 ပူးပေါင်းရင်းမြစ်များ

MATEU 13:52

A na ja bukul: “Wul ka wun, napican-ulua nan ci nafets ngëko pësien batsi, anaam pi nawiak kato nan pënanii ngëko ngëwalu ni ngëjon tsi bëkaul.”

LÚKAS 1:3

A nji, ma yepar ngul bëlieng uwar, ki ucaki-ko; a u wara ndoon, ka pican ngul bi nga par bi ja, pa wi.

NGËRO 1:15

Tsi ngënu ngëmënts ngun, Per natsa tsi pëncuaf ban tsaar biki ni nul, ban juk biki aci ko pi bañaan useent ni ngëntaaja ngëtëb, a na ja bukul:

NGËRO 20:31

Nda waayan, ndë les wëtaants pëjukan kara ñaan tsi ind, ni mŋand, tsi ko undo wi ngëwaanu ngëwaants, bërëm ni pënak.

NGËRO 20:35

Tsi ko un ci wi-ba këci, man piban ind, ngë ka pëleemp uleemp uñatsal pa pëtsënk ban fier biki, nja kë les irim Yeesu, Ajug, i na ja yi nul bërierul: ‘Ni ka wëli ape ni ka yanki pëci nanaakal.’”

ROOMA 15:15

Maa, man picandëri ind ni bëyeentsal, pa pëlesan ind uleka ngëlon ngëko, undo bëtseend bi Nasien-batsi wëlin bi,

1 KORINTU 4:17

Undo ko wi ka wun n wëtandari ind Timoteu, napäts nji ni n ŋali, namob-tsi-përim tsi Ajug; nul ka lesan ind bëga nji bi n yandaaraan bi tsi Këristu Yeesu, ni bëjukan nji, bi n ja bi ndoon koo jukan di kara Ngëriisia di ngëbuuru bulieng.

2 KORINTU 11:23

Mán ñakan pi in kaats uwejats. Bu ci baleempar Këristu-a? Nji man pe bukul! Tsi uleemp u ñats wi, man pe bukul! Tsi përica, man pe bukul! Tsi këlumbanj ki n lumbanjaa ki, jaakaats! Tsi pëjuatsan te a ndu n tsas pëcäts, ngëyaas ngëcumal!

2 KORINTU 3:6

Nul ci-un na wël wundi pëyëlan pëci baleemp tsi Karo-pëloole kawalu. Cits tsi upic, maa tsi Uwejats; par upic ka fiŋ, maa Uwejats ka wël wun ubiira.

2 KORINTU 6:4

A tsi ngëko ngi wund kë par-na ngi bëlieng, wund ka piban bërier wund, wund ci baleemp Nasien-batsi tsi pëliincandër, ni tsi pëjuatsan, ni tsi unoor,

EFEESU 6:21

Pa ind buts pëme ko wi nciina wi, ni ko wi n du n do wi; Tiikiku, nul natsaar nja na ŋalee, a na ci naleemp na mobi tsi Ajug, ka leents ind bëlieng ngan par ngi.

FILIIPUS 2:20

Nji, in kaats ñaan nan ci pi nul, ni wund bofi ibats, nan ci tsi pëwejats tsi ubaaraari ko u wara wi pa ind.

FILIIPUS 2:22

Maa nda me ko wi Timoteu piban wi tsi bëciul: par, pi napäts tsi kawok asinul, aleemp ni nji tsi uleemp Upetsan-uwar.

FILIIPUS 3:16

Maa tsi ngë ruka tsink aband, nda ju ngë bof pëya bërun.

KOLOS 2:19

Nul, awëtan puu mob tsi Been, bul ban tsijëna bi uliaf bëlieng a u mobular uwar tsi ngësúk ni tsi intaañ, a uu wiaka bi Nasien-batsi tsu bi wul puu wiaka.

KOLOS 3:16

Përim Këristu, ni bëka pul bëlieng, pa ciin tsi ind. Ni kameko bëlieng, nda ciin tsi puu jukan, ni tsi puu tseendar ibats. tsi ngëwaas ind, nda yaan Nasien-batsi iya ubëndan, ni iya-ubaran, ni iya tsi Uwejats-ujënts.

KOLOS 4:7

tsi uleka ngi n ciina ngi, Tiikiku ka leents ind ko un ci wi-ba këci. Nul aci nan tsaari ninjana ŋalee, a na ciind naleemp na mobi tsi ko wi na tsua wi, naleemp ni nji tsi Ajug.

1 TESALONIKA 3:2

A wund yëli Timoteu, nul natsaar ni njaa na ci naleemp ni Nasien-batsi tsi pëleents Upetsan-uwar Këristu. Wund ayëliul pa pëliincan ind, ni pëliinc-liincan ind ngëwaas tsi uwak ind,

1 TIMOTEU 1:10

bamob tsi ngëko katúk-ufuts, bayënts bapiintsanda, bajulats bañaan, batsup, bawëtan përim pi ba baaja pi, ni ko un ci wi-ba këci u yukats wi tsi bëjukan bëwar.

1 TIMOTEU 4:16

Rukan ibats uwar tsi wi, ni tsi bëjukanu, kuu tambandar tsi ko wan. Par, uci kë ro ank, kii bueran beenu, ni bacikëndënu.

1 TIMOTEU 6:3

Uci ñaan ci tsi pëjukan bulon bëjukan, uci na mobats tsi irim Ajug nja Yeesu Këristu, yul irim iwar, uci na mobats tsi bëjukan ba yuk bi tsi pëlënk Nasien-batsi,

2 TIMOTEU 1:6

Wul ka wun n du lesanu, wamban utseend Nasien-batsi ban ci bunk tsi wi, uwal wi n pafu wunk iñan nji.

2 TIMOTEU 3:10

Maa wi, m mob uwar tsi bëjukan nji, bëro nji, ko wi n tsaag wi, uwak nji, umiira nji, bëŋal nji, pëtambandar nji,

2 TIMOTEU 4:3

Par, uwal ka ci a u baandi, wi bañaan katse wi ka niiran bëjukan bëwar, maa bu koo ro ngi ba ŋal ngi, bu kë cum mak bajukan, biki koo nja biki bukul ngëko ngi ka com ngi bukul ibats.

TIITU 2:1

Maa wi, jaan ko u mab wi tsi bëjukan bëwar.

1 PER 2:2

Pi upäts bandu bëka, nda fieran mak mtaw Uwejats Nasien-batsi mjënts. Unk nduu wiakëna tsi mul pa pëbuer,

2 JOŊ 1:9

Ñaan nan tsëpi ba këtsëp alawan mak, na mobatsi tsi bëjukan Këristu, kaats Nasien-batsi; maa na mobi tsi bëjukan bëmënts bi, namëntsi aka Asin na kaand Abuk.

JÚDAS 1:5

Ŋal bi nda ba bi pëme ko wan uwar, maa, ma ŋal pëlesan ind bi Ajug buerani bi bañaanul di pëboos Ejipët a nuu ba, na ba ni bañaan ba uwakats biki.